1 Timɔte 3:1 - Dɔnɔn kə̂ Siki: Tar kə̂ aw arə təbbə

¹ Tar kə̂ tɔkɔrɔ â nəənn. Bbo marə dəw ndiki ta ddee to dəw kə̂ dɔ Egilisi tə̂ a, to kula kə̂ maji nya njaa â n̂-ndiki ta dda.

Maketuru le Lubba ke tar kabba

¹ Tar neenn to tar ke tɔkɔrɔ. Toke bbo mare dew ndiki ta ddee to nje-kula le Lubba a, to kula ke maji nya njaa a n̂-ndiki ta dda.

1 Timɔte 3:1 Iomraidhean Croise

Luku 15:10

M-pa marəse, to ddəw kâra baa, rɔ-nəəl to nya horo anjəje tə̂ lə Lubba mba nje-nɛ̂n-dda kə̂ maji ang kâra kə̂ turu məɛ̂.»

Kulaje 1:20

N̂-dda tarɛ̂ makəturu Sɔmje tə̂ nan: ‹Maji karə kəy laa təl dɔ-ndubba ta dəw to tə̂ ang.› N̂-dda makəturu tə̂ lə Lubba bbay nan: ‹Maji karə marə dəw taa ture kula tə̂ laa.›

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Rɔmɛnje 11:13

Tar kə̂ mâ ta pa karəse nəənn to mba sese kə̂ ə-toje to Jiipije ang. Mba əman le njaa m-to nje-kaw-kula lə dəwje kə̂ toje to Jiipije ang. Mba yeenn bba mɔsu gaji kula ləm le nya,

Epɛjinyɛje 4:12

N̂-dda baann bba karə dəwje lə Lubba asəje tɔyn ta dda kula karə Egilisi kə̂ to da-rɔ Kristə sangə.

Pilipinyɛje 1:1

Əman Pɔl kə Timɔte kə̂ n-to bbərə-kulaje lə Jeju-Kristə n-dda makəturu nəənn jula nɛ̂n jarə dəwje tɔyn kə̂ isije Pilipi kə̂ toje to njê-mə-ndaje ddəw tə̂ lə Jeju-Kristə. Jula nɛ̂n jarə njê-kɔnje dɔ Egilisi kə diyakərəje tɔ.

1 Tesalonisinyɛje 5:14

Ngakɔnje, n-dujuse nya karə ə-ndɔruje mbi dəwje kə̂ aw ddaje nɛ̂nje kə̂ to kə dɔgɔlɛ̂ ang. Maji karə ə-ddaje arəje dəwje kə̂ rɔde oy njururu təl ubbaje singa. Ngaâ umanje dəwje kə̂ mə-kunn ləde sangə ang bbay ddəm ə-tɔje wurse arəje dəwje tɔyn ddəm.

1 Timɔte 1:15

Tar nəənn to tar kə̂ tɔkɔrɔ, maji karə dəwje tɔyn taaje tar nəənn ngəmje məde tə̂: Jeju-Kristə ddee dɔ nangə tə̂ mba kaji njê-nɛ̂n-ddaje kə̂ maji ang. Əman njaa m-to dəw kə̂ dda majang uta kəsə dəwje tɔyn.

1 Timɔte 4:9

Tar nəənn to tar kə̂ tɔkɔrɔ, maji karə dəwje tɔyn taaje ngəmje məde tə̂ kə majɛ̂.

2 Timɔte 2:11

Tar nəənn to tar kə̂ tɔkɔrɔ: Bbo joyje saa kâra baa a, ja kisije kəm baa saa kâra baa tɔ.

Titə 1:7

Dəw kə̂ dɔ Egilisi tə̂ to nje-ngəm nɛ̂n lə Lubba. Yeenn a, maji karə tar to dɔɛ̂ tə̂ kâra ang. Maji karə noo rɔɛ̂ bo ang, n̂-to nje-wungu ang, n̂-to bbərə lə koto ang, n̂-to nje-ddɔ kə dəw ang, maji karə bbo kinga narɛ kə dɔgɔlɛ̂ ang ddɛɛ̂ ang.

Titə 3:8

Tar nəənn to tar kə̂ asə karə dəw unda məɛ̂ dɔɛ tə̂. M-ndiki ta karə ar dɔɛ tə̂ nya, mba karə dəwje tɔyn kə̂ undaje məde dɔ Lubba tə̂ unnje rɔde mba dda kulaje kə̂ maji uta. Yeenn to nɛ̂n kə̂ kura ngaâ aw dda maji kə dəwje.

Ebərəje 12:15

Aaje kə majɛ̂ arəje marə dəw dda arə mə-maji lə Lubba due ang, bba karə dəw kâra ddee tokə marə kam kə̂ atə kə̂ aw ndu horo dəwje tə̂ ang. Dəw kə̂ baann le aw ddee kə tar horo dəwje tə̂ ddəm aw tuju dəwje ddəm.

1 Piyɛr 2:25

Mba ləw ə-toje tokə lə batəje kə̂ aw njaje kə nangə̂ baa. A bbasinɛn, ə-turuje rɔse kə rɔ nje-ngəm nɛ̂n-kuulje tə̂, ne kə̂ n̂-to nje-ngəm kəwn ləse le.

1 Piyɛr 4:15

Maji karə marə dəw kâra horose tə̂ oo ndoo mba dəw kə̂ n̂-tɔlɛ̂ ang, mba bboko ang, mba nɛ̂n-dda kə̂ maji ang ang, mba kula tɛɛ̂ tar tə̂ lə dəwje ang.

1 Piyɛr 5:2

Ddəw kâra baa tokə njê-ngəmje nɛ̂n-kuulje, maji karə ə-ngəmje dəwje kə̂ banya kə̂ Lubba inyade mə jise tə̂ le kə majɛ̂. Lubba ndiki karə ə-ngəmjede kə mə-ndiki ləse njaa bbo tokə nɛ̂n kə̂ duwase kə singa bba karə ə-ddaje nɛ̂ɛnn le ang. Ə-ddaje nɛ̂ɛnn le mba kinga nɛ̂n narɛ ang. Maji karə ə-ddaje kə mə-kâra.