1 Timɔte 5:20 - Dɔnɔn kə̂ Siki: Tar kə̂ aw arə təbbə

²⁰ A bbo dəw dda majang a, ə-ndangɛ̂ kəm dəwje tə̂ tɔyn. Baann bba kəsə dəwje a bbəəlje ta dda majang.

Maketuru le Lubba ke tar kabba

²⁰ A bbo dew dda majang a, e-ndange kem dewje te tɔyn. Baann bba kese dewje a bbelje ta dda majang.

1 Timɔte 5:20 Iomraidhean Croise

Kulaje 19:17

Njê-bbeje tɔyn kə̂ Epɛjə kə Jiipije kə Gɛrɛkəje, dooje tar nəənn le. Bbəəl uta dɔde tɔyn arə dɔsuje gaji ri Əbbə-dəwje Jeju kə̂ to ri kə̂ bo.

Kulaje 5:11

Bbəəl uta dɔ Egilisi ddəm dəwje tɔyn kə̂ ooje tar nɛ̂n kə̂ to le ddəm.

Kulaje 5:5

Ananiyas oo tarjeenn le a, tee oso nangə̂ oy. Dəwje tɔyn kə̂ ooje tar yo lə Ananiyas le bbəəl uta dɔde.

2 Kɔrɛntinyɛje 7:11

Ooje: Nɛ̂nje kə̂ rɔ-katə kə̂ Lubba ndiki tə̂ dda rɔse tə̂ a nəənn: Ə-toje ngɔsi ngɔsi ta dda kula. Ə-toje ngɔsi ngɔsi ta duju karə dɔru tar dɔse tə̂. Bbo ooje nɛ̂n-dda kə̂ maji ang a, aw arəse wungu nya. Bbəəl aw to məse tə̂ nya. Maal təl koom aw ddase nya. Bbo dda kula to məse tə̂ nya. Aw ə-gangəje sariya dɔ dəw tə̂ kə̂ dda majang. Uta tɔyn, ə-tɔjuje to aw ngəmje rɔse ddəw nɛ̂n tə̂ənn le.

Epɛjinyɛje 5:11

Nɛ̂nje kə̂ dəwje kə̂ aw njaje lo ndul tə̂ aw ddaje to nɛ̂nje kə̂ aw ddaje maji kə dəw ang. Maji karə ulaje rɔse kə tə̂ ang. A maji karə ə-teeje kə tarɛ̂ kə ddaka.

1 Timɔte 1:20

Imene de kə Alɛkəjandərə deeje horo dəwje tə̂ənn le. Minyade mə ji Satan tə̂ karə ta n̂-ndoje ta təl taji Lubba ang ngaa.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Titə 1:13

Tar laa le to tar kə̂ tɔkɔrɔ njaa. Mba yeenn bba, maji karə ə-ndangəde kə singa, mba karə mə-kunn ləde to gatə gatə.

Titə 2:15

Maji karə ə-pa tar tokə baann, arə ndəjə arə dubbaje nɛ̂n singa ta ə-ndangəde kə ndu kə̂ mɔngu. Ə-dda arə dəw kâra dabbi ang.