1 Timɔte 3:3 - Dɔnɔn kə̂ Siki: Tar kə̂ aw arə təbbə

³ Maji karə n̂-to bbərə lə koto ang, n̂-to nje-ddɔ kə dəwje ang, n̂-to dəw kə̂ wul pee, n̂-to dəw kə̂ ndiki kɔl ang, n̂-to dəw kə̂ ndiki narɛ nya ang.

Maketuru le Lubba ke tar kabba

³ Maji kare n̂-to bbere le koto ang, n̂-to nje-kunda dew ang, n̂-to dew ke wul pee, n̂-to dew ke ndiki kɔl ang, n̂-to dew ke ndiki nare nya ang.

1 Timɔte 3:3 Iomraidhean Croise

Matiye 21:13

N̂-pa narəde nan: «Makəturu lə Lubba pa nan: ‹Dâ bbar kəy ləm nan kəy duju Lubba.› A sese, aw ddaje to lo kiya-rɔ lə njê-bbokoje wa?»

Kulaje 20:33

M-dda bbo narɛ, bbo andə wase bbo kubbu lə dəw ang.

Rɔmɛnje 16:18

mba dəwje kə̂ baann toje to bbərə-kulaje lə Əbbəjeje Kristə ang. A daw dəjəje kə dɔ məde tə̂ njaa. Daw dərəje dəwje kə̂ kəmde ɔru ang ddəw tarje tə̂ kə̂ tade tə̂ kə̂ rii to rii ddəm tarje kə̂ daw dərəje nɛ̂n kəm dəwje ddəm.

Epɛjinyɛje 5:18

Ayje koto arə ddase ang. Mba koto aw kə dəw arə tuju. A arəje Ndil â ddususe.

1 Tesalonisinyɛje 5:14

Ngakɔnje, n-dujuse nya karə ə-ndɔruje mbi dəwje kə̂ aw ddaje nɛ̂nje kə̂ to kə dɔgɔlɛ̂ ang. Maji karə ə-ddaje arəje dəwje kə̂ rɔde oy njururu təl ubbaje singa. Ngaâ umanje dəwje kə̂ mə-kunn ləde sangə ang bbay ddəm ə-tɔje wurse arəje dəwje tɔyn ddəm.

1 Timɔte 3:8

Ddəw kâra baa, maji karə diyakərəje toje to dəwje kə̂ ulaje gəl rɔde naan tə̂ ang, dəwje kə̂ tar kə̂ tade tə̂ to joo joo ang, n̂-toje to njê-kayje koto nya ang, maji karə n̂-toje to dəwje kə̂ bbo kinga narɛ kə dɔgɔlɛ̂ ang ddade ang.

2 Timɔte 3:2

Dəwje a toje to njê-nɛ̂n-ndikije, dâ ndikije narɛ nya, dâ boroje ngaâ dâ kooje rɔde bo, dâ tajije Lubba, dâ ddaje dɔ-ngəng kə njê-kujujede, dâ gərəje maji kə̂ n̂-dda kə de ang, dâ bbəəlje nɛ̂n lə Lubba ang.

Titə 1:11

Maji karə uwa tade, mba daw tujuje kəjə lə dəwje tɔyn kə̂ mə nujuje tə̂ kâra kâra. Daw tɔjuje nɛ̂n kə̂ asə karə dəw tɔju ang mba kinga nɛ̂n narɛ kə dɔgɔlɛ̂ ang.

Titə 1:7

Dəw kə̂ dɔ Egilisi tə̂ to nje-ngəm nɛ̂n lə Lubba. Yeenn a, maji karə tar to dɔɛ̂ tə̂ kâra ang. Maji karə noo rɔɛ̂ bo ang, n̂-to nje-wungu ang, n̂-to bbərə lə koto ang, n̂-to nje-ddɔ kə dəw ang, maji karə bbo kinga narɛ kə dɔgɔlɛ̂ ang ddɛɛ̂ ang.

Titə 2:3

Ddəw kâra baa, ə-pa arə dɛnɛ̂nje kə̂ tɔkəje ngəmje pa-nja ləde to dəwje kə̂ unnje rɔde dang mba dda kula lə Lubba. Maji karə n̂-toje to njê-nanɛnje ang ddəm n̂-toje to bbərəje lə koto ang ddəm. Maji karə nɛ̂n kə̂ maji â n̂-tɔjuje.

Titə 3:2

Maji karə n̂-tajije dəw ang, n̂-toje to njê-ddɔje kə dəw ang, maji karə n̂-toje to njê-mə-majije. Maji karə n̂-toje to dəwje kə̂ wul pee kə dəwje tɔyn kə ndɔ tɔyn.

Ebərəje 13:5

Maji karə bbo narɛ dɔrɔ â to mə nɛ̂n-ddaje tə̂ ləse ang. Maji karə undaje məse kə dɔ nɛ̂n tə̂ kə̂ to jise tə̂ njaa. Mba Lubba pa nan: «Mâ kinyai ang ddəm mâ mbəti ang ddəm.»

Jakə 4:1

Ddɔje kə kɔlje kə̂ toje horose tə̂ inje dda wa? Dinje mə bbo nɛ̂nje tə̂ kə̂ to məse tə̂ ngaâ aw ddaje ddɔ rɔse tə̂.

1 Piyɛr 5:2

Ddəw kâra baa tokə njê-ngəmje nɛ̂n-kuulje, maji karə ə-ngəmje dəwje kə̂ banya kə̂ Lubba inyade mə jise tə̂ le kə majɛ̂. Lubba ndiki karə ə-ngəmjede kə mə-ndiki ləse njaa bbo tokə nɛ̂n kə̂ duwase kə singa bba karə ə-ddaje nɛ̂ɛnn le ang. Ə-ddaje nɛ̂ɛnn le mba kinga nɛ̂n narɛ ang. Maji karə ə-ddaje kə mə-kâra.

2 Piyɛr 2:3

Bbo nɛ̂n-kinga a ddade nya ngaâ dâ kərəjese taa nɛ̂n nɛ̂nje ləse. A sariya kə̂ dɔde tə̂ to ngɔsi ngɔsi ləw baa ngaâ mbɔr ang a, dâ kubbaje tuju.

Judə 1:11

Nɛ̂n-wungu a ddee dɔde tə̂, mba n̂-ddaje nɛ̂n tokə lə Kayn. Dərəje ngəm tokə lə Balaam mba kinga nɛ̂n narɛ, n̂-ddaje dɔ-ngəng tokə lə Kore.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.