1 Timɔte 4:6 - Dɔnɔn kə̂ Siki: Tar kə̂ aw arə təbbə

⁶ Bbo ə-tɔju nɛ̂nje kə̂ m-pa mari nəənn njê-mə-kunnje a, â to nje-kula lə Jeju-Kristə kə̂ tɔkɔrɔ. Baann bba, â tɔju to ə-to dəw kə̂ aw ubba singa ddəw tar mə-kunn tə̂ ddəm ddəw nɛ̂n-tɔju tə̂ kə̂ tɔkɔrɔ kə̂ unn goe le ddəm.

Maketuru le Lubba ke tar kabba

⁶ Toke e-tɔju neje ke m-pa mari neenn nje-me-kunnje a, a to nje-kula le Kiriste ke tɔkɔrɔ. Baann bba, a tɔju to e-to dew ke tar le Lubba ande ddew ne-tɔju te ke tɔkɔrɔ ke e-ndo ke rɔ-nel.

1 Timɔte 4:6 Iomraidhean Croise

Matiye 13:52

N̂-pa narəde nan: «Mba yeenn bba, nje-gərə-Ndu kə̂ gərə nɛ̂nje dɔ Bbe-kɔn tə̂ kə̂ darâ, to kâra baa kə nje-kəy kə̂ oto nɛ̂nje kə̂ siki kə nɛ̂nje kə̂ toje to konnɛ̂ mə dam tə̂ laa tee nɛ̂n.»

Luku 1:3

Muru gəl nɛ̂njeenn le tɔyn ndərəng ngirɛ̂ tə̂ kə majɛ̂ ngaâ əman njaa kara moo maji ta kuja nɛ̂njeenn le kə goe goe makəturu tə̂ kari, əi dəw kə̂ bo Topil,

Kulaje 1:15

Dɔ ndɔɛ̂je tə̂ənn, Piyɛr in taar horo njê-mə-kunnje tə̂ kə̂ kɔrde asə kɔr kâra kə dɔjoo ngaâ pa nan:

Kulaje 20:31

Maji karə undaje kəmse dɔ rɔse tə̂, oleje məse to bbal mota njaa, til tə̂ ddəm karâ ddəm m-ndəjəse kâra kâra tɔyn kə maann-nɔn kəmʼm tə̂.

Kulaje 20:35

Kə ndɔ tɔyn, maw tɔjuse to, to maji ta dda kula tokə baann mba kuman nɛ̂n njê-ndooje, ta kole nɛ̂n məse dɔ tar tə̂ kə̂ Əbbə-dəwje Jeju njaa pa. Tar le nan: ‹Dəw kə̂ nje-karə nɛ̂n, rɔɛ̂ nəəle uta dəw kə̂ nje-taa nɛ̂n le.› »

Rɔmɛnje 15:15

Muwa rɔm to dingaw bba m-dda makəturu nəənn mba kole nɛ̂n məse dɔ nɛ̂nje tə̂ kə ə-ndoje mban. M-dda tokə baann, mba Lubba dda səm mə-maji

1 Kɔrɛntinyɛje 4:17

Mba yeenn bba mula nɛ̂n Timɔte marəse. N̂-to ngonn kə̂ m-ndike, ngonn kə̂ to gatə gatə ddəw kula tə̂ lə Əbbə-dəwje. Nâ kole məse dɔ ddəw tə̂ kə̂ maw nja nɛ̂n go Jeju-Kristə tə̂, tokə ye kə̂ maw tɔju loje tə̂ tɔyn kə Egilisije tə̂ tɔyn le.

2 Kɔrɛntinyɛje 11:23

N̂-toje to njê-kulaje lə Kristə wa? Mâ pa tar tokə nje-wooy: M-to nje-kula lə Kristə kə̂ utade bbay. M-dda kula mutade, dilam kəy-kula tə̂ gɔl banya utade, n̂-tundam dutade ngaâ maw ta yo tə̂ ngɔsi mutade.

2 Kɔrɛntinyɛje 3:6

Ne â n̂-dda narə jasə ta to njê-kula dɔnɔn kə̂ siki le. Dɔnɔn kə̂ siki le in mə Ndu tə̂ kə̂ duja makəturu tə̂ to kuja ang. To dɔnɔn kə̂ in rɔ Ndil tə̂. Mba Ndu kə̂ duja makəturu tə̂ aw kə dəw kə yo tə̂, a Ndil aw arə təbbə.

2 Kɔrɛntinyɛje 6:4

A mə nɛ̂nje tə̂ tɔyn, n-tɔju to n-to njê-kulaje lə Lubba njaa. Juwa jarə ngəng mə nɛ̂n kəm-to-ndooje tə̂, mə nɛ̂n-singaje tə̂ kə mə nɛ̂n-bbəəlje tə̂.

Epɛjinyɛje 6:21

M-ndiki karə ə-gərəje tar dɔ kisi tə̂ ləm kə dɔ nɛ̂nje tə̂ kə̂ maw dda. Tisikə kə̂ to ngokɔnʼm kə̂ m-ndike ngaâ to dəw kə̂ aw dda kula lə Əbbə-dəwje kə dɔgɔlɛ̂ a pa tar dɔ nɛ̂nje tə̂ tɔyn karəse.

Pilipinyɛje 2:20

Ne kə karɛ̂ baa njaa naw nəjə dɔse tə̂. Marə dəw dang kə̂ kəjə laa to tokə ləm goto.

