1 Timɔte 5:3 - Dɔnɔn kə̂ Siki: Tar kə̂ aw arə təbbə

³ Maji karə ə-wal dɛnɛ̂n-ndubbaje kə̂ isije kə karəde njaa.

Maketuru le Lubba ke tar kabba

³ E-wal dene-ndubbaje ke isije ke karede.

1 Timɔte 5:3 Iomraidhean Croise

Matiye 15:6

dəw le a kasə ta wal bɔɛ̂je wase kɔɛ̂nje le ang ngaa. Baann â aw tujuje nɛ̂n nɛ̂n lə Lubba mba nɛ̂n-ji-bbeje ləse.

Matiye 23:13

To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Aw ɔkuje ddəw dəwje kə̂ ndikije ta kandə Bbe-kɔn tə̂ kə̂ darâ. Sese njaa kara andəje tə̂ ang ngaâ ɔkuje ddəw dəwje kə̂ ndikije ta kandə tə̂. [

Luku 2:37

N̂-tɔ wure nisi to dɛnɛ̂n-ndubba ndərəng bbal kuje asə dɔjijoo gire sɔ. Ninya kəy-polo Lubba ndɔ kâra ang, naw dda kula lə Lubba til kə kar ddəw kɔku rɔɛ̂ nɛ̂n-kusa tə̂ kə duju Lubba tə̂.

Luku 7:12

Kar tə̂ kə̂ n̂-tee ngɔsi kə bbe le a, noo dəwje kə̂ awje kə niinn ta dubbu. Dəw kə̂ oy le to ngonn lə marə dɛnɛ̂n-ndubba kə̂ to ngonn-kâra laa kə̂ dingaw. Dəwje kə̂ mə bbe tə̂ le tokə banya aw dannje dɛnɛ̂n le tɔ.

Tar kə̂ Maji kə̂ Jan dda makəturu tə̂ 1:47

Jeju oo Natanayɛl kə̂ aw ddee kə rɔɛ̂ tə̂ ngaâ pa tar dɔɛ̂ tə̂ nan: «Ngonn Ijarayɛl kə̂ tɔkɔrɔ â toonn. To dəw kə̂ ngəm to rɔɛ̂ tɛɛ̂ ang.»

Kulaje 6:1

Dɔ ndɔɛ̂ tə̂ənn, kɔr njê-njaje go Jeju tə̂ aw kə kete kete. Jiipije kə̂ aw paje ndɔn-tar gɛrɛkə aw əmje rɔde kə ri dede kə̂ n̂-toje to Ebərəje. Mba kə ndɔ tɔyn bbo Ebərəje le aw kaynje nɛ̂n-kusa dɛnɛ̂n-ndubbaje a, dɔruje kəm dɛnɛ̂n-ndubbaje ləde.

Kulaje 9:39

Piyɛr aw kə de kə ngɔru ngaâ n̂-tee a, darə naw mə kəy tə̂ kə̂ to dɔ marɛ̂ tə̂ taar le. Dɛnɛ̂n-ndubbaje aw nɔnje ddeeje nɛ̂n rɔ Piyɛr tə̂. N̂-tɔjɛ̂je kubbuje kə̂ to dɔɛ̂ kə kubbu kulje kə̂ Dɔrkas le uju kar tə̂ kə̂ n̂-nayn nɛ̂n kə de baa bbay.

Kulaje 9:41

Piyɛr ula jia uwɛ̂ nɛ̂n arə nin taar ngaâ bbar njê-mə-kunnje kə dɛnɛ̂n-ndubbaje tɔjude Dɔrkas le kəm baa.

1 Tesalonisinyɛje 2:6

Jaw sangə ddəw ta kinga piti ta dəwje tə̂ ang ddəm tase tə̂ ang ddəm ta marə dəwje tə̂ ang ddəm.

1 Timɔte 5:2

Maji karə ə-ndəjə kɔn dɛnɛ̂nje tokə lə kɔinjedede. Ə-ndəjə dɛnɛ̂nje kə̂ naynje kə singade bbay kə mə-nda kayn tokə ngakɔn-nanni.

Jakə 1:27

Kə̂ kəm Lubba tə̂ kə̂ to Bɔjeje, dda kə Lubba tɔkɔrɔ tə̂ kə̂ nɛ̂n-yərəw ɔru ang, to kaw koo ngann-ndubbaje kə dɛnɛ̂n-ndubbaje lo-kisi ndoo tə̂ ləde ngaâ ta ngəm-rɔ ddəw kula yərəwje tə̂ kə̂ dɔ nangə tə̂ tɔ.

1 Piyɛr 2:17

Maji karə ə-walje dəwje tɔyn, ə-ndikije ngakɔnse, ə-bbəəlje Lubba, ə-walje tɔkə mbay.

1 Piyɛr 3:7

See dingawje, sese kara, maji karə kisi tə̂ ləse kə dɛnɛ̂nje ləse, ə-gərəje to dɛnɛ̂n to tokə ka kə̂ tɔ laa ɔn ang. Maji karə ə-waljede, mba dâ kingaje kə se təbbə kə̂ tɔkɔrɔ kə̂ Lubba a karəse kə mə-maji laa le tɔ. Baann bba karə bbo aw dujuje Lubba a, marə nɛ̂n ɔku ddəwe ang.