1 Timɔte 1:3 - Dɔnɔn kə̂ Siki: Tar kə̂ aw arə təbbə

³ Maji karə ə-nayn Epɛjə ddəw ndu tə̂ kə̂ munn mari kar tə̂ kə̂ maw nɛ̂n kə Maseduwann le. Mə bbe tə̂ kə̂ Epɛjə le, marə dəwje aw tɔjuje nɛ̂n kə dɔgɔlɛ̂ ang. Maji karə ə-gangəde ddəwe tə̂.

Maketuru le Lubba ke tar kabba

³ Maji kare e-nayn bbe te ke Epeje ddew kara baa ke ndu ke munn mari kare te ke maw ne ke Maseduwane. Me bbe te ke Epeje le, mare dewje aw tɔjuje ne ke dɔgɔle ang. Maji kare ta e-gangede ddewe te.

1 Timɔte 1:3 Iomraidhean Croise

Kulaje 18:19

Daw teeje Epɛjə. Pɔl inya Pirisil de kə Akilas lo tə̂ənn ngaâ ɔtu aw kəy mbɔn-naan tə̂ lə Jiipije aw pa tar kə de.

Kulaje 18:21

Nâ ta kinyade a, n̂-ndəjəde nan: «Bbo Lubba ndiki a, mâ təl rɔse tə̂ marə ndɔ.» Yeenn ngaâ nunn tɔkə to Epɛjə nɔtu.

Rɔmɛnje 15:26

Mba njê-mə-kunnje kə̂ Maseduwann ddəm njê kə̂ Akay ddəm ndikije ta mbɔn nɛ̂n kuman nɛ̂n njê-mə-kunnje kə̂ Jerujalɛm kə̂ toje to njê-ndooje.

Rɔmɛnje 16:17

Ngakɔnʼmje, nɛ̂n kə̂ mâ dujuse â nəənn: Aaje rɔse rɔ dəwje tə̂ kə̂ aw ddaje arə njê-mə-kunnje aw tinje naan. Dâ paje tar kə̂ to dang kə nɛ̂n-tɔju kə̂ n-tɔjuse ngaâ dâ ddaje karə njê-mə-kunnje osoje mə majang tə̂. Aynjede,

2 Kɔrɛntinyɛje 11:4

Mba bbo marə dəw ddee aw ila mbər tar lə marə Jeju dang kə Jeju kə̂ n-pa tar laa jarəse le wase ə-taaje marə ndil dang kə Ndil kə̂ ingaje dɔngɔr le wase n̂-ddee kə marə tar kə̂ maji dang kə ye kə̂ ə-taaje dɔngɔr le a, aw ndikije tə̂ saa kə majɛ̂.

Epɛjinyɛje 4:14

Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.

Pilipinyɛje 2:24

M-gərə to ddəw tə̂ lə Əbbəjeje, əman njaa kara, mbɔr ang a, mâ tee horose tə̂ tɔ.

1 Timɔte 4:11

Nɛ̂ɛnn â maji karə unn ndu dɔɛ̂ tə̂ ngaâ ə-tɔjude.

1 Timɔte 4:6

Bbo ə-tɔju nɛ̂nje kə̂ m-pa mari nəənn njê-mə-kunnje a, â to nje-kula lə Jeju-Kristə kə̂ tɔkɔrɔ. Baann bba, â tɔju to ə-to dəw kə̂ aw ubba singa ddəw tar mə-kunn tə̂ ddəm ddəw nɛ̂n-tɔju tə̂ kə̂ tɔkɔrɔ kə̂ unn goe le ddəm.

1 Timɔte 5:7

Yeenn le â to nɛ̂n kə̂ ta karə ə-ndəjəde mbɛɛ̂ karə tar to dɔde tə̂ ang.

1 Timɔte 6:10

Mba, bbo narɛ â to ngira nɛ̂nje kə̂ maji ang tɔyn. Marə dəwje kə̂ isije kə bbo narɛ inyaje mə-kunn ləde ddəw əw. Yeenn bba dede njaa n̂-darje dɔde nɛ̂n kəm-to-ndooje tə̂ dang dang.

1 Timɔte 6:17

Maji karə unn ndu arə njê-nɛ̂n-kingaje kə̂ bbokənɛn nəənn arə dɔsuje gaji rɔde baa ang. Maji karə dundaje məde kə dɔ nɛ̂n-kingaje tə̂ ang, mba to nɛ̂nje kə̂ a ndayje. A maji karə dundaje məde dɔ Lubba tə̂ kə̂ aw arəje nɛ̂n tɔyn arə uta dɔɛ̂ karə jisi nɛ̂n kə majɛ̂.

1 Timɔte 6:3

Bbo dəw tɔju nɛ̂nje kə̂ to kə dɔgɔlɛ̂ ang kə̂ to dang kə tarje lə Əbbəjeje Jeju-Kristə kə̂ to tar kə tɔkɔrɔ le ddəm to dang kə tar mə-kunn a,

2 Timɔte 1:18

Maji karə Əbbə-dəwje oo kəm-to-ndoo laa ndɔ tə̂ kə̂ Lubba a gangə nɛ̂n sariya. Ə-gərə nɛ̂nje kə̂ maji tɔyn kə̂ n̂-dda səm Epɛjə le kə majɛ̂.

2 Jan 1:7

Njê-kərəje dəwje tokə banya taaje lo dɔ nangə tə̂. N̂-paje nan Jeju-Kristə unn da-rɔ dəw bba ddee nɛ̂n ang. Dede le n̂-toje to njê-kərəje dəwje kə njê-baanje lə Kristə.

Apokalisi 2:14

A marə nɛ̂nje kə̂ m-mbətə səi â nəənn: Marə dəwje kə̂ unnje go nɛ̂n-tɔju lə Balaam eeje rɔi tə̂ənn. Ləw, Balaam le tula Balak karə nərə ngann Ijarayɛlje narə usaje da kə̂ n̂-polo nɛ̂n kɔrje ngaâ karə n̂-ddaje nɛ̂n-kayaje.

Apokalisi 2:20

A nɛ̂n kə̂ m-mbətə səi â to kinya kə̂ inya Jejabɛl kə̂ dda rɔɛ̂ to nje-kila mbər tar lə Lubba arə tɔju ddəw kə̂ maji ang njê-kulaje ləm. Nərəde narə n̂-ddaje kaya ngaâ dusaje da kə̂ n̂-polo nɛ̂n kɔrje.