Pilipinyɛje 2:22

A ne Timɔte le ə-gərəje pa-nja laa kə majɛ̂. Nunn rɔɛ̂ nila kula tɔju Tar kə̂ Maji tə̂ səm tokə lə ngonn kə̂ aw uman bɔɛ̂je.

Pilipinyɛje 3:16

Mə nɛ̂n tə̂ tɔyn, ddəw kə̂ junnje ndərəng bbokənɛn nəənn le, maji karə yeenn njaa jawje nɛ̂n nyɔm.

Kolosinyɛje 2:19

Dinyaje ta nayn kə Kristə kə̂ to tokə dɔ dəw le. Dɔ â aw dda arə da-rɔ tɔyn mbɔn naan to kâra baa. Ddəw tə̂ le dɔ â, mbara-rɔje kə mənrə-rɔje uwaje naan ngaâ ubbaje singa tokə ye kə̂ Lubba ndiki.

Kolosinyɛje 3:16

Maji karə tar lə Kristə kə̂ nɛ̂nje kə̂ maji to məɛ tə̂ nayn horose tə̂ nya nya. Maji karə ə-tɔjuje naan nɛ̂n ddəm ə-ndəjəje naan ddəm kə kəm-karɛ tɔyn. Ɔsuje paje dang dang kə məse tɔyn ə-walje nɛ̂n Lubba ddəw tə̂ lə Ndil-mə-nda mba majije kə̂ n̂-dda kə se.

Kolosinyɛje 4:7

Ngokɔnje Tisikə kə̂ m-ndike nya â a pa tar kisi ləm kə̂ misi tɔyn karəse. N̂-to nje-kula marəm kə̂ aw dda kula lə Əbbə-dəwje kə dɔgɔlɛ̂.

1 Tesalonisinyɛje 3:2

Ngaâ jula ngokɔnje Timɔte jarəse. Ne le naw numanje kula tə̂ lə Lubba mba kila mbər Tar kə̂ Maji lə Kristə. Julɛ̂ bba karə n̂-dda narə ingaje singa ddəm karə uwaje arəje ngəng ddəw mə-kunn tə̂ ləse ddəm.

1 Timɔte 1:10

njê-ddaje lo-to-majang kə dingawje kə̂ aw toje kə dingaw marədeje kə njê-labbəje dəwje to bbərəje kə njê-ngəmje, njê kə̂ aw undaje-yo baa wase dəwje kə̂ ddaje nɛ̂n tɔyn kə̂ to dang kə nɛ̂n-tɔju kə̂ tɔkɔrɔ.

1 Timɔte 4:16

Ə-ngəm rɔi kə majɛ̂, unda kəmi dɔ nɛ̂n-tɔju tə̂ ləi. Ə-nayn ddəwe tə̂ kə ndɔ tɔyn, mba bbo ə-dda tokə baann a, əi njaa â kaji rɔi ddəm â kaji dəwje kə̂ aw ooje tar ləi ddəm.

1 Timɔte 6:3

Bbo dəw tɔju nɛ̂nje kə̂ to kə dɔgɔlɛ̂ ang kə̂ to dang kə tarje lə Əbbəjeje Jeju-Kristə kə̂ to tar kə tɔkɔrɔ le ddəm to dang kə tar mə-kunn a,

2 Timɔte 1:6

Yeenn le bba maw mole məi ta karə ə-dda arə gusu kə̂ Lubba ari le nayn kə singa kə ndɔ tɔyn, gusu kə̂ inga kar tə̂ kə̂ mila jim dɔi tə̂ le.

2 Timɔte 3:10

A əi, ə-gərə nɛ̂n-tɔjuje ləm, pa-nja ləm, nɛ̂nje kə̂ bboe to məm tə̂ ta dda, mə-kunn ləm, kore-wur ləm, ndiki kə̂ m-ndiki dəwje kə kuwa kə̂ muwa marə ngəng.

2 Timɔte 4:3

Mba marə kar aw ddee, karɛ̂ tə̂ənn le, nɛ̂n-tɔju kə̂ maji tɔyn a nəəl dəwje ang ngaa. Dâ kaaje lo kə bbo kə̂ da-rɔde tə̂, bbo koo tar kə̂ məde ndiki ta koo â a ddade kə ndɔ tɔyn ngaâ dâ bbarje njê-nɛ̂n-tɔjuje kə dɔ naan tə̂ dɔ naan tə̂.

Titə 2:1

A əi Titə, maji karə ə-tɔju nɛ̂n kə̂ to ddəw kâra baa kə nɛ̂n-tɔju kə̂ to gatə gatə.

1 Piyɛr 2:2

Maji karə ə-ddaje bbo tar lə Lubba tokə ngann əngutayje aw ddaje bbo kay mba kə̂ n̂-pole məɛ̂ ang. Yeenn bba â sangəje ddəwe tə̂ mba kinga nɛ̂n kaji,

2 Jan 1:9

Dəw kə̂ nayn dɔ nɛ̂n-tɔju tə̂ lə Kristə ang, aw ddəw əw, n̂-mbətə Lubba ngaa. Dəw kə̂ nja go nɛ̂n-tɔju tə̂ lə Kristə to dəw kə̂ dda mə-kâra kə Bɔ ddəm Ngonn ddəm.

Judə 1:5

Ə-gərəje tar nɛ̂nje nəənn le tɔyn kə majɛ̂ kete mban, a m-ndiki ta kole məse dɔɛ tə̂ bbay: Əbbə-dəwje aji dəwje laa nangə tə̂ kə̂ Ejipitə bba goe tə̂ a, narə dəwje kə̂ ooje məde tə̂ saa ang oyje.