1 Timɔte 5:17 - Dɔnɔn kə̂ Siki: Tar kə̂ aw arə təbbə

¹⁷ Asə karə dəwje kə̂ dɔ Egilisi tə̂ kə̂ aw tɔjuje ddəw kə̂ maji dəwje ingaje kuka kə̂ bo. Uta tɔyn, dede kə̂ kula pa tar lə Lubba kə kula nɛ̂n-tɔju ɔɔyde nya.

Maketuru le Lubba ke tar kabba

¹⁷ Ase kare ansiyenje ke tɔjuje ddew ke maji ingaje kuka ke bo. Ke uta tɔyn dede ke kula pa tar le Lubba, ke kula ne-tɔju ɔyde nya.

1 Timɔte 5:17 Iomraidhean Croise

Matiye 24:25

Ye â nəənn, m-ndɔru mbise kete mban.

Luku 10:7

Ə-naynje mə kəy tə̂ənn le, usaje nɛ̂n, ayje nɛ̂n kə̂ darəse, mba to tar lə dəw kə̂ dda kula ta kinga kuka laa. Andəje mə kəy tə̂ a, inje marə kəy tə̂ awje marɛ̂ tə̂ marɛ̂ tə̂ ang.

Luku 12:42

Əbbə-dəwje le ilɛ̂ tə̂ nan: «Nân to nje-ngəm nɛ̂n kə̂ to gatə gatə ddəm to nje-kəm-karɛ ddəm wa? To ne kə̂ əbbeeje a kinya njê-kulaje laa jia tə̂ karə n̂-kaynde nɛ̂n-kusa kə karɛ̂ karɛ̂.

Tar kə̂ Maji kə̂ Jan dda makəturu tə̂ 4:38

Mulase marə aw ujaje ko mə ndɔ tə̂ kə̂ ə-ddaje kulɛ̂ ang. Marə dəwje ddaje kula, a sese â ingaje nɛ̂n go kula tə̂ ləde le.»

Kulaje 11:30

N̂-ddaje tokə baann. Darəje nɛ̂nje le Barnabas de kə Sɔl darə dawje nɛ̂n darə dəwje kə̂ dɔ Egilisi tə̂ kə̂ nangə tə̂ kə̂ Jude.

Kulaje 20:35

Kə ndɔ tɔyn, maw tɔjuse to, to maji ta dda kula tokə baann mba kuman nɛ̂n njê-ndooje, ta kole nɛ̂n məse dɔ tar tə̂ kə̂ Əbbə-dəwje Jeju njaa pa. Tar le nan: ‹Dəw kə̂ nje-karə nɛ̂n, rɔɛ̂ nəəle uta dəw kə̂ nje-taa nɛ̂n le.› »

Kulaje 28:10

Njê-bbeje le waljeje nya ngaâ kar tə̂ kə̂ ja ta kunn tɔkə to a, darəjeje nɛ̂nje kə̂ a kumanje ddəw-boô.

Rɔmɛnje 12:8

Dəw kə̂ Lubba arɛ̂ gusu karə n̂-ndəjə dəwje a, maji karə n̂-ndəjə dəwje. Maji karə dəw kə̂ to nje-nɛ̂n-karə, arə nɛ̂n kə mə-kâra. Maji karə dəw kə̂ nje-tɔju ddəw dəwje, tɔju kə dɔgɔlɛ̂, dəw kə̂ aw dda maji kə dəwje, dda kə rɔ-nəəl.

Rɔmɛnje 15:27

Dede njaa n̂-ndikije ta kumande, mba to nɛ̂n kə̂ to tar ləde ta dda. Mba bbo dede le kə̂ n̂-toje to Jiipije ang le dingaje nɛ̂nje lə Lubba kə̂ maji naan tə̂ kâra baa kə Jiipije a, to maji karə dede kara n-kaynje nɛ̂n-kingaje ləde dumanje nɛ̂n Jiipije le tɔ.

Rɔmɛnje 16:12

Ə-ddaje lapiya Tripɛnn de kə Tripoje. N̂-ddaje kula nya mba Əbbə-dəwje. Ə-ddaje lapiya Pɛrsidə kə̂ to kɔn-nannje kə̂ m-ndike nya. Ne kara n̂-dda kula nya mba Əbbə-dəwje.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

1 Kɔrɛntinyɛje 16:16

Yeenn a, maji karə ooje ta dəwje kə̂ tokə baann ddəm ooje ta dəwje kə̂ aw ilaje rɔde kula tə̂ kə de ddəm.

1 Kɔrɛntinyɛje 3:9

Mba jeje kə Lubba jaw juman naan kula tə̂ ngaâ ə-toje tokə lə ndɔɔ lə Lubba, sese ə-toje tokə lə kəy lə Lubba.

2 Kɔrɛntinyɛje 6:1

Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.

