1 Timɔte 3:2 - Dɔnɔn kə̂ Siki: Tar kə̂ aw arə təbbə

² Baann a, maji karə dəw kə̂ dɔ Egilisi tə̂ le tar to dɔɛ̂ tə̂ ang, n̂-to nje-dɛnɛ̂n kə̂ kâra, n̂-to dəw kə̂ sangə rɔɛ̂, n̂-to dəw kə̂ gərə dɔ jia, n̂-to dəw kə̂ dda nɛ̂n kə ddəwe, dəw kə̂ gərə ngəm njê-mbaje, dəw kə̂ gərə ta tɔju nɛ̂n.

Maketuru le Lubba ke tar kabba

² Baann a, maji kare n̂-to dew ke tar to dɔe te ang, n̂-to nje-dene ke kara, n̂-to dew ke ngem rɔe, n̂-to dew ke gere dɔ jia, n̂-to dew ke dda ne ke ddewe, dew ke gere ngem nje-mbaje, dew ke gere ta tɔju ne.

1 Timɔte 3:2 Iomraidhean Croise

Luku 1:6

Dede joo kəm n̂-toje gatə gatə kəm Lubba tə̂ ddəm n̂-njaje kə turu ndu lə Əbbə-dəwje ddəm tar to dɔde tə̂ ang.

Luku 2:36

Marə dɛnɛ̂n kə̂ to nje-kila mbər tar lə Lubba isi Jerujalɛm tə̂ənn tɔ, ria nan Anna. N̂-to ngonn lə Panuwɛl, dəw kə̂ gəl Ajɛr tə̂. Bbalɛ̂ nday nya. N̂-taa ngawɛ̂je nisi saa bbal siri a, ngawɛ̂je le oy.

Rɔmɛnje 12:13

Maji karə umanje njê-mə-kunnje kə̂ nɛ̂n dude, ə-taaje njê-mbaje kə̂ awje rɔse tə̂ kə rɔ-nəəl.

Pilipinyɛje 2:15

Yeenn bba â toje to dəwje kə̂ tar a to dɔde tə̂ ang, dəwje kə̂ nɛ̂n-yərəw ɔrude ang. A toje to ngannje lə Lubba kə̂ majang ɔrude ang, horo dəwje tə̂ kə̂ bbasinɛn nəənn kə̂ toje gatə gatə ang ddəm majije ang ddəm. Maji karə ə-ndokoje horode tə̂ tokə lə puru-ngeel dɔ nangə tə̂,

1 Timɔte 3:12

Maji karə diyakərəje le toje to njê-dɛnɛ̂nje kə̂ kâra baa. Maji karə n̂-gərəje ta tɔju ddəw kə̂ maji ngannde kə dəwje tɔyn kə̂ mə kəy tə̂ ləde.

1 Timɔte 3:8

Ddəw kâra baa, maji karə diyakərəje toje to dəwje kə̂ ulaje gəl rɔde naan tə̂ ang, dəwje kə̂ tar kə̂ tade tə̂ to joo joo ang, n̂-toje to njê-kayje koto nya ang, maji karə n̂-toje to dəwje kə̂ bbo kinga narɛ kə dɔgɔlɛ̂ ang ddade ang.

1 Timɔte 4:3

Njê-ngəmje le tɔjuje nɛ̂n nan: Taa-naan lə dɛnɛ̂n de kə dingaw to nɛ̂n kə̂ maji ang wase kusa marə nɛ̂n-kusaje to nɛ̂n kə̂ maji ang. A Lubba dda nɛ̂n-kusajeenn mba njê-mə-kunnje kə̂ gərəje nɛ̂n-tɔju kə̂ tɔkɔrɔ. Maji karə darəje wooyo Lubba mban a, dusaje.

1 Timɔte 5:10

Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.

1 Timɔte 5:22

Ila jii kə ngɔru baa dɔ dəw tə̂ karə dda kula lə Lubba ang. Ula rɔi mə majang tə̂ lə dəw ang. Arə məi nda kayn nɔn Lubba tə̂ ləi.

1 Timɔte 5:9

Dɛnɛ̂n-ndubba kə̂ to nje-ngaw kə̂ kâra, kə̂ bbalɛ̂ uta bbal dɔmisan bba maji karə ə-dda ria horo marɛ̂je tə̂.

2 Timɔte 2:24

Maji karə nje-kula lə Əbbə-dəwje to nje-kɔl kə dəw ang. A maji karə n̂-to dəw kə̂ dəwje ndiki tar laa, maji karə nasə ta tɔju nɛ̂n ngaâ daw pa saa a, n̂-tɔ wure.

Titə 2:2

Ə-pa arə bbukaje gərəje dɔ jide, maji karə bbo kinga narɛ kə dɔgɔlɛ̂ ang ddade ang ngaâ n̂-ddaje nɛ̂n kə ddəwe. Arə darje dɔ mə-kunn tə̂ ləde kə̂ tɔkɔrɔ, arə n̂-ndikije naan ngaâ duwaje darə ngəng.

Ebərəje 13:2

Maji karə məse oy ta taa njê-mbaje kə majɛ̂ rɔse tə̂ ang. Mba ddəw nɛ̂n-dda tə̂ kə̂ baann â, marə dəwje taaje anjəje kə rɔde tə̂, a n̂-gərəje to anjəje ang.

Ebərəje 3:14

Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

1 Piyɛr 4:9

Maji karə ə-taaje naan kə rɔ naan tə̂, a əmje rɔse ang.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.