1 Timɔte 1:2 - Dɔnɔn kə̂ Siki: Tar kə̂ aw arə təbbə

² M-dda makəturu nəənn mula nɛ̂n mari, əi Timɔte kə̂ ə-to ngonnəm kə̂ tɔkɔrɔ, ddəw mə-kunn tə̂. Maji karə Lubba kə̂ Bɔ kə Jeju-Kristə kə̂ to Əbbəjeje n̂-ddaje səi mə-maji, dooje kəm-to-ndoo ləi ngaâ darəje məi wul lɔm.

Maketuru le Lubba ke tar kabba

² M-dda maketuru neenn mari ei Timote ke e-to ngonnum ke tɔkɔrɔ, mba oo mei te ke Kiriste. Maji kare Lubba ke Bɔ, de ke Jeju Kiriste ke to Ebbejeje n̂-ddaje sei me-maji, dooje kem-to-ndoo lei ngaa darije me-wul-lɔm.

1 Timɔte 1:2 Iomraidhean Croise

Rɔmɛnje 1:7

M-dda makəturu nəənn marə sese kə̂ eeje Rɔm, sese tɔyn kə̂ Lubba ndikise ngaâ bbarse arə ə-ddeeje to dəwje laa. Maji karə Bɔjeje Lubba kə Əbbə-dəwje Jeju-Kristə, n̂-ddaje kə se mə-maji ngaâ darəje məse wul lɔm.

Galatəje 1:3

Maji karə Bɔjeje Lubba de kə Əbbə-dəwje Jeju-Kristə n̂-ddaje kə se mə-maji ddəm darə məse wul lɔm ddəm.

1 Tesalonisinyɛje 3:2

Ngaâ jula ngokɔnje Timɔte jarəse. Ne le naw numanje kula tə̂ lə Lubba mba kila mbər Tar kə̂ Maji lə Kristə. Julɛ̂ bba karə n̂-dda narə ingaje singa ddəm karə uwaje arəje ngəng ddəw mə-kunn tə̂ ləse ddəm.

1 Timɔte 1:12

Marə wooyo nya Əbbəjeje Jeju-Kristə kə̂ arəm singa: Noom to marə dəw kə̂ nâ kasə ta kunda məɛ̂ dɔɛ̂ tə̂ ngaâ n̂-bbarəm kula tə̂ laa.

1 Timɔte 1:18

Ngonnəm Timɔte, ndu kə̂ maw minya mə jii tə̂ nəənn, ar dɔ tar tə̂ kə̂ njê-kilaje mbər tar lə Lubba paje dɔi tə̂ ləw le. Maji karə tarje nəənn ari singa arə ə-dda nɛ̂n ddɔ kə̂ maji,

1 Timɔte 6:20

Timɔte, maji karə ə-ngəm nɛ̂n kə̂ Lubba inya mə jii tə̂ le kə majɛ̂. Ə-mbətə bulaje kə̂ baa baa kə̂ aw tila kəm tar lə Lubba. Nɛ̂njeenn le inje ddəw nɛ̂n-gərə tə̂ kə̂ dəwje ooje to nɛ̂n-gərə kə̂ tɔkɔrɔ.

2 Timɔte 1:2

M-dda makəturu nəənn mula nɛ̂n mari, əi ngonnəm Timɔte kə̂ m-ndikii nya. Maji karə Lubba kə̂ Bɔ, de kə Jeju-Kristə kə̂ to Əbbəjeje n̂-ddaje səi mə-maji, dooje kəm-to-ndoo ləi ngaâ darəje məi wul lɔm.

2 Timɔte 2:1

Əi ngonnəm, maji karə inga singa ddəw mə-maji tə̂ kə̂ Lubba dda kə je ddəw mə-kâra tə̂ kə̂ n-dda kə Jeju-Kristə le.

Titə 1:4

Mula kə makəturu nəənn mari, əi Titə le kə̂ ə-to ngonnəm kə̂ tɔkɔrɔ ddəw mə-kunn tə̂ kə̂ mbɔnje naan tə̂. Maji karə Lubba kə̂ Bɔ kə Nje-kajije Jeju-Kristə, n̂-ddaje səi mə-maji ngaâ darəje məi wul lɔm.

Titə 2:2

Ə-pa arə bbukaje gərəje dɔ jide, maji karə bbo kinga narɛ kə dɔgɔlɛ̂ ang ddade ang ngaâ n̂-ddaje nɛ̂n kə ddəwe. Arə darje dɔ mə-kunn tə̂ ləde kə̂ tɔkɔrɔ, arə n̂-ndikije naan ngaâ duwaje darə ngəng.

Titə 3:15

Dəwje tɔyn kə̂ eeje səm nəənn ddaije lapiya. Ə-dda lapiya njê kə̂ toje to nanʼmjeje ddəw mə-kunn tə̂. Maji karə mə-maji lə Lubba nayn kə se tɔyn!

1 Piyɛr 1:2

Lubba kə̂ Bɔ mbərəse undase dang, ddəw kâra baa kə nɛ̂n kə̂ n̂-gɔl tokə kete, ddəw tə̂ lə Ndil-mə-nda karə ooje ta Jeju-Kristə ngaâ karə məse tokose arə nɛ̂n-yərəw ɔruse ang. Maji karə Lubba dda kə se mə-maji nya ddəm narə məse wul nya ddəm.

2 Jan 1:3

Lubba kə̂ Bɔ kə Jeju-Kristə Ngonn lə Bɔy Lubba, ddəw tar tə̂ kə̂ tɔkɔrɔ kə ddəw ndiki tə̂, dâ ddaje mə-maji kə je, dâ kooje kəm-to-ndoo ləje ngaâ dâ karəje məje wul lɔm.

3 Jan 1:4

Bbo maw moo tar dɔ ngannəm tə̂ kə̂ aw njaje ddəw tar tə̂ kə̂ tɔkɔrɔ a, marə nɛ̂n kə̂ a karəm rɔ-nəəl kuta yeenn goto.

Judə 1:2

Maji karə Lubba dda kə se mə-maji, narəse mə-wul-lɔm ngaâ narəse ndiki laa nya nya.