1 Timɔte 2:8 - Dɔnɔn kə̂ Siki: Tar kə̂ aw arə təbbə

⁸ Yeenn a, m-ndiki karə dingawje dujuje Lubba kə lo tɔyn, dulaje jide kə darâ kə mə kə̂ nda kayn kə wungu ang ddəm kə kəjə kɔl ang ddəm.

Maketuru le Lubba ke tar kabba

⁸ Yeenn a, m-ndiki ta kare dingawje dujuje Lubba ke lo tɔyn, dulaje jide ke darâ ke me ke nda kayn, ke wungu ang ddem ke mayn̂-tar ang ddem.

1 Timɔte 2:8 Iomraidhean Croise

Matiye 21:21

Jeju pa arəde nan: «M-pa tar kə̂ tɔkɔrɔ marəse. Bbo mə-kunn ləse to ngaâ əjəje tar dang ang a, â ddaje nɛ̂n kə̂ m-dda kə kakə pigə nəənn. Â kasəje ta pa karə ddingiri nəənn nan: ‹Ɔtu lo tə̂ nəənn aw oso mə ba tə̂› a, nɛ̂ɛnn a ddee to nɛ̂n kə̂ tɔkɔrɔ.

Matiye 5:44

A əman, m-pa marəse: Ə-ndikije njê-baanje ləse ngaâ ə-dujuje Lubba mba dəwje kə̂ aw ulaje kəmse ndoo.

Matiye 6:12

Ɔru tar majang ləje dɔje tə̂, tokə jeje kara jaw jɔru tar dɔ dəwje tə̂ kə̂ ddaje majang kə je tɔ.

Luku 23:34

Jeju pa nan: «Bɔy, ɔru tar dɔde tə̂, mba n̂-gərəje nɛ̂n kə̂ daw ddaje ang.» N̂-ddɔje mbari n̂-kaynje nɛ̂n naan kubbuje laa.

Luku 24:50

Goe tə̂ a, Jeju ɔrude aw kə de ər kə Betani, nula jia kə taar ngaâ n̂-bbar tar kə̂ maji dɔde tə̂.

Tar kə̂ Maji kə̂ Jan dda makəturu tə̂ 4:21

Jeju ilɛ̂ tə̂ nan: «Dɛnɛ̂n, ə-ndiki tar tə̂ ləm: Kar aw ddee kə̂ â kawje dɔ ddingiri tə̂ toonn ang ddəm a kawje Jerujalɛm bba ta polo Bɔy ang ddəm.

Kulaje 10:2

Ne de kə njê kə̂ kəy laa tɔyn daw bbəəlje Lubba, naw numan Jiipije kə̂ toje to njê-ndooje ddəm naw duju Lubba kə kar tɔyn ddəm.

Kulaje 10:31

ngaâ pa nan: ‹Kɔrnɛy! Lubba oo duju kə̂ ə-duje ngaâ ole məɛ̂ dɔ nɛ̂nje tə̂ kə̂ aw arə njê-ndooje.

Kulaje 10:4

Kɔrnɛy le ɛɛ̂ kə kəm bbəəl ngaâ pa nan: «Əbbə-dəwje, nan ddi wa?» Anjə le pa arɛ̂ nan: «Lubba oo duju ləi kə kuman kə̂ aw uman njê-ndooje. Məɛ̂ oy dɔi ang.

Kulaje 21:5

Ndɔ le asə ngaâ junn ddəw ta kɔtu a, dəwje tɔyn dannjeje, dede kə dɛnɛ̂nje ləde kə ngannde ndərəng n̂-teeje kə je mə bbe tə̂ le ddaka. Jungu məkəjə-gɔlje nangə̂ ta ba-katə tə̂ ngaâ n̂-duju Lubba.

Kulaje 7:60

Goe tə̂ a, Etiyɛnn le ungu məkəjə-gɔlɛ̂ nangə̂ ngaâ uru əkii kə taar nan: «Əbbəmje, unda tar majang nəənn dɔde tə̂ ang.» Go tar tə̂ənn njaa a, noy.

