1 Timɔte 2:5 - Dɔnɔn kə̂ Siki: Tar kə̂ aw arə təbbə

⁵ Mba Lubba kâra baa, nje-gɔl-tar horo Lubba tə̂ kə dəwje kâra baa tɔ. N̂-to dəw, Jeju-Kristə,

Maketuru le Lubba ke tar kabba

⁵ Mba Lubba kara baa, *nje-gɔl tar horo Lubba te ke dewje kara baa tɔ. N̂-to dew, Jeju-Kiriste,

1 Timɔte 2:5 Iomraidhean Croise

Matiye 1:1

Ri gəl-dəwje kə̂ ujuje Jeju-Kristə tokə be: Jeju-Kristə to dəw kə̂ gəl Dabbiti tə̂ ngaâ Dabbiti to dəw kə̂ gəl Abaraham tə̂.

Matiye 1:23

«Ngonn mandə kə̂ gərə ngaw ang a kuwa səm, nâ kuju ngonn kə̂ dingaw, ngaâ dâ kunda ria nan Emanuwɛl.» Gəl ri le nan: Lubba isi kə je.

Luku 14:22

Nje-kula le pa nan: ‹Dəw kə̂ tɔkə, m-dda nɛ̂n kə̂ ndui pa le mban, a kəsə lo nayn baa bbay.›

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 17:3

Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Kulaje 4:12

«Ne kâra baa nasə kajije, mba marə ri dang dɔ nangə tə̂ kə̂ Lubba unda dɔ marə dəw tə̂ karə ajije goto.

Rɔmɛnje 1:3

Tar kə̂ Maji le to tar lə Ngonnɛ̂. Ddəw kuju tə̂, n̂-to ngonn-ka tɔkə mbay Dabbiti.

Rɔmɛnje 10:12

Yeenn a, Jiipije kə Gɛrɛkəje toje to dəwje kə̂ kâra baa. Əbbədede kâra baa, naw narə nɛ̂nje kə̂ maji dəwje tɔyn kə̂ aw bbarɛ̂je.

1 Kɔrɛntinyɛje 8:4

Yeenn a, ja kasəje ta kusa daje kə̂ n̂-polo nɛ̂n kɔrje wa? N-gərəje kə majɛ̂ to kɔr goto dɔ nangə tə̂ ngaâ Lubba kâra baa bbo marə lubba dang to ang.

1 Kɔrɛntinyɛje 8:6

A əngaje, Lubba to kâra baa, Lubba kə̂ bɔ kə̂ dda nɛ̂nje tɔyn arə jisije kə təbbə mba tar laa. Ngaâ Əbbə-dəwje kâra baa. To Jeju-Kristə kə̂ dda nɛ̂nje tɔyn arə jisije kə təbbə ddəw tə̂ laa.

Galatəje 3:20

Nje-gɔl-tar to mba dəw kâra baa ang. A Lubba kâra baa.

Epɛjinyɛje 4:6

Lubba kâra baa to Bɔ dəwje tɔyn. Nɔn dɔ dəwje tɔyn, naw dda kula ddəw tə̂ lə dəwje tɔyn, nee mə dəwje tə̂ tɔyn.

1 Timɔte 6:13

Munn ndu nəənn mari nɔn gɔl Lubba tə̂ kə̂ arə təbbə nɛ̂nje tɔyn ddəm nɔn gɔl Jeju-Kristə tə̂ kə̂ pa tar-naji kə̂ tɔkɔrɔ nɔn gɔl Pɔnsə Pilatə tə̂ ddəm.

Ebərəje 12:24

Ə-ddeeje ngɔsi mban kə Jeju kə̂ to nje-gɔl-tar dɔnɔn kə̂ siki ddəm ngɔsi kə məsə Jeju kə̂ kayn nangə̂ ngaâ aw pa tar maji nya uta məsə Abɛl ddəm.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

Ebərəje 8:6

A bbasinɛn kula kə̂ uta ənga kəsə njê-poloje Lubba â darə Jeju, mba n̂-to nje-gɔl-tar dɔnɔn kə̂ maji uta ye kə̂ kete. Mə dɔnɔn tə̂ kə̂ siki le, Lubba unn ndue ta karə dəwje laa nɛ̂nje kə̂ maji nya uta yeje kə̂ mə dɔnɔn tə̂ kə̂ ləw le.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

1 Jan 2:1

Ngannəm, m-pa tar nəənn makəturu tə̂ marəse mba karə ə-ddaje majang ang. A bbo marə dəw dda majang a, jee kə Nje-taa dɔ dəwje mbɔr Bɔy tə̂. Ria nan Jeju-Kristə kə̂ to gatə gatə.

Apokalisi 1:13

Horo nɛ̂n-kunda lambeje tə̂ le, moo marə nɛ̂n kə̂ unn da-rɔ dəw. Nula kubbu kə̂ ngal ngaâ n̂-tɔ karɛ̂ kə nɛ̂n-kuwa-bbər kə̂ n̂-dda kə andə-narɛ.