1 Timɔte 1:4 - Dɔnɔn kə̂ Siki: Tar kə̂ aw arə təbbə

⁴ Ə-pa arə njê-nɛ̂n-tɔjuje kə̂ tɔkɔrɔ ang le arə dinya ddəw kunda kəjə ləde dɔ gəl nɛ̂nje tə̂ kə̂ ləw kə̂ to kə ddəwe ang kə kɔru gəl-kuju kadede kə̂ kɔnyɛ̂ goto. Nɛ̂njeenn aw ddeeje kə mayn naan tar baa, bbo dda nɛ̂n kə̂ Lubba gɔl mbaje ang. Ddəw mə-kunn tə̂ bba dəw gərə nɛ̂n nɛ̂n kə̂ Lubba gɔl le.

Maketuru le Lubba ke tar kabba

⁴ E-pa are nje-ne-tɔjuje ke ke dɔgɔle ang le are dɔru keje lede dɔ gel neje te ke lew ke to ke ddewe ang, ke tar kɔru gel kadede ke ngal nya ngaa kɔen goto. Nejeenn aw ddeeje ke mayn naa tar baa bbo dda me-kara ke ne ke Lubba mɔse wɔju dɔje ang. Dew a gere ne ke Lubba mɔse le ddew me-kunn te.

1 Timɔte 1:4 Iomraidhean Croise

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

Epɛjinyɛje 3:2

Məjə to ooje tar kula kə̂ Lubba inya jim tə̂ ddəw mə-maji tə̂ laa mbase le njaa.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

1 Timɔte 4:7

Maji karə ə-mbətə əsu ngəmje kə̂ dəwje aw ɔruje kə̂ toje dang kə nɛ̂n-tɔju lə njê-mə-kunnje. Ə-sangə ddəw ta kunn rɔi karə Lubba.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

1 Timɔte 6:20

Timɔte, maji karə ə-ngəm nɛ̂n kə̂ Lubba inya mə jii tə̂ le kə majɛ̂. Ə-mbətə bulaje kə̂ baa baa kə̂ aw tila kəm tar lə Lubba. Nɛ̂njeenn le inje ddəw nɛ̂n-gərə tə̂ kə̂ dəwje ooje to nɛ̂n-gərə kə̂ tɔkɔrɔ.

2 Timɔte 2:14

Maji karə ole mə dəwje dɔ nɛ̂nje tə̂ənn tɔyn. Ə-dujude kəm Lubba tə̂ karə n̂-mbətəje ta kɔl naan dɔ marə kandə tarje tə̂. Kɔl dda marə nɛ̂n kâra arə dəw ang, kɔl aw tuju dəwje kə̂ aw tukaje mbide aw ooje.

2 Timɔte 2:22

Ayn nɛ̂nje kə̂ maji ang kə̂ bboe aw dda basanje. Ə-sangə ddəw ta to gatə gatə, uwa mə-kunn ləi arə ngəng, ə-ndiki dəwje, arə mə-wul-lɔm to hori tə̂ kə dəwje kə̂ aw dujuje Əbbə-dəwje kə mə-nda.

2 Timɔte 2:23

A ə-mbətə mayn-tar kə̂ baa kə mayn-tar mbə. Ə-gərə to mayn-tar kə̂ baann aw uju kɔl.

2 Timɔte 4:4

Dâ kutuje mbide karə tar kə̂ tɔkɔrɔ ngaâ dâ tukaje mbide ta koo nɛ̂n əsuje kə̂ ləw kə̂ to tar kə̂ tɔkɔrɔ ang.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

Titə 1:14

Ə-ndangəde arə daaje lo kə tar ngəmje tə̂ kə̂ ləw kə̂ Jiipije aw turaje ang ddəm daaje lo kə nduje tə̂ lə dəwje kə̂ turuje giride arə tar kə̂ tɔkɔrɔ le ang ddəm.

Titə 3:9

A ə-mbətə kuru gəl nɛ̂nje kə̂ baa baa, Gəl-kuju dəwje kə mayn naan tarje kə̂ baa kə koo-ta-naan ang ɔju dɔ ndu: To nɛ̂nje kə̂ dda maji kə dəw ang ddəm to nɛ̂nje kə̂ baa ddəm.

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.

2 Piyɛr 1:16

Kar tə̂ kə̂ n-tɔjuse tar ddee kə̂ Əbbəjeje Jeju-Kristə a ddee kə singa-mɔngu le, jar dɔ tarje tə̂ kə̂ kura kura kə̂ dəwje əjəje kə dɔde baa bba n-tɔju nɛ̂n se ang. Joo tɔkə-mbangə laa kə kəmje njaa.