1 Timɔte 5:5 - Dɔnɔn kə̂ Siki: Tar kə̂ aw arə təbbə

⁵ Dɛnɛ̂n-ndubba kə̂ isi kə karɛ̂ baa ngaâ nje-kaa lo kə dɔɛ̂ tə̂ goto, unda məɛ̂ kə̂ dɔ Lubba tə̂. Nəw ta dda rɔɛ̂ to ndoo rɔ Lubba tə̂ ang, naw duju Lubba, til kə kar.

Maketuru le Lubba ke tar kabba

⁵ Dene-ndubba ke isi ke kare baa ngaa nje kaa lo ke dɔe te goto, unda mee ke dɔ Lubba te. New ta dda rɔe to ndoo rɔ Lubba te ang, n̂-duju ne ji Lubba te til, ke kare.

1 Timɔte 5:5 Iomraidhean Croise

Luku 18:1

Jeju pa marə gusu-tar arə njê-njaje goe tə̂ ta tɔju nɛ̂n de to, to maji nya ta duju Lubba kə ndɔje tɔyn ddəm kə rɔ-nya ang ddəm.

Luku 18:7

Lubba a gangə sariya lə dəwje laa kə̂ n̂-mbərəde kə̂ aw nɔnje nɔn gɔlɛ̂ tə̂ til kə kar ang wa? Nâ karə n̂-ngəbbə nya wa?

Luku 2:37

N̂-tɔ wure nisi to dɛnɛ̂n-ndubba ndərəng bbal kuje asə dɔjijoo gire sɔ. Ninya kəy-polo Lubba ndɔ kâra ang, naw dda kula lə Lubba til kə kar ddəw kɔku rɔɛ̂ nɛ̂n-kusa tə̂ kə duju Lubba tə̂.

Kulaje 26:7

Gəl-dəwje ləje kə̂ dɔku gire joo undaje məde to nɛ̂n kə̂ Lubba unn ndue ta dda a ddee to nɛ̂n kə̂ tɔkɔrɔ. Yeenn bba daw poloje Lubba til kə kar, a singade ɔru ang. Tɔkə mbay, əman kara munda məm dɔ nɛ̂n tə̂ənn le tɔ. Mba yeenn bba Jiipije undaje nɛ̂n tar dɔm tə̂.

Kulaje 6:1

Dɔ ndɔɛ̂ tə̂ənn, kɔr njê-njaje go Jeju tə̂ aw kə kete kete. Jiipije kə̂ aw paje ndɔn-tar gɛrɛkə aw əmje rɔde kə ri dede kə̂ n̂-toje to Ebərəje. Mba kə ndɔ tɔyn bbo Ebərəje le aw kaynje nɛ̂n-kusa dɛnɛ̂n-ndubbaje a, dɔruje kəm dɛnɛ̂n-ndubbaje ləde.

Kulaje 9:39

Piyɛr aw kə de kə ngɔru ngaâ n̂-tee a, darə naw mə kəy tə̂ kə̂ to dɔ marɛ̂ tə̂ taar le. Dɛnɛ̂n-ndubbaje aw nɔnje ddeeje nɛ̂n rɔ Piyɛr tə̂. N̂-tɔjɛ̂je kubbuje kə̂ to dɔɛ̂ kə kubbu kulje kə̂ Dɔrkas le uju kar tə̂ kə̂ n̂-nayn nɛ̂n kə de baa bbay.

Kulaje 9:41

Piyɛr ula jia uwɛ̂ nɛ̂n arə nin taar ngaâ bbar njê-mə-kunnje kə dɛnɛ̂n-ndubbaje tɔjude Dɔrkas le kəm baa.

Rɔmɛnje 1:12

Uta tɔyn, m-ndiki ta tee horose tə̂ mba karə mə-kunn ləse ddəm ləm ddəm arəjeje singa kə yo kə nəənn.

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

1 Kɔrɛntinyɛje 7:32

M-ndiki karə əjəje tar ang. Dəw kə̂ taa dɛnɛ̂n ang wase taa ngaw ang unda kəjə laa kə dɔ kula tə̂ lə Əbbə-dəwje. Naw sangə ddəw ta nəəl kəm Əbbə-dəwje tə̂.

1 Kɔrɛntinyɛje 7:34

Yeenn a, kəjə laa to joo. Ddəw kâra baa, dɛnɛ̂n kə̂ taa ngaw ang kə ngonn mandə, dundaje kəjə ləde kə dɔ kula tə̂ lə Əbbə-dəwje. Baann bba dâ ngəmje rɔde kə kəjə ləde karə maji tɔyn. Dɛnɛ̂n kə̂ taa ngaw unda kəjə laa kə dɔ nɛ̂nje tə̂ kə̂ duninya tə̂. Naw sangə ddəw ta nəəl kəm ngawɛ̂je tə̂.

Epɛjinyɛje 6:18

Mə karje tə̂ tɔyn arəje Ndil tɔjuse ddəw kə̂ â dujuje nɛ̂n Lubba. Maji karə ə-tibbije ang ngaâ ə-dujuje Lubba nya mba njê-mə-kunnje.

Pilipinyɛje 4:6

Maji karə əjəje tar mba marə nɛ̂n kâra ang. A mə nɛ̂nje tə̂ tɔyn, ə-dujuje Lubba nɛ̂n kə̂ ə-ndikije. A duju tə̂ kə̂ aw dujeje le arɛ̂je wooyo tɔ.

1 Timɔte 2:1

Nɛ̂n kə̂ maw ndəjəse ta karə ə-ddaje dɔngɔrɛ̂ â to karə ə-dujuje nɛ̂nje ji Lubba tə̂, karə ə-paje tar kə Lubba, ə-ddaje rɔse to ndoo nɔn Lubba tə̂ ngaâ ə-təlje kə wooyo arəje Lubba mba dəwje tɔyn.

1 Timɔte 5:16

Bbo marə dɛnɛ̂n-ndubbaje toje horo nujuje tə̂ lə marə dɛnɛ̂n kə̂ to nje-mə-kunn a, maji karə numande. Baann bba dɛnɛ̂n-ndubbaje le a toje to nɛ̂n-koto kə̂ aw ɔɔy Egilisi ang. Baann bba Egilisi le a kinga ddəw ta kuman dɛnɛ̂n-ndubbaje kə̂ isije kə karəde njaa.

1 Timɔte 5:3

Maji karə ə-wal dɛnɛ̂n-ndubbaje kə̂ isije kə karəde njaa.

2 Timɔte 1:3

Marə wooyo nya Lubba kə̂ maw pole kə kəjə kə̂ maji tɔyn go kamjedede tə̂. Kar tɔyn kə̂ maw duju Lubba, maw pa saa tar mbai til kə kar.

1 Piyɛr 3:5

Baann â ləw, dɛnɛ̂nje kə̂ toje to njê-mə-kunnje ddəm undaje məde dɔ Lubba tə̂ ddəm aw ddaje nɛ̂n mandə ləde. Daw dooje ta ngawdede.