1 Timɔte 4:1 - Dɔnɔn kə̂ Siki: Tar kə̂ aw arə təbbə

¹ Ndil-mə-nda pa kə majɛ̂ nan, ddutu ndɔje a, marə dəwje a kinyaje ddəw mə-kunn mba nayn go ndilje tə̂ kə̂ njê-ngəmje ngaâ dâ kunnje go nɛ̂n-tɔju lə ndilje kə̂ maji ang le.

Maketuru le Lubba ke tar kabba

¹ Ndil-me-nda pa tɔkɔrɔ na, ddutu ndɔɔje a, mare dewje a kinyaje ddew me-kunn mba naynje go ndilje te ke nje-ngemje ngaa da kunnje go ne-tɔju le umaje.

1 Timɔte 4:1 Iomraidhean Croise

Matiye 18:7

To ndoo nya arə dəwje kə̂ duninya tə̂. Nɛ̂n kə̂ a dda karə dəw oso mə majang tə̂ banya nya. Tɔkɔrɔ, nɛ̂n kə̂ a dda karə dəw oso mə majang tə̂ a to kə ndɔ tɔyn. A to ndoo nya karə dəw kə̂ a dda karə njê-marɛ̂je osoje mə majang tə̂.

Luku 17:1

Jeju pa arə njê-njaje goe tə̂ nan: «Nɛ̂n kə̂ a dda karə dəw oso mə majang tə̂ a to kə ndɔ tɔyn. A to ndoo nya karə dəw kə̂ a kərə njê-marɛ̂je karə dosoje mə majang tə̂.

Tar kə̂ Maji kə̂ Jan dda makəturu tə̂ 16:13

Bbo Ndil tar kə̂ tɔkɔrɔ le ddee a, nâ tɔjuse nɛ̂n kə̂ tɔkɔrɔ tɔyn. Tar kə̂ məɛ̂ tə̂ njaa â nâ pa ang. Tarje tɔyn kə̂ noo â nâ pa ngaâ nâ pa nɛ̂nje kə̂ a ta ddeeje karəse.

Kulaje 13:2

Marə ndɔ n̂-mbɔnje naan mba polo Əbbə-dəwje ngaâ dɔkuje rɔde nɛ̂n-kusa a, Ndil-mə-nda pa nan: «Undaje Barnabas de kə Sɔl dang mba kula kə̂ m-bbarde mbɛɛ̂.»

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Kulaje 20:23

Uta tɔyn, mə bbe tə̂ kâra kâra tɔyn kə̂ m-tee tə̂, Ndil-mə-nda pa arəm nan kəy-kula, kula njamji kə nɛ̂n kəm-to-ndoo aw nginanʼmje.

Kulaje 21:11

N̂-ddee ningaje ngaâ n̂-taa əndaar-kuwa-bbər lə Pɔl, n̂-tɔ nɛ̂n gɔlɛ̂ kə jia ne njaa ngaâ n̂-pa nan: «Ndil-mə-nda pa nan Jiipije a tɔje nje-əndaar kuwa-bbər nəənn Jerujalɛm tokə be ngaâ dâ kulɛ̂je ji dəwje tə̂ kə̂ gərəje Lubba ang.»

Kulaje 28:25

Horode tə̂ tar ləde aw naan tə̂ ang ngaâ kar tə̂ kə̂ dâ ta kɔtuje a, Pɔl pa tar kâra nan: «Tar kə̂ Ndil-mə-nda unda ta Ejayi tə̂ kə̂ to nje-kila mbər tar lə Lubba arə pa arə kajejedede le to tar kə̂ tɔkɔrɔ. Ndil-mə-nda pa nan:

1 Kɔrɛntinyɛje 10:20

Baann ang. Mâ ta pa nan, nɛ̂nje kə̂ n̂-polo nɛ̂n kɔrje le, n̂-polo nɛ̂n ndilje kə̂ maji ang bbo n̂-polo nɛ̂n Lubba ang. Mba yeenn bba, m-ndiki karə ə-ddaje mə-kâra kə ndilje kə̂ maji ang ang.

1 Kɔrɛntinyɛje 11:19

A maji karə tin-naan to horose tə̂ bba dâ gərə nɛ̂n dəwje kə̂ aw ddaje nɛ̂n kə ddəwe.

1 Kɔrɛntinyɛje 12:11

Ne Ndil kə̂ kâra le njaa naw dda nɛ̂njeenn tɔyn. Narə gusu dəwje kâra kâra tokə məɛ̂ ndiki.

