1 Timɔte 3:6 - Dɔnɔn kə̂ Siki: Tar kə̂ aw arə təbbə

⁶ Maji karə dəw kə̂ dɔ Egilisi tə̂ to dəw kə̂ unn məɛ̂ arə Jeju goe əw bba. Baann ang a, nâ koo rɔɛ̂ bo nya ngaâ Lubba a gangə sariya dɔɛ̂ tə̂ tokə n̂-gangə sariya dɔ Əsu tə̂ le.

Maketuru le Lubba ke tar kabba

⁶ Maji kare nje-kula le lubba to dew ke oo mee te ke Jeju goe ew bba. Baann ang a, na koo rɔe bo nya ngaa Lubba a gange sariya dɔe te ddew kara baa toke n̂-gange sariya dɔ Esu te.

1 Timɔte 3:6 Iomraidhean Croise

Luku 10:18

Jeju ilade tə̂ nan: «Moo Satan kə̂ in darâ oso tokə lə ndi kə̂ aw təəl.

1 Kɔrɛntinyɛje 3:1

Əman, ngakɔnʼmje, m-pa tar marəse tokə lə dəwje kə̂ Ndil-mə-nda goto məde tə̂. M-pa tar marəse tokə dəwje kə̂ baa, tokə lə dəwje kə̂ unnje məde arə Kristə kə̂ sangəje ang bbay.

1 Kɔrɛntinyɛje 8:1

Bbasinɛn nəənn, jooje nɛ̂n kə̂ ɔju dɔ daje kə̂ darə kɔrje to nɛ̂n-polo. Tɔkɔrɔ, jeje tɔyn n-gərəje nɛ̂n. Nɛ̂n-gərə dda arə dəw oo rɔɛ̂ bo, a ndiki dda arə mbɔn-naan lə njê-mə-kunnje inga singa.

2 Kɔrɛntinyɛje 12:7

Nɛ̂nje kə̂ Lubba tɔju kə̂ ddaka arə moo le to nɛ̂nje kə̂ maji kə̂ dum dɔ dəw. Mba yeenn bba, karə moo rɔm bo nya ang a, dula marə nɛ̂n rɔm tə̂, Satan ula marə dəw laa karə undam, bba karə moo rɔm bo nya ang.

1 Timɔte 3:7

Maji karə n̂-to dəw kə̂ dəwje kə̂ toje to njê-mə-kunnje ang paje tar laa maji bba. Baann bba dəwje a nanɛnje saa ang ngaâ nâ koso mə bandə tə̂ lə Əsu ang.

1 Timɔte 6:4

n̂-to dəw kə̂ oo rɔɛ̂ bo ngaâ gərə nɛ̂n kâra ang. N̂-to dəw kə̂ rɔ-to mayn tar to rɔɛ̂ tə̂ ngaâ n̂-to dəw kə̂ aw kɔl mba marə kandə tarje. Nɛ̂nje kə̂ baann aw ddee kə kunda-mə kə naan, mayn-tar, nɛ̂n-taji, koo naan kə kəm kə̂ maji ang,

2 Timɔte 3:4

Dâ toje to njê-kunnje dɔ dəwje, dâ toje njê-wunguje, koo-rɔ-bo a dda karə dooje lo ang, rɔ-nəəl kə̂ nangə̂ nəənn â dâ ndikije bbo dâ ndikije Lubba ang.

1 Piyɛr 2:2

Maji karə ə-ddaje bbo tar lə Lubba tokə ngann əngutayje aw ddaje bbo kay mba kə̂ n̂-pole məɛ̂ ang. Yeenn bba â sangəje ddəwe tə̂ mba kinga nɛ̂n kaji,

1 Piyɛr 5:5

Ddəw kâra baa, basanje, maji karə ooje ta dəwje kə̂ dɔ Egilisi tə̂. Sese tɔyn, ə-ddaje rɔse ngaji arəje naan, mba Makəturu lə Lubba pa nan: Lubba mbətə tar lə dəwje kə̂ ooje rɔde bo, a n̂-dda mə-maji kə dəwje kə̂ dda rɔde ngaji.

2 Piyɛr 2:4

Mba anjəje kə̂ ddaje majang le, Lubba inyade ddekeke njaa baann ang. Lubba ungude mə buwa tə̂ kə̂ il biti biti arə n̂-naynje tə̂ daw nginanje ndɔ sariya.

Judə 1:6

Oleje məse dɔ tar tə̂ lə anjəje kə̂ ngəmje lo ləde kə̂ Lubba arəde ang, a tusuje lo ləde inyaje le, Əbbə-dəwje tɔde ungude lo tə̂ kə̂ il biti biti nyɔm mba ngəbbə nɛ̂n tɔkə ndɔ sariya.