1 Timɔte 4:10 - Dɔnɔn kə̂ Siki: Tar kə̂ aw arə təbbə

¹⁰ Jaw jooje ndoo wase jaw ddaje ddɔ mba məje kə̂ jundaje dɔ Lubba tə̂ kə̂ Nje-kisi kəm baa. Lubba kə̂ to Nje-kaji-dəwje tɔyn, uta tɔyn, n̂-to Nje-kaji njê-mə-kunnje.

Maketuru le Lubba ke tar kabba

¹⁰ Bbo jaw jooje ndoo wase jaw n̂-ddaje ddɔ a, mba kake jundaje meje dɔ Lubba te ke Nje-kisi kem baa. Lubba ke to Nje-kaji dewje tɔyn, ke uta tɔyn n̂-to Nje-kaji nje-koo-meteje.

1 Timɔte 4:10 Iomraidhean Croise

Matiye 16:16

Simɔn Piyɛr ilɛ̂ tə̂ nan: «Ə-to Mesi, Ngonn lə Lubba kə̂ nje-kisi kəm baa.»

Matiye 27:43

Nunda məɛ̂ dɔ Lubba tə̂ ngaâ n̂-pa nan n̂-to Ngonn lə Lubba. Bbo Lubba ndike a, maji karə najɛ̂ bbasinɛn nəənn.»

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Tar kə̂ Maji kə̂ Jan dda makəturu tə̂ 4:42

Ngaâ, n̂-paje darəje dɛnɛ̂n le nan: «Bbasinɛn, joo məje tə̂ saa mba tarje ləi kə̂ ə-pa le njaa ang ngaa. Joo məje tə̂ mba jeje njaa joo tarje kə̂ tɛɛ̂ tə̂ ngaâ n-gərə to, ne njaa n̂-to Nje-kaji-dəwje kə̂ duninya tə̂.»

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

2 Kɔrɛntinyɛje 1:10

Ne â n̂-tee kə je ta yo tə̂ arə nâ təl tee kə je ta yo tə̂ kə̂ baann bbay. Baann njaa, junda məje dɔɛ̂ tə̂ to nâ tee kə je tɛɛ tə̂ bbay.

1 Timɔte 2:3

Yeenn bba to nɛ̂n kə̂ kura ngaâ maji nya kəm Lubba tə̂ kə̂ Nje-kajije,

1 Timɔte 2:4

Lubba kə̂ ndiki karə dəwje tɔyn ingaje kaji ddəm ndiki karə dəwje tɔyn gərəje nɛ̂n kə̂ tɔkɔrɔ ddəm.

1 Timɔte 2:6

kə̂ unn rɔɛ̂ uka nɛ̂n dɔ dəwje tɔyn. Yeenn bba karɛ̂ asə a, Lubba dda nɛ̂ɛnn le ta tɔju to n̂-ndiki ta kaji dəwje tɔyn.

1 Timɔte 3:15

A bbo m-ddee kə tɔkɛ̂ ang a, ndəjəje kə̂ mari nəənn a kari ddəw karə ə-gərə ddəw kə̂ â nja nɛ̂n horo dəwje tə̂ lə Lubba. Dəwje lə Lubba le to Egilisi lə Lubba kə̂ to Nje-kisi kəm baa. Egilisi le aw uwa tar kə̂ tɔkɔrɔ arə ngəng.

1 Timɔte 6:17

Maji karə unn ndu arə njê-nɛ̂n-kingaje kə̂ bbokənɛn nəənn arə dɔsuje gaji rɔde baa ang. Maji karə dundaje məde kə dɔ nɛ̂n-kingaje tə̂ ang, mba to nɛ̂nje kə̂ a ndayje. A maji karə dundaje məde dɔ Lubba tə̂ kə̂ aw arəje nɛ̂n tɔyn arə uta dɔɛ̂ karə jisi nɛ̂n kə majɛ̂.

Ebərəje 11:26

Noo a, kə̂ ta karə dəwje tajɛ̂je tokə n̂-tajije Kristə to nɛ̂n-kinga kə̂ ngəng uta nɛ̂n-kingaje kə̂ Ejipitə. Mba nunda kəmɛ̂ njaa nyɔm kə dɔ kuka tə̂ kə̂ Lubba a kukɛ̂ ndɔ tə̂ kə̂ bara.

Ebərəje 13:13

Yeenn a, maji karə n-teeje jawje rɔɛ̂ tə̂ ddaka, ta n-tɔ wurje jarə dəwje tajijeje saa tɔ.

1 Piyɛr 1:21

Ddəw tə̂ laa â unnje məse arəje Lubba kə̂ noy a, ndole ngaâ arɛ̂ piti, mba karə mə-kunn ləse kə mə-kunda ləse to kə dɔ Lubba tə̂.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.