1 Timɔte 6:2 - Dɔnɔn kə̂ Siki: Tar kə̂ aw arə təbbə

² Bbərəje kə̂ əbbədede toje to njê-mə-kunnje, maji karə n̂-dabbəjede ang, a maji karə n̂-ddaje kula darəde kə majɛ̂ uta bbay, mba əbbədede le toje to njê-mə-kunnje kə̂ Lubba ndikide nya. Nɛ̂ɛnn â maji karə ə-tɔju dəwje ngaâ unn ndu mbɛɛ̂.

Maketuru le Lubba ke tar kabba

² Bbereje ke ebbedede toje to nje-kometeje, maji kare n̂-dabbejede ang mba ebbedede le to toje to ngakɔnde ke me Kiriste te ngaa ebbedede le toje to dewje ke ndikide nya a daw n̂-ddaje kula ke de. Ne ke maji kare e-tɔju dewje ngaa unn ndu wɔju dɔe a neenn. Ne ke maji kare e-tɔju dewje ddem unn ndu dɔe te ddem a neenn.

1 Timɔte 6:2 Iomraidhean Croise

Matiye 23:8

A sese, dang bba arəje dəwje bbarse ‹Nje-nɛ̂n-tɔju› ang. Mba sese tɔyn ə-toje to ngakɔn-naan ngaâ nje-nɛ̂n-tɔju ləse kâra baa.

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Matiye 6:24

«Dəw kâra, asə dda bbərə lə əbbeejedede joo ang, mba nâ mbətə marɛ̂ kâra, a nâ ndiki marɛ̂ kâra. Wase nâ kunn rɔɛ̂ karə marɛ̂ kâra, a nâ mbətə marɛ̂ kâra. A kasəje ta dda bbərə lə Lubba ddəm narɛ ddəm ang.»

Kulaje 1:15

Dɔ ndɔɛ̂je tə̂ənn, Piyɛr in taar horo njê-mə-kunnje tə̂ kə̂ kɔrde asə kɔr kâra kə dɔjoo ngaâ pa nan:

Rɔmɛnje 11:17

Ngann Ijarayɛlje toje tokə kakə olibə kə̂ maji kə̂ n̂-dubbu ndɔɔ̂, kə̂ n̂-tuka marə barkəmɛ̂je. A əi, ə-to tokə barkəm olibə kə̂ muû, kə̂ dunn dɔsu turu ye tə̂ kə̂ maji le. Bbasinɛn, nɛ̂nje kə̂ maji kə̂ ngann Ijarayɛlje aw ingaje, əi aw inga tɔ, tokə barkəm kakə kə̂ dɔsu kar marɛ̂ tə̂ aw inga singa ddəw ngira kakə tə̂ le.

Rɔmɛnje 8:29

Mba Lubba gərəde ngaâ undade dang tokə kete karə n̂-ddeeje tokə lə Ngonnɛ̂, mba karə Ngonnɛ̂ le təl to Ngonn-dərə horo njê-mə-kunnje tə̂ kə̂ banya.

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Epɛjinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, mula kə makəturu nəənn marə dəwje lə Lubba kə̂ ooje məde tə̂ kə Jeju-Kristə kə̂ isije Epɛjə.

Epɛjinyɛje 1:15

Mba yeenn bba, əman njaa kara, unn kute ndɔ tə̂ kə̂ moo nan ooje məse tə̂ kə Əbbə-dəwje Jeju ddəm aw ndikije njê-mə-kunnje tɔyn ddəm le

Epɛjinyɛje 3:6

Nɛ̂n kə̂ to lo-kiyɛ̂ tə̂ le tokə be: Ddəw Tar tə̂ kə̂ Maji, Lubba gɔl dəwje kə̂ toje to Jiipije ang karə ingaje nɛ̂nje kə̂ n̂-gɔl mba Jiipije naan tə̂ kə de. N̂-ddeeje to da-rɔ kə̂ kâra baa ngaâ nɛ̂n kə̂ Lubba unn ndue ta karə ddəw tə̂ lə Jeju-Kristə to mbade tɔ.

