1 Timɔte 5:14 - Dɔnɔn kə̂ Siki: Tar kə̂ aw arə təbbə

¹⁴ Yeenn bba m-ndiki karə dɛnɛ̂n-ndubbaje kə̂ naynje kə̂ singade bbay taaje ngaw, maji karə dujuje ngannje. N̂-tɔjuje ddəw kə̂ maji njê kə̂ mə kəy tə̂ ləde. Baann bba njê-baanje a kingaje ddəw ta nanɛn kə je ang.

Maketuru le Lubba ke tar kabba

¹⁴ Yeenn a, m-ndiki kare dene-ndubbaje ke naynje ke singade bbay taaje ngaw, maji kare dujuje ngannje. N̂-tɔjuje ddew ke maji nje ke me key te lede. Baann bba nje-baanji a kingaje ddew ta nane ke je ang.

1 Timɔte 5:14 Iomraidhean Croise

Rɔmɛnje 14:13

Yeenn a, maji karə n-gangəje sariya dɔ naan tə̂ ang. A nɛ̂n kə̂ maji ta dda â nəənn: Maji karə ila marə nɛ̂n kə̂ nayn to jiki nɔn ngokɔin tə̂ arə n̂-tuka gɔlɛ̂ tə̂ noso ang.

2 Kɔrɛntinyɛje 11:12

Nɛ̂n kə̂ maw dda nəənn, mâ dda bbay, bba karə njê kə̂ aw sangəje marə nɛ̂n ta kunda nɛ̂n gude, to daw ddaje kula tokə ləje le ingaje marə nɛ̂n ta kunda nɛ̂n gude ang.

1 Timɔte 2:8

Yeenn a, m-ndiki karə dingawje dujuje Lubba kə lo tɔyn, dulaje jide kə darâ kə mə kə̂ nda kayn kə wungu ang ddəm kə kəjə kɔl ang ddəm.

1 Timɔte 4:3

Njê-ngəmje le tɔjuje nɛ̂n nan: Taa-naan lə dɛnɛ̂n de kə dingaw to nɛ̂n kə̂ maji ang wase kusa marə nɛ̂n-kusaje to nɛ̂n kə̂ maji ang. A Lubba dda nɛ̂n-kusajeenn mba njê-mə-kunnje kə̂ gərəje nɛ̂n-tɔju kə̂ tɔkɔrɔ. Maji karə darəje wooyo Lubba mban a, dusaje.

1 Timɔte 5:11

Maji karə ə-dda ri dɛnɛ̂n-ndubbaje kə̂ naynje kə singade bbay horo marɛ̂je tə̂ ang. Mba ndɔ kə̂ bbo kə̂ da-rɔ tə̂ ddade a, dâ kinyaje go Jeju-Kristə ta taa ngaw.

1 Timɔte 6:1

Maji karə bbərəje tɔyn ooje əbbədede to dəwje kə̂ asəje karə n̂-bbəəljede. Yeenn a dda karə dəwje a kasəje ta taji nɛ̂n-tɔju ləje ang ddəm ri Lubba ang ddəm.

Titə 2:5

darə n̂-ddaje nɛ̂n kə ddəwe, n̂-ngəmje rɔde, n̂-ddaje kula ngaw ləde, darə məde maji ngaâ dooje ta ngawdede. Baann bba dəwje a paje tar kə̂ maji ang dɔ tar tə̂ lə Lubba ang.

Titə 2:8

Maji karə tar-pa ləi to kə ddəwe bba karə dəw asə mayn səi ang. Baann bba karə rɔ-kul dda njê-baanje ləje, mba dâ kingaje marə nɛ̂n kə̂ maji ang tɛn ta pa dɔje tə̂ ang.

Ebərəje 13:4

Maji karə dingawje kə dɛnɛ̂nje tɔyn bbəəlje go taa-naan ləde ngaâ dəwje kə̂ taaje naan ngəmje rɔde arə naan. Mba Lubba a gangə sariya dɔ njê-kayaje tə̂ kə njê-ddaje lo-to-majang ang tə̂.