1 Timɔte 5:18 - Dɔnɔn kə̂ Siki: Tar kə̂ aw arə təbbə

¹⁸ Makəturu lə Lubba pa nan: «Mangə kə̂ aw dda kula ndɔ kuja ko-ndɔɔ tə̂, dang bba ɔkɛ̂ ddəw karə nusa ko-ndɔɔ le ang.» Makəturu le pa bbay nan: «Maji karə nje-kula inga kuka laa.»

Maketuru le Lubba ke tar kabba

¹⁸ Maketuru le Lubba pa na: Mange ke aw mbɔyn jinga waa ke to dɔ jin te kare kande gayn. Maji kare e-tɔ tae ang. Maketuru le pa bbay na: Ase kare nje-kula inga kuka laa.

1 Timɔte 5:18 Iomraidhean Croise

Matiye 10:10

Unnje bbɔl awje nɛ̂n ang. Awje kə kubbu-kul joo ang ddəm nɛ̂n-gɔl ang ddəm unnje kakə mba kuwa jise tə̂ ang ddəm. Mba to tar lə dəw kə̂ dda kula ta kinga kuka laa.»

Luku 10:7

Ə-naynje mə kəy tə̂ənn le, usaje nɛ̂n, ayje nɛ̂n kə̂ darəse, mba to tar lə dəw kə̂ dda kula ta kinga kuka laa. Andəje mə kəy tə̂ a, inje marə kəy tə̂ awje marɛ̂ tə̂ marɛ̂ tə̂ ang.

Rɔmɛnje 10:11

Makəturu lə Lubba pa nan: «Dəw kə̂ unn məɛ̂ arɛ̂ a, rɔ-kul a kɔru kəmɛ̂ ang.»

Rɔmɛnje 11:2

Lubba turu gire arə dəwje laa kə̂ ne njaa n̂-mbərəde ləw baa le ang. Oleje məse dɔ nɔn tə̂ kə̂ Eli nɔn rɔɛ̂ mba Ijarayɛl kə̂ n̂-dda tarɛ̂ Makəturu tə̂ lə Lubba le wa? N̂-pa nan:

Rɔmɛnje 4:3

Mba Makəturu lə Lubba pa nan: «Abaraham unn məɛ̂ arə Lubba, yeenn bba Lubba ooe to dəw kə̂ gatə gatə mba mə-kunn laa le.»

Rɔmɛnje 9:17

Lubba pa mə Makəturu tə̂ laa arə Parawɔn nan: «Mula mbay dɔi tə̂ ta tɔju singa-mɔngu ləm dɔi tə̂ ngaâ ta dda karə rim bbar tee dɔ nangə tə̂ tɔyn.»

1 Kɔrɛntinyɛje 9:14

Ddəw kâra baa, Əbbə-dəwje unn ndu tokə baann tɔ. N̂-pa nan, dəwje kə̂ aw ilaje mbər Tar kə̂ Maji a kisije kə majɛ̂ ddəwe tə̂.

Galatəje 3:8

Tɔ bbay, Makəturu lə Lubba pa kete mban nan Lubba a koo dəwje kə̂ toje to Jiipije ang to dəwje kə̂ gatə gatə kəmɛ̂ tə̂ ddəw mə-kunn tə̂ le. Mba yeenn bba, Makəturu le pa tar kə̂ maji nəənn tokə kete arə Abaraham nan: «Lubba a bbar tar kə̂ maji dɔ kəsə gəl-dəwje tə̂ tɔyn ddəw tə̂ ləi.»

Jakə 4:5

Ooje to tar kə̂ Makəturu lə Lubba pa le to tar kə̂ baa wa? Makəturu le pa nan: «Lubba ndiki ndil kə̂ ne njaa nula məje tə̂ le nya.»