1 Timɔte 5:21 - Dɔnɔn kə̂ Siki: Tar kə̂ aw arə təbbə

²¹ M-duji nya kəm Lubba tə̂ kə kəm Jeju-Kristə tə̂ kə kəm anjəje tə̂ kə̂ n̂-mbərəde, karə ə-dda nɛ̂n kə turu nduje kə̂ mari. Ɔru kəm dəw ang, ə-dda kə dəwje tɔyn ddəw kâra baa.

Maketuru le Lubba ke tar kabba

²¹ M-duji nya kem Lubba te, ke kem Jeju Kiriste te, ke kem anjije te ke maji tɔyn kare e-dda ne ke turu nduje ke munn mari. Ɔru kem dew ang, e-dda ke dewje tɔyn ddew kara baa.

1 Timɔte 5:21 Iomraidhean Croise

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Matiye 25:41

«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Luku 20:21

Dəwje le dujeje tar nan: «Nje-nɛ̂n-tɔju, n-gərə to tar-pa ləi kə nɛ̂n-tɔju ləi to kə dɔgɔlɛ̂ ngaâ ar go marə dəw tə̂ ang. Aw tɔju ddəw lə Lubba tɔkɔrɔ tə̂ njaa.

Luku 9:26

Tɔkɔrɔ, dəw kə̂ dda rɔ-kul ləm kə rɔ-kul tar ləm a, Ngonn lə dəw a dda rɔ-kul laa ndɔ tə̂ kə̂ nâ ddee kə piti laa kə piti lə bɔɛ̂je kə lə anjəje kə̂ maji tɔyn.

2 Kɔrɛntinyɛje 5:16

Mba yeenn bba, bbasinɛn nəənn jaw joo dəw kə kəm kə̂ to dang kə kəm kə̂ jooe nɛ̂n ddəw da-rɔ tə̂ ngaa. Bbo ləw, jaw joo Kristə ddəw da-rɔ tə̂ a, bbasinɛn nəənn, jaw jooe tokə baann ang ngaa.

1 Tesalonisinyɛje 5:27

M-dujuse nya kə ri Əbbə-dəwje karə n̂-tura makəturu nəənn darə ngakɔnje tɔyn.

1 Timɔte 6:13

Munn ndu nəənn mari nɔn gɔl Lubba tə̂ kə̂ arə təbbə nɛ̂nje tɔyn ddəm nɔn gɔl Jeju-Kristə tə̂ kə̂ pa tar-naji kə̂ tɔkɔrɔ nɔn gɔl Pɔnsə Pilatə tə̂ ddəm.

2 Timɔte 2:14

Maji karə ole mə dəwje dɔ nɛ̂nje tə̂ənn tɔyn. Ə-dujude kəm Lubba tə̂ karə n̂-mbətəje ta kɔl naan dɔ marə kandə tarje tə̂. Kɔl dda marə nɛ̂n kâra arə dəw ang, kɔl aw tuju dəwje kə̂ aw tukaje mbide aw ooje.

2 Timɔte 4:1

Maw duji kəm Lubba tə̂ kə kəm Jeju-Kristə tə̂ kə̂ a gangə sariya dɔ dəwje tə̂ kə̂ isije kəm baa ddəm dəwje tə̂ kə̂ oyje ddəm, maw duji kə ri Kristə kə̂ a təl ddee kɔn-mbay,

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

2 Piyɛr 2:4

Mba anjəje kə̂ ddaje majang le, Lubba inyade ddekeke njaa baann ang. Lubba ungude mə buwa tə̂ kə̂ il biti biti arə n̂-naynje tə̂ daw nginanje ndɔ sariya.

Judə 1:6

Oleje məse dɔ tar tə̂ lə anjəje kə̂ ngəmje lo ləde kə̂ Lubba arəde ang, a tusuje lo ləde inyaje le, Əbbə-dəwje tɔde ungude lo tə̂ kə̂ il biti biti nyɔm mba ngəbbə nɛ̂n tɔkə ndɔ sariya.

Apokalisi 14:10

ne kara nâ kay bɛn tɔkə wungu lə Lubba, bɛn kə̂ n̂-pole kə maann ang a dungu mə əngo wungu tə̂ laa. Ngaâ nâ koo ndoo kəm puru tə̂ kə kəm supərə tə̂, kəm anjəje tə̂ kə̂ majije tɔyn ddəm kəm Ngonn batə tə̂ ddəm.