1 Timɔte 1:5 - Dɔnɔn kə̂ Siki: Tar kə̂ aw arə təbbə

⁵ Nɛ̂n kə̂ maw sangə ddəw ndu tə̂ kə̂ munn nəənn to karə ə-ndikije naan kə mə kə̂ nda, karə eeje kə kəjə kə̂ maji, karə ooje məse tə̂ tɔkɔrɔ kə Lubba.

Maketuru le Lubba ke tar kabba

⁵ Ne ke maw m-sange ddew ndu te ke munn neenn to kare e-ndikije naa ke me ke nda, kare eeje ke keje ke maji, kare ooje mese te tɔkɔrɔ ke Lubba.

1 Timɔte 1:5 Iomraidhean Croise

Matiye 12:35

Dəw kə̂ maji aw tee kə nɛ̂nje kə̂ maji kə̂ toje məɛ̂ tə̂ kə̂ maji kə ddaka. A dəw kə̂ maji ang aw tee kə nɛ̂nje kə̂ maji ang kə̂ toje məɛ̂ tə̂ kə̂ maji ang kə ddaka tɔ.

Matiye 5:8

Maji arəse, see dəwje kə̂ məse nda kayn, mba â kooje Lubba.

Kulaje 15:9

Nɔru kəmde dang kə jeje ang. Lubba toko məde mba mə-kunn ləde.

Kulaje 23:1

Pɔl aa kəm njê-gangəje sariya kə̂ uwaje dɔ naan le ngaâ pa nan: «Ngakɔnʼmje, kəjə kə̂ maji â maw nja nɛ̂n nɔn Lubba tə̂ ndərəng bbokənɛn nəənn.»

Kulaje 24:16

Yeenn bba, kə̂ ndɔ tɔyn maw sangə ddəw karə kəjə kə̂ maji dɔrɔ â to məm tə̂ nɔn Lubba tə̂ ddəm nɔn dəwje tə̂ ddəm.

Rɔmɛnje 10:4

Mba Kristə dda arə Ndu lə Mɔyijə ɔsu kɔyn mban. Baann bba karə dəw kə̂ unn məɛ̂ a, ddee gatə gatə kəm Lubba tə̂.

Rɔmɛnje 12:9

Maji karə ə-ndikije dəwje kə mə-kâra. Maji karə ə-mbətəje nɛ̂n kə̂ maji ang, nɛ̂n kə̂ maji dɔrɔ â ə-ddaje.

Rɔmɛnje 14:15

Bbo ə-dda arə rɔ ngokɔin nəəle ang mba nɛ̂n kə̂ naw nusa a, yeenn tɔju to aw dda nɛ̂n ddəw ndiki tə̂ ang ngaa. Maji karə ə-dda arə ngokɔin kə̂ Kristə oy mba tar laa tuju mba nɛ̂n-kusa ang.

Rɔmɛnje 9:1

Ddəw mə-kâra tə̂ kə̂ m-dda kə Kristə le, tar kə̂ tɔkɔrɔ â maw pa bbo mərə ngəm ang. Ndil-mə-nda ɔn dɔm arə kəjə ləm tɔjum to maw pa tar kə̂ tɔkɔrɔ.

1 Kɔrɛntinyɛje 13:1

Bbo maw pa tar kə ndɔn-tarje kə̂ dəwje aw paje wase anjəje aw paje ngaâ ndiki goto məm tə̂ a, m-to tokə dalɛ kə̂ aw bbar baa wase gan sambe kə̂ daw tunda.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

1 Timɔte 1:18

Ngonnəm Timɔte, ndu kə̂ maw minya mə jii tə̂ nəənn, ar dɔ tar tə̂ kə̂ njê-kilaje mbər tar lə Lubba paje dɔi tə̂ ləw le. Maji karə tarje nəənn ari singa arə ə-dda nɛ̂n ddɔ kə̂ maji,

1 Timɔte 1:19

ddəw kunda məi dɔ Lubba tə̂ kə ddəw ngəm kəjə kə̂ maji tə̂. Marə dəwje kə̂ ooje məde tə̂ mban ngaâ eeje kə kəjə kə̂ maji le təlje inyaje kəjə kə̂ maji le ngaâ dosoje ddəw mə-kunn tə̂ ləde.

1 Timɔte 3:9

Maji karə tar mə-kunn kə̂ Lubba tee nɛ̂n kə ddaka le n̂-ngəmje kə kəjə kə̂ maji.

2 Timɔte 1:3

Marə wooyo nya Lubba kə̂ maw pole kə kəjə kə̂ maji tɔyn go kamjedede tə̂. Kar tɔyn kə̂ maw duju Lubba, maw pa saa tar mbai til kə kar.

