1 Timɔte 5:1 - Dɔnɔn kə̂ Siki: Tar kə̂ aw arə təbbə

¹ Maji karə ə-ndəjə dingaw kə̂ bbuka tokə lə bɔije njaa, bbo ə-ndangɛ̂ ang. Ə-ndəjə basanje tokə lə ngakɔinje njaa.

Maketuru le Lubba ke tar kabba

¹ Maji kare e-ndeje dingaw ke bbuka toke le bɔije njaa bbo e-ndange ang. E-ndeje basanje toke le ngakɔinje.

1 Timɔte 5:1 Iomraidhean Croise

Matiye 23:8

A sese, dang bba arəje dəwje bbarse ‹Nje-nɛ̂n-tɔju› ang. Mba sese tɔyn ə-toje to ngakɔn-naan ngaâ nje-nɛ̂n-tɔju ləse kâra baa.

Kulaje 14:23

Mə Egilisije tə̂ tɔyn kə̂ n̂-teeje tə̂, n̂-dda marə njê-mə-kunnje to dəwje kə̂ dɔ Egilisi tə̂ le, dɔkuje rɔde nɛ̂n-kusa, n̂-dujuje Lubba dɔde tə̂ ngaâ dinyajede ji Əbbə-dəwje tə̂ kə̂ dunda mə-kunn ləde dɔɛ̂ tə̂ le.

Kulaje 15:4

N̂-teeje Jerujalɛm a, Egilisi kə njê-kaw-kulaje kə dəwje kə̂ dɔ Egilisi tə̂ taajede kə rɔ-nəəl. Dɔruje gəl nɛ̂nje tɔyn kə̂ Lubba dda ddəw tə̂ ləde darə dəwje kə̂ Jerujalɛm.

Kulaje 15:6

Njê-kaw-kulaje kə dəwje kə̂ dɔ Egilisi tə̂ mbɔnje naan ta kisa mə tar le.

Kulaje 20:17

Pɔl nayn Milɛ nu njaa a, ula bbar dəwje kə̂ dɔ Egilisi tə̂ kə̂ Epɛjə.

Rɔmɛnje 13:7

Maji karə ukaje bbangə nɛ̂n lə nje-marseje kâra kâra kə̂ to dɔseje tə̂. Ukaje lambo ji dəw tə̂ kə̂ to tar ləse ta kuka jia tə̂, ukaje dɔ nɛ̂n ji dəw kə̂ to tar ləse ta kuka dɔ nɛ̂n le jia tə̂. Ə-bbəəlje dəwje kə̂ to tar ləse ta bbəəlde, ə-walje dəwje kə̂ to tar ləse ta walde.

Galatəje 6:1

Ngakɔnʼmje, sese kə̂ Ndil-mə-nda aw tɔjuse ddəw le bbo ingaje marə dəw dɔ majang tə̂ a, maji karə ə-təlje saa ddəw tə̂ kə̂ maji kə ndu kə̂ wul pee. A aa rɔi kə majɛ̂ mba əi kara, nɛ̂n a kasə ta nain tɔ.

1 Timɔte 5:17

Asə karə dəwje kə̂ dɔ Egilisi tə̂ kə̂ aw tɔjuje ddəw kə̂ maji dəwje ingaje kuka kə̂ bo. Uta tɔyn, dede kə̂ kula pa tar lə Lubba kə kula nɛ̂n-tɔju ɔɔyde nya.

1 Timɔte 5:2

Maji karə ə-ndəjə kɔn dɛnɛ̂nje tokə lə kɔinjedede. Ə-ndəjə dɛnɛ̂nje kə̂ naynje kə singade bbay kə mə-nda kayn tokə ngakɔn-nanni.

Titə 2:2

Ə-pa arə bbukaje gərəje dɔ jide, maji karə bbo kinga narɛ kə dɔgɔlɛ̂ ang ddade ang ngaâ n̂-ddaje nɛ̂n kə ddəwe. Arə darje dɔ mə-kunn tə̂ ləde kə̂ tɔkɔrɔ, arə n̂-ndikije naan ngaâ duwaje darə ngəng.

Titə 2:6

Ddəw kâra baa, ə-ndəjə basanje arə n̂-ddaje nɛ̂n kə ddəwe

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

Jakə 5:14

Bbo marə dəw horose tə̂ rɔɛ̂ toe a, maji karə n̂-bbar dəwje kə̂ dɔ Egilisi tə̂ narə n̂-dujuje Lubba mba tar laa ta dilaje ubbu dɔɛ̂ tə̂ kə ri Əbbə-dəwje.

1 Piyɛr 5:1

Bbasinɛn, m-ndiki ta ndəjə dəwje kə̂ dɔ Egilisi tə̂ kə̂ toje horose tə̂. Əman kə̂ m-to dəw kə̂ dɔ Egilisi tə̂ marde tɔ le, m-to nje-tar-naji ndooje kə̂ Kristə oo. Mâ kinga piti kə̂ Lubba a tee nɛ̂n kə̂ ddaka le tɔ.

2 Jan 1:1

Əman tɔkə le, m-dda makəturu nəənn mari, əi kɔn-baay kə̂ Lubba bbari kə ddaka ddəm marə nganni kə̂ m-ndikide kə ndiki kə tɔkɔrɔ ddəm. Əman kə karəm baa ang. Dəwje tɔyn kə̂ gərəje tar kə̂ tɔkɔrɔ ndikise tɔ,

3 Jan 1:1

Əman tɔkə le, m-dda makəturu nəənn mari əi Gayus kə̂ m-ndikii kə ndiki kə̂ tɔkɔrɔ.

Apokalisi 4:4

Marə ngende-mbayje dɔjoo gire sɔ gukuje dɔ ngende-mbay le ngaâ tɔkəje dɔjoo gire sɔ isije dɔɛ tə̂ kâra kâra tɔyn. Dulaje kubbu kə̂ nda ngaâ dundaje əjɔkudɔ kə̂ n̂-dda kə andə-narɛ dɔde tə̂.