1 Timɔte 5:6 - Dɔnɔn kə̂ Siki: Tar kə̂ aw arə təbbə

⁶ A dɛnɛ̂n-ndubba kə̂ unn rɔɛ̂ mba rɔ-nəəl kə̂ nangə̂ nəənn isi kəm baa ddəw da-rɔ tə̂, a ddəw ndil tə̂ noy mban.

Maketuru le Lubba ke tar kabba

⁶ A dene-ndubba ke unn rɔe mba rɔ-nel ke nange neenn isi kem baa ddew da-rɔ te, a ddew ndil te noy mban.

1 Timɔte 5:6 Iomraidhean Croise

Matiye 8:22

Jeju ilɛ̂ tə̂ nan: «Unn gom ta inya yoje arə dubbuje yoje ləde.»

Luku 12:19

Yeenn ngaâ mâ pa karə kəwn ləm mâ pa nan: Kəwn ləm, nɛ̂n-kingaje ləi to mba bbal nya. Uwa rɔi, usa, ay, arə rɔi nəəli.›

Luku 15:13

Ndɔ ngaji goe tə̂ a, ngonn kə̂ mbatə le oto nɛ̂n-kingaje laa tɔyn taa nɛ̂n narɛ ngaâ aw dɔ bbe tə̂ ddəw əw. Lo tə̂ kə̂ nunn, n̂-tuju nɛ̂nje laa ddəw kula-ddaje tə̂ kə̂ maji ang.

Luku 15:24

mba ngonnəm kə̂ ooeje nəənn oy bba ndol. N̂-nayn kɔrɔ̂ bba mingɛ̂.› Dunnje kutu dda kusu le.

Luku 15:32

To maji ta dda kusu ta dda rɔ-nəəl, mba ngokɔin nəənn oy bba ndol. N̂-nayn kɔrɔ̂ bba jingɛ̂.› »

Luku 16:19

Jeju pa bbay nan: «Ləw, marə dəw kə̂ to nje-nɛ̂n-kinga kə̂ aw ula kubbu lɛɛn to. Ndɔ kâra kâra tɔyn naw dda kusu mə kəy tə̂ laa.

Luku 7:25

A ddi njaa â awje aw ooje wa? Aw ooje dəw kə̂ ula kubbu kə̂ kura wa? Njê kə̂ ulaje kubbu kə̂ kura ngaâ toje to njê-nɛ̂n-kingaje isije kəy mbayje tə̂.

Epɛjinyɛje 2:1

Ləw, kəm Lubba tə̂, ə-toje tokə lə dəwje kə̂ oy mba nɛ̂n-ddaje ləse kə̂ to kə dɔgɔlɛ̂ ang ddəm nɛ̂n-ddaje kə̂ maji ang ddəm.

Epɛjinyɛje 2:5

Jeje kə̂ n-to tokə dəwje kə̂ oy mba nɛ̂n-ddaje kə̂ to kə dɔgɔlɛ̂ ang le, narəje təbbə kə̂ siki naan tə̂ kâra baa kə Kristə. Ddəw mə-maji tə̂ lə Lubba â aji nɛ̂n se.

Epɛjinyɛje 5:14

Mba nɛ̂n tɔyn kə̂ tee kə ddaka to lo-karɛ. Mba yeenn bba Makəturu lə Lubba pa nan: «Əi kə̂ aw tibbi nəənn, ə-ndol In taar horo dəwje tə̂ kə̂ oyje, a Kristə a kuru ndoko laa dɔi tə̂.»

Kolosinyɛje 2:13

Yeenn a, sese kə̂ ləw, nayn to oyje mba majang ləse ddəm mba ganja kə̂ da-rɔ tə̂ kə̂ ujaje ang le ddəm, Lubba dda arə ə-təlje isije kəm baa kə Kristə. Nɔru tar majangje ləje tɔyn dɔje tə̂.

2 Timɔte 3:6

Marɛ̂je horode tə̂ aw andəje mə kəyje tə̂ ngaâ aw ingaje ddəw lə dɛnɛ̂nje kə̂ kəjə ləde sangə ang ngaâ ddaje arə dosoje bandə tə̂ ləde, to dɛnɛ̂nje kə̂ toje to njê-nɛ̂n-ddaje kə̂ maji ang ngaâ bbo nɛ̂nje kə̂ maji ang dang dang to məde tə̂.

Jakə 5:5

Dɔ nangə tə̂ nəənn, isije kə majɛ̂ ngaâ isije dann nɛ̂n-kingaje tə̂ kə̂ bo. Usaje nɛ̂n arəje məse ndann, ndɔ tə̂ kə̂ dəwje aw oyje mbarakə mbarakə.

Apokalisi 18:7

N̂-ndiki kɔsu gaji rɔɛ̂ nya ddəm n̂-ndiki nɛ̂n-kinga nya ddəm. Yeenn bba, ulaje kəmɛ̂ ndoo, arəje nuwa ndoo tokə baann tɔ. Mba n̂-pa məɛ̂ tə̂ nan: ‹Misi to dɛnɛ̂n-mbay, m-to dɛnɛ̂n-ndubba ang ngaâ mâ kuwa-ndoo ndɔ kâra ang.›

Apokalisi 3:1

«Ə-dda makəturu ula nɛ̂n arə anjə kə̂ Egilisi tə̂ kə̂ Sardə ə-pa nan: «Tar kə̂ dəw kə̂ ee kə ndilje lə Lubba kə̂ siri kə əndɛtɛrɛndɛnje siri pa â nəənn: M-gərə kulaje kə̂ aw dda, dəwje ooje to isi kəm baa, a oy mban.