1 Timɔte 6:19 - Dɔnɔn kə̂ Siki: Tar kə̂ aw arə təbbə

¹⁹ Baann bba dâ gɔlje nɛ̂n dam ləde kə̂ kura kə̂ gɔlɛ̂ kətərə, mba ndɔ kə̂ bara. Yeenn tɔ bba dâ kingaje təbbə kə̂ tɔkɔrɔ.

Maketuru le Lubba ke tar kabba

¹⁹ Baann bba da mɔseje ne dam lede ke kura ddem ngeng ddem mba ndɔ ke bara, yeenn tɔ bba da kingaje ne tebbe ke tɔkɔrɔ.

1 Timɔte 6:19 Iomraidhean Croise

Matiye 19:21

Jeju ilɛ̂ tə̂ nan: «Bbo ə-ndiki ta ddee maji tɔyn a, aw labbə nɛ̂nje kə̂ inga ta ə-kayn narɛ̂ dangətəje a, â kinga dam narɛ darâ. Goe tə̂ a, ə-ddee unn gom!»

Luku 12:33

«Ə-labbəje nɛ̂n-kingaje ləse ta ə-kaynje narɛ̂ dangətəje. Uruje bbɔl narɛ kə̂ a ngisi ang ta unguje nɛ̂n-kingaje ləse darâ, lo tə̂ kə̂ nɛ̂nje le a tuju tə̂ ndɔ kâra ang. Lo kə̂ gɔl njê-bbokoje a kɔru ang ddəm sɔlɔlɔ a kɔn nɛ̂n tə̂ ang ddəm.

Luku 16:25

Abaraham ilɛ̂ tə̂ nan: ‹Ngonnəm, ole məi, ndɔ kə̂ isi kəm baa bbay le ubba maji, a Lajar tuju â ubba. Bbasinɛn Lubba bɔru maann-nɔn kəmɛ̂ tə̂ lo tə̂ nəənn, a əi, aw oo ndoo.

Luku 16:9

Jeju pa bbay nan: «A əman, m-pa marəse: Maji karə narɛ̂ kə̂ aw ddaje nɛ̂n nɛ̂n kə̂ gatə gatə ang nangə̂ nəənn, uwaje nɛ̂n buwa-kura kə dəwje. Baann bba karə ndɔ kə̂ narɛ le goto jise tə̂ a, n̂-taase kə kə̂y tə̂ kə̂ a to kə ndɔ kə ndɔ.

Luku 18:2

N̂-pa nan: «Marə tɔkə bbe tə̂, marə nje-gangə sariya ee tə̂ənn, n̂-bbəəl Lubba ang ddəm noo dəwje to nɛ̂n kəmɛ̂ tə̂ ang ddəm.

Luku 18:22

Jeju oo tar laa le a, pa arɛ̂ nan: «Marə nɛ̂n kâra dui bbay. Ə-labbə nɛ̂nje tɔyn kə̂ inga ta ə-kayn narɛ̂ dangətəje a, â kinga nɛ̂n darâ. Goe tə̂ a, ə-ddee unn gom.»

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Epɛjinyɛje 3:17

M-duje karə narə Kristə dda bbe məse tə̂ ddəw mə-kunn tə̂ le, karə ndiki naan ləse dda arə ubbaje singa tokə lə kakə kə̂ ngirɛ̂ ungu nangə̂ arə kətərə ddəm tokə kəy kə̂ gɔlɛ̂ uwa nangə kə majɛ̂ ddəm.

Pilipinyɛje 3:12

Məjə to minga nɛ̂n kə̂ m-ndiki le mban ang wase məjə to m-ddee maji tɔyn mban ang. A maw mayn ngɔru bbay, maw nar rɔm ta kuwa nɛ̂n le kə jim, mba əman njaa kara Jeju-Kristə uwam mban.

Pilipinyɛje 3:14

Yeenn bba, maw mayn ngɔru ta tee kɔnyɛ̂ tə̂, mba kinga kuka kə̂ Lubba bbarje karə jinga darâ ddəw tə̂ lə Jeju-Kristə.

1 Timɔte 6:12

Maji karə ə-dda ddɔ kə̂ maji mba ngəm nɛ̂n mə-kunn ləi ta uwa təbbə kə̂ to kə ndɔ kə ndɔ kə̂ Lubba bbari mbɛɛ̂ le, kar tə̂ kə̂ ə-pa kə tai nɔn njê-tar-najije tə̂ kə̂ banya to unn məi arə Jeju-Kristə le.

2 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba njaa ndiki tə̂ ngaâ bbarəm karə mila mbər tar təbbə kə̂ nunn ndue ta karə dəwje ddəw tə̂ lə Jeju-Kristə.

2 Timɔte 2:19

A gɔl kəy kə̂ mɔngu kə̂ Lubba unda nangə̂ le nayn kə singɛ̂. Tar kə̂ n̂-dda gɔl kəy tə̂ le nan: «Əbbə-dəwje gərə njê kə̂ toje to dəwje laa» ngaâ «Maji karə dəw kə̂ bbar ri Əbbə-dəwje mban, mbətə majang.»

1 Piyɛr 1:4

ta kinga nɛ̂nje kə̂ Lubba ngəm mba dəwje laa. To nɛ̂nje kə̂ a tujuje ang ddəm nɛ̂n-yərəw a kɔru ang ddəm ndoko ləde a goto ang ddəm. Lubba ngəm nɛ̂nje le arəse darâ,