1 Timɔte 2:1 - Dɔnɔn kə̂ Siki: Tar kə̂ aw arə təbbə

¹ Nɛ̂n kə̂ maw ndəjəse ta karə ə-ddaje dɔngɔrɛ̂ â to karə ə-dujuje nɛ̂nje ji Lubba tə̂, karə ə-paje tar kə Lubba, ə-ddaje rɔse to ndoo nɔn Lubba tə̂ ngaâ ə-təlje kə wooyo arəje Lubba mba dəwje tɔyn.

Maketuru le Lubba ke tar kabba

¹ Yeenn a, ne ke m-ndejese ta kare e-ddaje dɔngɔr a to kare dewje dujuje ne ji Lubba te, paje tar ke Lubba, ddaje rɔde to ndoo nɔ Lubba te ngaa telje ke wooyo are Lubba wɔju dɔ dewje tɔyn.

1 Timɔte 2:1 Iomraidhean Croise

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

Rɔmɛnje 1:8

Dɔngɔr nɛ̂n, marə wooyo Lubba ləm ddəw tə̂ lə Jeju-Kristə mbase tɔyn, mba dəwje kə̂ dɔ nangə tə̂ tɔyn aw paje tar mə-kunn ləse.

Rɔmɛnje 6:17

A wooyo arə Lubba, mba sese kə̂ ləw ə-toje to bbərəje lə majang le bbasinɛn ə-ddaje kula kə mə-kâra ddəw nɛ̂n-tɔju tə̂ kə̂ maji kə̂ n̂-tɔjuse.

1 Kɔrɛntinyɛje 15:3

Nɛ̂n kə̂ m-tɔjuse dɔngɔr le, to nɛ̂n kə̂ əman njaa n̂-tɔjum: Kristə le oy mba majang ləje tokə makəturu lə Lubba pa kete le.

2 Kɔrɛntinyɛje 8:6

Mba yeenn bba, n-duju Titə nya karə dda kula mə-maji kə̂ nunn kute bbeê ləse nəənn le ndərəng nɔsu kɔnyɛ̂.

Epɛjinyɛje 3:13

Mba yeenn bba, m-dujuse karə rɔse oy njururu mba ndoo kə̂ maw moo mbase le ang. Yeenn to nɛ̂n kə̂ a karəse piti.

Epɛjinyɛje 5:20

Maji karə arəje wooyo Lubba kə̂ Bɔ kə kar tɔyn mba nɛ̂nje tɔyn kə ri Əbbəjeje Jeju-Kristə.

Epɛjinyɛje 6:18

Mə karje tə̂ tɔyn arəje Ndil tɔjuse ddəw kə̂ â dujuje nɛ̂n Lubba. Maji karə ə-tibbije ang ngaâ ə-dujuje Lubba nya mba njê-mə-kunnje.

Pilipinyɛje 1:3

Kar tɔyn njaa bbo maw məjə tar ləse a, maw marə wooyo Lubba ləm.

Pilipinyɛje 4:6

Maji karə əjəje tar mba marə nɛ̂n kâra ang. A mə nɛ̂nje tə̂ tɔyn, ə-dujuje Lubba nɛ̂n kə̂ ə-ndikije. A duju tə̂ kə̂ aw dujeje le arɛ̂je wooyo tɔ.

1 Tesalonisinyɛje 3:12

Maji karə Əbbə-dəwje dda arə ndiki kə̂ aw ndikije naan kə ndiki kə̂ aw ndikije nɛ̂n dəwje tɔyn aw kə kete kete, tokə ndiki kə̂ jaw ndikise le tɔ.

2 Tesalonisinyɛje 1:3

Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.

1 Timɔte 2:4

Lubba kə̂ ndiki karə dəwje tɔyn ingaje kaji ddəm ndiki karə dəwje tɔyn gərəje nɛ̂n kə̂ tɔkɔrɔ ddəm.

1 Timɔte 5:5

Dɛnɛ̂n-ndubba kə̂ isi kə karɛ̂ baa ngaâ nje-kaa lo kə dɔɛ̂ tə̂ goto, unda məɛ̂ kə̂ dɔ Lubba tə̂. Nəw ta dda rɔɛ̂ to ndoo rɔ Lubba tə̂ ang, naw duju Lubba, til kə kar.

2 Timɔte 2:24

Maji karə nje-kula lə Əbbə-dəwje to nje-kɔl kə dəw ang. A maji karə n̂-to dəw kə̂ dəwje ndiki tar laa, maji karə nasə ta tɔju nɛ̂n ngaâ daw pa saa a, n̂-tɔ wure.

Titə 2:11

Mba Lubba tɔju mə-maji laa kə̂ to ddəw kə̂ dəwje tɔyn asəje ta kinga nɛ̂n kaji.

Titə 3:2

Maji karə n̂-tajije dəw ang, n̂-toje to njê-ddɔje kə dəw ang, maji karə n̂-toje to njê-mə-majije. Maji karə n̂-toje to dəwje kə̂ wul pee kə dəwje tɔyn kə ndɔ tɔyn.

Ebərəje 6:11

A nɛ̂n kə̂ n-ndiki to karə bbo kula nəənn le nayn məse tə̂, sese kâra kâra tɔyn ndərəng ɔsu kɔnyɛ̂. Yeenn bba â kingaje nɛ̂nje tɔyn kə̂ aw undaje məse dɔɛ tə̂.

Jakə 5:16

Maji karə ə-paje majang ləse kə ddaka arəje naan, ta ə-dujuje Lubba mba naan arə ta rɔ-toje ləse tunga. Duju Lubba lə dəw kə̂ gatə gatə ee kə singa nya ta dda kula.