1 Kɔrɛntinyɛje 1:2

jula kə makəturu nəənn jarə njê-mə-kunnje kə̂ mə Egilisi tə̂ lə Lubba kə̂ bbe tə̂ kə̂ Kɔrɛntə ddəm jarə dəwje kə̂ Lubba bbarde ddəw tə̂ lə Jeju-Kristə ngaâ undade dang arə n̂-toje to njê-mə-ndaje ddəm. Jula kə makəturu nəənn jarə dəwje tɔyn kə̂ aw bbarje ri Əbbəjeje Jeju-Kristə loje tə̂ tɔyn. Jeju-Kristə kə̂ to Əbbədede ddəm Əbbəjeje ddəm.

1 Kɔrɛntinyɛje 7:7

M-ndiki karə dəwje tɔyn toje tokə əman. A dəwje kâra kâra tɔyn ingaje gusu dang dang ji Lubba tə̂. Narə marə dəwje gusu kə̂ be, a narə marɛ̂je gusu kə̂ be.

2 Kɔrɛntinyɛje 2:14

Jarəje wooyo Lubba, kə̂ dda arə ddəw tə̂ lə Kristə jee horo dəwje tə̂ kə̂ aw ɔsuje nja kə go kulɛ̂ go Kristə tə̂ kə̂ tətə ddɔ le. Ddəw tə̂ ləje, narə dəwje gərəje Kristə loje tə̂ tɔyn, tokə yambo kə̂ banyɛ̂ taa lo tɔyn.

Pilipinyɛje 1:12

Ngakɔnʼmje, m-ndiki karə ə-gərəje to nɛ̂n kə̂ ingam le təl dda arə Tar kə̂ Maji aw kə kete kete.

1 Tesalonisinyɛje 1:8

Mba tar lə Əbbə-dəwje in bbeê ləse bba tee Maseduwann kə nangə tə̂ kə̂ Akay. Ngaâ, dəwje ooje tam məse kə̂ unnje arəje Lubba le kə lo tɔyn, yeenn a, ja təl pa tar dɔɛ̂ tə̂ ang ngaa.

1 Timɔte 5:14

Yeenn bba m-ndiki karə dɛnɛ̂n-ndubbaje kə̂ naynje kə̂ singade bbay taaje ngaw, maji karə dujuje ngannje. N̂-tɔjuje ddəw kə̂ maji njê kə̂ mə kəy tə̂ ləde. Baann bba njê-baanje a kingaje ddəw ta nanɛn kə je ang.

Titə 3:8

Tar nəənn to tar kə̂ asə karə dəw unda məɛ̂ dɔɛ tə̂. M-ndiki ta karə ar dɔɛ tə̂ nya, mba karə dəwje tɔyn kə̂ undaje məde dɔ Lubba tə̂ unnje rɔde mba dda kulaje kə̂ maji uta. Yeenn to nɛ̂n kə̂ kura ngaâ aw dda maji kə dəwje.

Ebərəje 10:22

Yeenn a, maji karə n-ddeeje ngɔsi kə Lubba kə mə-kâra ddəm junnje məje tɔyn njaa jarɛ̂je ddəm. Mba məje le, n̂-toko kəjəje kə̂ maji ang kə̂ toje tə̂ kə ddang. Ngaâ da-rɔje le, maann kə̂ maji â n̂-toko nɛ̂n.

Jakə 4:8

Ə-ddeeje ngɔsi kə Lubba a, nâ ddee ngɔsi kə se tɔ. Ə-tokoje jise, see njê-nɛ̂n-ddaje kə̂ maji ang, arəje məse nda kayn, see dəwje kə̂ kəjə ləse to lo kâra ang.

1 Piyɛr 3:7

See dingawje, sese kara, maji karə kisi tə̂ ləse kə dɛnɛ̂nje ləse, ə-gərəje to dɛnɛ̂n to tokə ka kə̂ tɔ laa ɔn ang. Maji karə ə-waljede, mba dâ kingaje kə se təbbə kə̂ tɔkɔrɔ kə̂ Lubba a karəse kə mə-maji laa le tɔ. Baann bba karə bbo aw dujuje Lubba a, marə nɛ̂n ɔku ddəwe ang.