Galatəje 6:6

Maji karə dəw kə̂ daw tɔjɛ̂ Tar lə Lubba kayn dəbbə nɛ̂n-kingaje laa tɔyn arə dəw kə̂ aw tɔjɛ̂ Tar le.

Pilipinyɛje 2:16

sese kə̂ aw paje tar kə̂ aw arə təbbə arəjede le. Yeenn bba ndɔ kə̂ Kristə təl a, mâ kunda gum mbase. Nɛ̂ɛnn le a tɔju to m-dda kula m-tuju nɛ̂n singam baa ang ddəm moo nɛ̂n ndoo baa ang ddəm.

Pilipinyɛje 2:29

Maji karə ə-tɛɛ̂je kə rɔse tə̂ kə rɔ-nəəl ddəw mə-kâra tə̂ kə n-dda kə Əbbə-dəwje. Maji karə ə-walje dəwje kə̂ toje tokə laa nəənn,

Pilipinyɛje 4:3

A əi, kə̂ ə-to nje-buwa-kula marəm kə̂ tɔkɔrɔ, m-duji karə uman dɛnɛ̂nje nəənn le. Mba dumanʼmje darə n-dda ddɔ n-tɔju nɛ̂n Tar kə̂ Maji jarə dəwje, dede kə Kleman kə marə njê-kula marəmje kə ride to makəturu təbbə tə̂.

1 Timɔte 3:5

A bbo dəw gərə ta kɔn dɔ njê kə̂ mə kəy tə̂ laa ang a, nâ ngəm Egilisi lə Lubba tokə baânn wa?

1 Timɔte 4:10

Jaw jooje ndoo wase jaw ddaje ddɔ mba məje kə̂ jundaje dɔ Lubba tə̂ kə̂ Nje-kisi kəm baa. Lubba kə̂ to Nje-kaji-dəwje tɔyn, uta tɔyn, n̂-to Nje-kaji njê-mə-kunnje.

1 Timɔte 4:14

Ndil-mə-nda ari gusu. Ə-dda ngar kə gusu le ang. Inga gusu le go tarje tə̂ kə̂ njê-kilaje mbər tar lə Lubba paje ngaâ dəwje kə̂ dɔ Egilisi tə̂ mbɔnje naan ilaje jide dɔi tə̂.

1 Timɔte 4:16

Ə-ngəm rɔi kə majɛ̂, unda kəmi dɔ nɛ̂n-tɔju tə̂ ləi. Ə-nayn ddəwe tə̂ kə ndɔ tɔyn, mba bbo ə-dda tokə baann a, əi njaa â kaji rɔi ddəm â kaji dəwje kə̂ aw ooje tar ləi ddəm.

1 Timɔte 4:6

Bbo ə-tɔju nɛ̂nje kə̂ m-pa mari nəənn njê-mə-kunnje a, â to nje-kula lə Jeju-Kristə kə̂ tɔkɔrɔ. Baann bba, â tɔju to ə-to dəw kə̂ aw ubba singa ddəw tar mə-kunn tə̂ ddəm ddəw nɛ̂n-tɔju tə̂ kə̂ tɔkɔrɔ kə̂ unn goe le ddəm.

1 Timɔte 5:19

Bbo dəw unda tar dɔ marə dəwje kə̂ dɔ Egilisi tə̂ a, ə-ndiki tə̂ ang. Ə-nginan ta oo tar lə njê-tar-najije joo wase mota bba ta ə-ndiki tə̂.

1 Timɔte 5:3

Maji karə ə-wal dɛnɛ̂n-ndubbaje kə̂ isije kə karəde njaa.

2 Timɔte 2:6

Nje-ndɔɔ kə̂ dda kula oo nɛ̂n ndoo njaa, a kinga ko-ndɔɔ laa le dɔngɔr bba kəsə dəwje a kingaje.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Ebərəje 13:17

Maji karə ooje ta dəwje kə̂ aw tɔjuse ddəw ngaâ ə-bbəəljede. Mba daw dundaje kəmde dɔse tə̂. Ngaâ a to tar ləde ta pa go nɛ̂n tɔyn dɔse tə̂ nɔn Lubba tə̂. Maji karə ə-ddaje arə n̂-ddaje kula ləde kə rɔ-nəəl bbo kə kəm-rɔ ang, mba a kumanse kâra ang.

Ebərəje 13:24

Ə-ddaje lapiya njê kə̂ aw tɔjuse ddəw kə dəwje lə Lubba tɔyn. Ngakɔnje kə̂ Itali ddase lapiya.

Ebərəje 13:7

Maji karə oleje məse dɔ dəwje tə̂ kə̂ tɔjujese ddəw ləw ngaâ ndajije tar lə Lubba kə̂ pa dɔ Jeju tə̂ arəse le. Əjəje dɔ kisi tə̂ ləde ndərəng koy tə̂ ləde, ta ə-ndajije mə-kunn ləde.