1 Kɔrɛntinyɛje 2:10

A jeje â Lubba arə Ndil-mə-nda tɔju nɛ̂nje le kə ddaka arəje. Mba Ndil-mə-nda gərə nɛ̂nje tɔyn. Nɛ̂nje lə Lubba kə̂ nayn lo-kiyɛ̂ tə̂ kara n̂-gərə.

2 Kɔrɛntinyɛje 11:3

A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.

Kolosinyɛje 2:18

Dang bba arəje dəwje kə̂ aw ddaje rɔde tɛn baa kəm dəwje tə̂ ngaâ aw poloje anjəje, undaje tar dɔse tə̂ ang. Dooje ninje ləde kəmde tə̂ to nɛ̂nje kə̂ ngəng nya ngaâ kəjəje ləde kə̂ toje to kəjəje lə dəwje baa ddaje arə dooje rɔde bo nya.

2 Timɔte 3:13

A dəwje kə̂ məde maji ang kə njê-kərə dəwje, dâ ddaje majang kə kete kete, dâ kərəje dəwje ngaâ dede njaa kara dəwje a kərəjede tɔ.

2 Timɔte 4:4

Dâ kutuje mbide karə tar kə̂ tɔkɔrɔ ngaâ dâ tukaje mbide ta koo nɛ̂n əsuje kə̂ ləw kə̂ to tar kə̂ tɔkɔrɔ ang.

Jakə 3:15

Kəm-karɛ kə̂ baann to kəm-karɛ kə̂ in darâ ang. To kəm-karɛ kə̂ dɔ nangə tə̂, kə̂ in da-rɔ tə̂, in rɔ Əsu tə̂.

1 Piyɛr 1:20

Lubba mbəre kete bba dda duninya ngaâ tɔjɛ̂ kə ddaka ddutu ndɔ tə̂ mba maji ləse.

2 Piyɛr 2:1

Ləw, marə njê-kilaje mbər tar lə Lubba kə̂ tɔkɔrɔ ang toje horo dəwje tə̂ kə̂ Ijarayɛl. Ddəw kâra baa, njê-nɛ̂n-tɔjuje kə̂ tɔkɔrɔ ang a teeje horose tə̂ tɔ. Ddəw gusu tə̂, dâ ddeeje kə nɛ̂n-tɔjuje kə̂ tɔkɔrɔ ang ddəm aw tuju dəwje ddəm. Dâ mbətəje Əbbə-dəwje kə̂ ajide le ngaâ dâ bbarje yo kə dɔde tə̂ kə ngɔru baa.

2 Piyɛr 3:3

Dɔngɔr nɛ̂n, maji karə ə-gərəje to ddutu ndɔje tə̂ a, dəwje kə̂ aw njaje ddəw bbo tə̂ kə̂ da-rɔde tə̂ a kundaje lo teeje. Dâ kɔjujese koko nɛ̂n.

1 Jan 2:18

Ngannje kə̂ ngaji, ddutu ndɔ asə ngaa. Ooje tar kə̂ n̂-pa darəse nan, nje-baan lə Kristə aw ddee le mban. A bbasinɛn, njê-baanje lə Kristə tokə banya ddeeje ngaa. Yeenn tɔju to jeeje ddutu ndɔ tə̂ ngaa.

1 Jan 4:6

A Jeje, n-toje to ənga Lubba. Dəw kə̂ gərə Lubba aw oo tar ləje. Dəw kə̂ to ənga Lubba ang a koo tar ləje ang. Ddəw nɛ̂n tə̂ kə̂ baann bba ja gərəje nɛ̂n Ndil tar kə̂ tɔkɔrɔ kə ndil tar kə̂ tɔkɔrɔ ang.

Judə 1:18

N̂-paje darəse nan: «Ddutu ndɔ a, â kooje dəwje kə̂ toje to njê-kokoje dəwje ngaâ aw ddaje nɛ̂n ddəw bbo kə̂ da-rɔde tə̂.»

Judə 1:4

Mba, marə dəwje kə̂ maji ang andəje horose tə̂ kə go ngəyn. Daw turuje mə tar mə-maji lə Lubba ləje mba kɔnn nɛ̂n dɔ nɛ̂n-ddaje kə̂ maji ang ləde. N̂-mbətəje Mbay ləje kə̂ kâra baa kə̂ to Əbbəjeje Jeju-Kristə le. Ləw baa, Makəturu lə Lubba pa tar sariya kə̂ dâ gangə dɔde tə̂.