Kolosinyɛje 1:2

n-dda makəturu nəənn jarə ngakɔnje kə̂ toje to dəwje lə Lubba, kə̂ ooje məde tə̂ kə Kristə ngaâ ddaje saa mə-kâra, kə̂ isije tɔkə bbe tə̂ kə̂ Kolosə. Maji karə Bɔjeje Lubba dda kə se mə-maji ddəm arə məse wul lɔm ddəm.

Kolosinyɛje 1:4

Joo tar məse kə̂ unnje arəje Jeju-Kristə kə tar ndiki kə̂ aw ndikije dəwje lə Lubba tɔyn le.

Kolosinyɛje 4:1

Sese kə̂ eeje kə bbərəje, maji karə ə-ddaje kə de nɛ̂n kə̂ gatə gatə ddəm nɛ̂n kə̂ to kə dɔgɔlɛ̂ ddəm. Mba maji karə ə-gərəje to sese kara eeje kə Əbbəsese darâ tɔ.

2 Tesalonisinyɛje 1:3

Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.

1 Timɔte 4:11

Nɛ̂ɛnn â maji karə unn ndu dɔɛ̂ tə̂ ngaâ ə-tɔjude.

1 Timɔte 5:1

Maji karə ə-ndəjə dingaw kə̂ bbuka tokə lə bɔije njaa, bbo ə-ndangɛ̂ ang. Ə-ndəjə basanje tokə lə ngakɔinje njaa.

Titə 2:1

A əi Titə, maji karə ə-tɔju nɛ̂n kə̂ to ddəw kâra baa kə nɛ̂n-tɔju kə̂ to gatə gatə.

Titə 2:15

Maji karə ə-pa tar tokə baann, arə ndəjə arə dubbaje nɛ̂n singa ta ə-ndangəde kə ndu kə̂ mɔngu. Ə-dda arə dəw kâra dabbi ang.

Titə 3:8

Tar nəənn to tar kə̂ asə karə dəw unda məɛ̂ dɔɛ tə̂. M-ndiki ta karə ar dɔɛ tə̂ nya, mba karə dəwje tɔyn kə̂ undaje məde dɔ Lubba tə̂ unnje rɔde mba dda kulaje kə̂ maji uta. Yeenn to nɛ̂n kə̂ kura ngaâ aw dda maji kə dəwje.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 3:14

Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.

1 Piyɛr 5:1

Bbasinɛn, m-ndiki ta ndəjə dəwje kə̂ dɔ Egilisi tə̂ kə̂ toje horose tə̂. Əman kə̂ m-to dəw kə̂ dɔ Egilisi tə̂ marde tɔ le, m-to nje-tar-naji ndooje kə̂ Kristə oo. Mâ kinga piti kə̂ Lubba a tee nɛ̂n kə̂ ddaka le tɔ.

2 Piyɛr 2:10

Uta tɔyn, nâ gangə sariya dɔ njê kə̂ aw ddaje nɛ̂n ddəw bboje tə̂ kə̂ da-rɔde tə̂, a ooje singa-mɔngu lə Lubba to nɛ̂n ang. Njê-nɛ̂n-tɔjuje kə̂ tɔkɔrɔ ang nəənn le əjəje to dasəje ta dda nɛ̂n tɔyn ngaâ daw dundaje gude nya nya. Ndilje kə̂ darâ kə̂ aw ingaje piti njaa kara n̂-bbəəlje ta tajide ang.

Judə 1:8

Dəwje kə̂ andəje horose tə̂ənn le ddaje nɛ̂n tokə baann tɔ. Daw dəjəje nɛ̂nje kə̂ to kə dɔgɔlɛ̂ ang, daw tujuje rɔde, dooje kɔn-mbay lə Lubba to nɛ̂n kə̂ baa ngaâ n̂-tajije anjəje kə̂ asəje karə dəwje pitijede.