2 Timɔte 1:5

Maw mole məm dɔ məi tə̂ kə̂ unn tokə tɔkɔrɔ le. To mə-kunn kə̂ Loyis kə̂ to kaije kə̂ dɛnɛ̂n kə kɔinje Ənis deeje nɛ̂n kete. Məjə tokə əi njaa kara unn məi tokə baann tɔ.

2 Timɔte 2:22

Ayn nɛ̂nje kə̂ maji ang kə̂ bboe aw dda basanje. Ə-sangə ddəw ta to gatə gatə, uwa mə-kunn ləi arə ngəng, ə-ndiki dəwje, arə mə-wul-lɔm to hori tə̂ kə dəwje kə̂ aw dujuje Əbbə-dəwje kə mə-nda.

Titə 1:15

Dəwje kə̂ nɛ̂n-yərəw ɔrude ang, nɛ̂n tɔyn to nɛ̂n-yərəw mbade ang. A dəwje kə̂ nɛ̂n-yərəw to məde tə̂ ngaâ mbətəje ta kunn məde, nɛ̂n kâra maji mbade ang, mba nɛ̂n-yərəw tuju nɛ̂n-gərə ləde ddəm kəjə ləde ddəm.

Ebərəje 10:22

Yeenn a, maji karə n-ddeeje ngɔsi kə Lubba kə mə-kâra ddəm junnje məje tɔyn njaa jarɛ̂je ddəm. Mba məje le, n̂-toko kəjəje kə̂ maji ang kə̂ toje tə̂ kə ddang. Ngaâ da-rɔje le, maann kə̂ maji â n̂-toko nɛ̂n.

Ebərəje 13:18

Maji karə ə-dujuje Lubba mbaje. Mba n-gərə to kəjə ləje to kə majɛ̂ bbo jɔkuje ang ngaâ n-ndiki karə pa-nja ləje to kə majɛ̂ mə nɛ̂nje tə̂ tɔyn.

Ebərəje 9:14

Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.

Jakə 4:8

Ə-ddeeje ngɔsi kə Lubba a, nâ ddee ngɔsi kə se tɔ. Ə-tokoje jise, see njê-nɛ̂n-ddaje kə̂ maji ang, arəje məse nda kayn, see dəwje kə̂ kəjə ləse to lo kâra ang.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 3:16

A maji karə ilaje tar tə̂ le kə ndu-gɔsu kə̂ wul pee ddəm ddəw bbəəl naan tə̂ ddəm ta arəje kəjə ləse to kə majɛ̂. Yeenn bba karə rɔ-kul dda dəwje kə̂ aw undaje tar dɔse tə̂ mba marə nɛ̂n ddəm aw nanɛn kə̂ se ddəm mba pa-nja ləse kə̂ maji ddəw tə̂ lə Kristə le.

1 Piyɛr 3:21

Yeenn to nɛ̂n kə̂ tɔju batɛm kə̂ aw ajise bbasinɛn le. Batɛm to nɛ̂n kə̂ aw toko nɛ̂n-yərəw kə̂ da-rɔ tə̂ ang. To kunn rɔ ta dda kə Lubba kə kəjə kə̂ maji. Batɛm le ajise ddəw ndol tə̂ kə̂ Jeju-Kristə ndol buwa-yo tə̂.

1 Piyɛr 4:8

Dɔngɔr nɛ̂n, arəje ndiki naan ləse to kə lo-toe, mba ndiki ɔnn dɔ majangje nya.

2 Piyɛr 1:7

ngəm-rɔ mba Lubba le, ilaje ndiki naan tokə ngakɔn-naan njaa dɔɛ̂ tə̂. Ndiki naan tokə ngakɔn-naan le, ilaje ndiki dəwje tɔyn dɔɛ̂ tə̂.

1 Jan 3:10

Nɛ̂n kə̂ kayn horo ngann lə Lubba kə ngann lə Əsu â nəənn: Dəw kə̂ to nje-nɛ̂n-dda kə̂ gatə gatə ang wase dəw kə̂ mbətə ngokɔɛ̂n to dəw lə Lubba ang.

1 Jan 3:23

A ndu laa kə̂ narəje tokə be: Maji karə jooje məje tə̂ kə ri Ngonnɛ̂ Jeju-Kristə ngaâ n-ndikije naan horo naan tə̂ ddəw kâra baa kə ndu kə Kristə unn arəje le.

1 Jan 3:3

Dəw kə̂ unda məɛ̂ dɔ Kristə tə̂, toko nɛ̂n-yərəw laa kə ddang tokə Kristə kə̂ nɛ̂n-yərəw kâra ɔrɛ̂ ang le.