1 Timɔte 1:20 - Dɔnɔn kə̂ Siki: Tar kə̂ aw arə təbbə

²⁰ Imene de kə Alɛkəjandərə deeje horo dəwje tə̂ənn le. Minyade mə ji Satan tə̂ karə ta n̂-ndoje ta təl taji Lubba ang ngaa.

Maketuru le Lubba ke tar kabba

²⁰ Imene de ke Alekejandere deeje horo dewje teenn le. Minyade me ji Esu te kare ta n̂-ndoje ta tel taji Lubba ang ngaa.

1 Timɔte 1:20 Iomraidhean Croise

Matiye 18:17

Bbo n̂-mbətə ta koo ndəjə ləde a, ə-pa tarɛ̂ arə Egilisi. Bbo n̂-mbətə ta koo ta Egilisi tɔ a, maji karə ooe to dəw kə̂ gərə Lubba ang wase tokə lə nje-taa narɛ lambo.

Kulaje 13:45

Jiipije ooje dəwje kə̂ banya le a, mə ddade. N̂-paje tar kə̂ aw tila kəm tar lə Pɔl ngaâ n̂-tajɛ̂je.

Kulaje 19:33

Jiipije utaje Alɛkəjandərə kə kete ngaâ marə dəwje horo dəwje tə̂ kə̂ banya le ɔruje gəl nɛ̂n le arɛ̂je. Alɛkəjandərə le dda jia arə dəwje le karə lo to ddekeke bba ta kɔru gəl tar karə dəwje kə̂ banya le.

1 Kɔrɛntinyɛje 11:32

A Əbbə-dəwje gangə sariya dɔje tə̂ ngaâ tɔjuje ddəw. Yeenn bba nâ kunda tar dɔje tə̂ ddəw kâra baa kə dəwje kə̂ duninya tə̂ nəənn ang.

2 Kɔrɛntinyɛje 10:6

Bbo sese kə̂ Kɔrɛntə ooje tɛɛ̂ mə nɛ̂nje tə̂ tɔyn a, n-to ngɔsi ta gangə sariya dɔ dəwje tə̂ tɔyn kə̂ mbətəje ta koo tɛɛ̂.

2 Kɔrɛntinyɛje 13:10

Mba yeenn bba, kar kə̂ m-goto horose tə̂ le, m-dda makəturu nəənn marəse, bba karə bbo m-tee horose tə̂ a, m-pa tar kə singa singa kə se ang ngaa. Mba Əbbə-dəwje arəm singa ta dda karə ubbaje singa bbo ta tujuse ang.

2 Tesalonisinyɛje 3:15

Ooeje to nje-baan ləse ang, a maji karə ə-ndɔruje mbia tokə ngokɔnse njaa.

1 Timɔte 5:15

Mba marə dɛnɛ̂n-ndubbaje unnje go Satan ngaâ n̂-ndəəmje ddəw mban.

2 Timɔte 2:14

Maji karə ole mə dəwje dɔ nɛ̂nje tə̂ənn tɔyn. Ə-dujude kəm Lubba tə̂ karə n̂-mbətəje ta kɔl naan dɔ marə kandə tarje tə̂. Kɔl dda marə nɛ̂n kâra arə dəw ang, kɔl aw tuju dəwje kə̂ aw tukaje mbide aw ooje.

2 Timɔte 2:17

Tar-pa ləde to tokə ngɔ-bayn kə̂ usa dəw ngaâ aw kə kete kete. Imene de kə Pilɛtə n̂-toje tokə baann.

2 Timɔte 3:2

Dəwje a toje to njê-nɛ̂n-ndikije, dâ ndikije narɛ nya, dâ boroje ngaâ dâ kooje rɔde bo, dâ tajije Lubba, dâ ddaje dɔ-ngəng kə njê-kujujede, dâ gərəje maji kə̂ n̂-dda kə de ang, dâ bbəəlje nɛ̂n lə Lubba ang.

Ebərəje 12:5

Məse oy dɔ ndəjə kə̂ Lubba arəse tokə dəw aw arə ngannɛ̂ le wa? Ndəjə le nan: «Ngonnəm, bbo Əbbə-dəwje aw undai mba tɔji nɛ̂n ddəw a, oo to nɛ̂n kə̂ baa ang. A bbo n̂-ndɔru mbii a, arə rɔi oy njururu ang.

Apokalisi 13:1

Goe tə̂ a, moo marə da in mə ba-katə tə̂ tee. Gajɛ̂ ee dɔku, a dɔɛ̂ ee siri. Əjɔkudɔ dɔku toje dɔ gajɛ̂je tə̂ le kâra kâra ngaâ n̂-dda rije kə̂ toje to ri taji Lubba dɔɛ̂je tə̂ le kâra kâra tɔyn.

Apokalisi 3:19

Dəwje tɔyn kə̂ m-ndikide, maw təl kə de ddəw tə̂ kə̂ maji ddəm maw tundade ddəm. Yeenn bba, maji karə ə-dda kula le kə mə-kâra ta ə-turu məi.