1 Timɔte 4:13 - Dɔnɔn kə̂ Siki: Tar kə̂ aw arə təbbə

¹³ Maji karə ə-tura makəturu nya arə dəwje lo mbɔn-naan tə̂ ə-nginan nɛ̂n ndɔ ddee ləm. Arəde ndəjə ngaâ ə-tɔjude nɛ̂n.

Maketuru le Lubba ke tar kabba

¹³ E-tura maketuru nya are dewje lo mbɔn̂-naa te e-ngina ne ndɔ ddee lem. Arede ndeje ngaa e-tɔjude ne.

1 Timɔte 4:13 Iomraidhean Croise

Tar kə̂ Maji kə̂ Jan dda makəturu tə̂ 5:39

«Aw kinyaje mə Makəturu lə Lubba, mba əjəje to Makəturu le a karəse təbbə kə̂ to kə ndɔ kə ndɔ. Makəturuje le paje tar-naji ləm.

Kulaje 17:11

Kəjə lə Jiipije kə̂ Bərə maji uta kəjə lə njê kə̂ Tesalonikə arə n̂-taaje tar le kə ngɔru baa. Ndɔ kâra kâra daw disaje makəturu lə Lubba ta gərə se tar kə̂ Pɔl aw pa le to kə dɔgɔlɛ̂ njaa wa?

Kulaje 6:4

A Jeje, ja kunnje rɔje mba kula duju Lubba kə kula tɔju tar lə Lubba.»

Rɔmɛnje 12:8

Dəw kə̂ Lubba arɛ̂ gusu karə n̂-ndəjə dəwje a, maji karə n̂-ndəjə dəwje. Maji karə dəw kə̂ to nje-nɛ̂n-karə, arə nɛ̂n kə mə-kâra. Maji karə dəw kə̂ nje-tɔju ddəw dəwje, tɔju kə dɔgɔlɛ̂, dəw kə̂ aw dda maji kə dəwje, dda kə rɔ-nəəl.

1 Kɔrɛntinyɛje 14:26

Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.

1 Kɔrɛntinyɛje 14:3

A dəw kə̂ aw ila mbər tar lə Lubba, ila mbər le arə dəwje karə mə-kunn ləde sangə, karə dingaje singa ngaâ məde wul.

1 Kɔrɛntinyɛje 14:6

Ngakɔnʼmje, bbo m-tee horose tə̂ ngaâ maw pa kəsə tar kə ndɔn-tarje kə̂ dəw gərə ang a, ddi kə̂ maji â, â kingaje ddəw tə̂ ləm wa? Maji karə m-pa tar nɛ̂n kə̂ Lubba tɔjum marəse, m-pa tar nɛ̂n-gərə marəse, m-ndaji tar kə̂ ta Lubba tə̂ marəse wase m-tɔjuse nɛ̂n bba a dda kə se maji.

1 Timɔte 4:16

Ə-ngəm rɔi kə majɛ̂, unda kəmi dɔ nɛ̂n-tɔju tə̂ ləi. Ə-nayn ddəwe tə̂ kə ndɔ tɔyn, mba bbo ə-dda tokə baann a, əi njaa â kaji rɔi ddəm â kaji dəwje kə̂ aw ooje tar ləi ddəm.

1 Timɔte 4:6

Bbo ə-tɔju nɛ̂nje kə̂ m-pa mari nəənn njê-mə-kunnje a, â to nje-kula lə Jeju-Kristə kə̂ tɔkɔrɔ. Baann bba, â tɔju to ə-to dəw kə̂ aw ubba singa ddəw tar mə-kunn tə̂ ddəm ddəw nɛ̂n-tɔju tə̂ kə̂ tɔkɔrɔ kə̂ unn goe le ddəm.

2 Timɔte 3:15

Kar tə̂ kə̂ ə-nayn ngonn bbay njaa ə-gərə Makəturu kə̂ maji tɔyn. Makəturu le ee kə singa mba tɔji kəm-karɛ. Kəm-karɛ le a kaw səi karə inga kaji kə̂ Jeju-Kristə aw arə dəwje kə̂ unnje məde arɛ̂je.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Titə 2:15

Maji karə ə-pa tar tokə baann, arə ndəjə arə dubbaje nɛ̂n singa ta ə-ndangəde kə ndu kə̂ mɔngu. Ə-dda arə dəw kâra dabbi ang.