1 Timɔte 4:7 - Dɔnɔn kə̂ Siki: Tar kə̂ aw arə təbbə

⁷ Maji karə ə-mbətə əsu ngəmje kə̂ dəwje aw ɔruje kə̂ toje dang kə nɛ̂n-tɔju lə njê-mə-kunnje. Ə-sangə ddəw ta kunn rɔi karə Lubba.

Maketuru le Lubba ke tar kabba

⁷ Maji kare e-mbete esu ngemje ke dewje aw ɔruje ke to dang ke ne-tɔju le nje-me-kunnje. E-sange ddew ta to gate gate kem Lubba te.

1 Timɔte 4:7 Iomraidhean Croise

Kulaje 24:16

Yeenn bba, kə̂ ndɔ tɔyn maw sangə ddəw karə kəjə kə̂ maji dɔrɔ â to məm tə̂ nɔn Lubba tə̂ ddəm nɔn dəwje tə̂ ddəm.

1 Timɔte 1:4

Ə-pa arə njê-nɛ̂n-tɔjuje kə̂ tɔkɔrɔ ang le arə dinya ddəw kunda kəjə ləde dɔ gəl nɛ̂nje tə̂ kə̂ ləw kə̂ to kə ddəwe ang kə kɔru gəl-kuju kadede kə̂ kɔnyɛ̂ goto. Nɛ̂njeenn aw ddeeje kə mayn naan tar baa, bbo dda nɛ̂n kə̂ Lubba gɔl mbaje ang. Ddəw mə-kunn tə̂ bba dəw gərə nɛ̂n nɛ̂n kə̂ Lubba gɔl le.

1 Timɔte 1:9

N-gərə to dəw kə̂ gatə gatə â Ndu to mbɛɛ̂ ang. Ndu to mba njê-kaalje-ta, njê-dɔ-ngəngje kə njê kə̂ mbətəje Lubba, njê-nɛ̂n-ddaje kə̂ maji ang kə njê kə̂ bbəəlje Lubba ang ddəm bbəəlje nɛ̂n lə Lubba ang ddəm njê-tɔlje bɔdede wase kɔndede kə njê-tɔlje ngamarədeje,

1 Timɔte 2:10

A maji karə kulaje kə̂ maji â dɛnɛ̂nje ulaje to kubbu. Nɛ̂n kə̂ baann â asə karə dɛnɛ̂nje kə̂ unnje ndude ta bbəəl Lubba ddaje.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

1 Timɔte 4:8

Kunn rɔ kila ndam-singa tə̂ to nɛ̂n kə̂ dda maji njaa, a dda maji ddəw nɛ̂nje tə̂ nya ang. A kunn rɔ karə Lubba to nɛ̂n kə̂ dda maji ddəw nɛ̂nje tə̂ tɔyn. Kunn rɔ karə Lubba le ndu-kunn mba kisi nɛ̂n kə təbbə kə̂ to ndɔ tə̂ kə̂ bbokonɛn ddəm ndɔ tə̂ kə̂ aw ddee ddəm to tə̂.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

1 Timɔte 6:20

Timɔte, maji karə ə-ngəm nɛ̂n kə̂ Lubba inya mə jii tə̂ le kə majɛ̂. Ə-mbətə bulaje kə̂ baa baa kə̂ aw tila kəm tar lə Lubba. Nɛ̂njeenn le inje ddəw nɛ̂n-gərə tə̂ kə̂ dəwje ooje to nɛ̂n-gərə kə̂ tɔkɔrɔ.

1 Timɔte 6:3

Bbo dəw tɔju nɛ̂nje kə̂ to kə dɔgɔlɛ̂ ang kə̂ to dang kə tarje lə Əbbəjeje Jeju-Kristə kə̂ to tar kə tɔkɔrɔ le ddəm to dang kə tar mə-kunn a,

1 Timɔte 6:5

mayn tar kə̂ kɔnyɛ̂ goto horo dəwje tə̂ kə̂ kəjə ləde to kə dɔgɔlɛ̂ ddəm tar kə̂ tɔkɔrɔ goto tade tə̂ ddəm. Dooje kunn-mə karə Lubba to ddəw nɛ̂n-kinga ləde.

2 Timɔte 2:16

Ayn kunda bulaje kə̂ baa kə̂ aw tila kəm tar mə-kunn, mba dəwje kə̂ aw undaje bula baa baa le aw awje ddəw əw kə Lubba jann jann.

2 Timɔte 2:23

A ə-mbətə mayn-tar kə̂ baa kə mayn-tar mbə. Ə-gərə to mayn-tar kə̂ baann aw uju kɔl.

2 Timɔte 3:12

Dəwje kə̂ ddaje mə-kâra kə Jeju-Kristə ngaâ ndikije ta kula gəl rɔde naan tə̂ ang, dəwje a kulaje kəmde ndoo tə̂.

2 Timɔte 3:5

Dâ ddaje nɛ̂n tokə nje-mə-kunn, a dâ mbətəje singa-mɔngu mə-kunn le. Maji karə ə-turu girii arə dəwjeenn le tɔ.

2 Timɔte 4:4

Dâ kutuje mbide karə tar kə̂ tɔkɔrɔ ngaâ dâ tukaje mbide ta koo nɛ̂n əsuje kə̂ ləw kə̂ to tar kə̂ tɔkɔrɔ ang.

Titə 1:14

Ə-ndangəde arə daaje lo kə tar ngəmje tə̂ kə̂ ləw kə̂ Jiipije aw turaje ang ddəm daaje lo kə nduje tə̂ lə dəwje kə̂ turuje giride arə tar kə̂ tɔkɔrɔ le ang ddəm.

Titə 2:12

Mə-maji laa le tɔjuje karə jinyaje pa-nja ləje kə̂ maji ang kə bbo nɛ̂nje kə̂ nangə̂ nəənn, mba karə kisi ləje to kə dɔgɔlɛ̂ ddəm gatə gatə ddəm ngaâ karə juwaje tar lə Lubba jarəje ngəng.

Titə 3:9

A ə-mbətə kuru gəl nɛ̂nje kə̂ baa baa, Gəl-kuju dəwje kə mayn naan tarje kə̂ baa kə koo-ta-naan ang ɔju dɔ ndu: To nɛ̂nje kə̂ dda maji kə dəw ang ddəm to nɛ̂nje kə̂ baa ddəm.

Ebərəje 5:14

A nɛ̂n-kusa kə̂ kətərə to mba dəwje kə̂ tɔkə. Dede â ddəw nɛ̂n tə̂ kə̂ daw ddaje kə ndɔ tɔyn, dasəje ta kɔru kəm nɛ̂n kə̂ maji kə nɛ̂n kə̂ maji ang.