Apokalisi 13:14

Nərə dəwje kə̂ dɔ nangə tə̂ ddəw nɛ̂n-mɔrije tə̂ kə̂ darɛ̂ singa karə n̂-dda dɔ kəm da tə̂ kə̂ in mə maann tə̂ tee le, narə dəwje le ddaje marə kɔr kə̂ unn da-rɔ da kə̂ inga do tɔkə kiya, a nayn kəm baa le.

Apokalisi 16:14

To ndilje kə̂ maji ang kə̂ aw ddaje nɛ̂n-mɔrije. Dawje ta kinga tɔkə mbayje kə̂ dɔ nangə tə̂ tɔyn ta mbɔnde nginan nɛ̂n ddɔ kə̂ tɔkə ndɔ tə̂ lə Lubba kə̂ nje-singa-mɔngu.

Apokalisi 18:2

Nuru əkii kə singa nan: «Noso mban, noso mban, Babilɔnn bbe-bo le! N̂-ddee to lo dda bbe kə lo kiya-rɔ le ndilje kə̂ maji ang dang dang tɔyn, kə əəlje kə̂ maji ang dang dang tɔyn kə̂ dəwje ndikije ang.

Apokalisi 18:23

Puru lambe a ndoko mə bbe tə̂ ləi ang ngaa ddəm dəw a koo ndu basan de kə ngonn mandə kə̂ n̂-taaje naan tokə siki bbeê ləi ang ngaa ddəm mba njê-nɛ̂n-labbəje kə̂ bbeê ləi toje to dəwje kə̂ ngəng kə̂ dɔ nangə tə̂ ngaâ ərə gəl-dəwje tɔyn kə nɛ̂n-kumanje ləi kə̂ aw dda arə n̂-ndəəmje ddəw.

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.

Apokalisi 2:11

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. Dəw kə̂ tətə ddɔ a, a koy yo kə̂ gɔl joo laa ang ngaa.»

Apokalisi 2:17

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ mann kə̂ to lo-kiyɛ̂ tə̂ ngaâ mâ karɛ̂ ər-nda kə̂ n̂-dda marə ri kə̂ siki dɔɛ̂ tə̂. To ri kə̂ dəw kâra gərə ang. Dəw kə̂ dunda ri le dɔɛ̂ tə̂ bba a gərə ri le.»

Apokalisi 2:29

«Dəw kə̂ mbia to a, maji karə oo tar kə̂ Ndil-mə-nda pa arə Egilisije.»

Apokalisi 2:7

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ kandə kakə kə̂ aw arə dəw təbbə karə nusa. Kakə le to mə paradis tə̂ lə Lubba.»

Apokalisi 20:10

Ngaâ dila Əsu kə̂ nje-kərəde le mə ndakə puru kə supərə tə̂, lo tə̂ kə̂ da le kə nje-kila mbər tar kə̂ tɔkɔrɔ ang le eeje tə̂. Dâ kooje ndoo nya, kar kə til, bbal kə bbal.

Apokalisi 20:8

ngaâ nâ kaw kərə gəl-dəwje kɔyn nangə tə̂ kə̂ sɔ tɔyn, yeenn pa nan Gogə kə Magogə. Nâ mbɔn dəwje le mba dda nɛ̂n ddɔ. Kɔrde banya tokə ənangara ta ba-katə.

Apokalisi 3:13

«Dəw kə̂ mbia to a, oo tar kə̂ Ndil-mə-nda pa arə Egilisije.»

Apokalisi 3:22

«Dəw kə̂ mbia to a, maji karə noo tar kə̂ Ndil-mə-nda pa arə Egilisije.»

Apokalisi 3:6

«Dəw kə̂ mbia to a, maji karə oo tar kə̂ Ndil-mə-nda pa arə Egilisije.»

Apokalisi 9:20

A kəsə dəwje kə̂ nɛ̂n kəm-to-ndooje nəənn le tɔljede ang le inyaje ddəw polo kɔrje kə̂ n̂-ddaje kə jide njaa le ang. N̂-naynje daw poloje ndilje kə̂ maji ang, daw poloje kɔrje kə̂ n̂-ddaje kə andə kə narɛ kə tungu kə ər kə kakə. Kɔrje kə̂ aw ooje lo ang ddəm aw ooje tar ang ddəm aw njaje ang ddəm le.