1 Timɔte 1:18 - Dɔnɔn kə̂ Siki: Tar kə̂ aw arə təbbə

¹⁸ Ngonnəm Timɔte, ndu kə̂ maw minya mə jii tə̂ nəənn, ar dɔ tar tə̂ kə̂ njê-kilaje mbər tar lə Lubba paje dɔi tə̂ ləw le. Maji karə tarje nəənn ari singa arə ə-dda nɛ̂n ddɔ kə̂ maji,

Maketuru le Lubba ke tar kabba

¹⁸ Ngonnum Timote, ndu ke maw minya me jii te neenn to ddew kara baa ke tar ke *nje-kilaje-mber-tar le Lubba paje wɔju dɔi lew. Maji kare tarje neenn ari singa are e-dda ne ddɔ ke maji,

1 Timɔte 1:18 Iomraidhean Croise

Kulaje 16:1

Pɔl tee Dɛrbə kə Listərə. Marə nje-nja go Jeju tə̂ kə̂ ria nan Timɔte ee mə bbe tə̂ənn le. Kɔɛ̂nje to Jiipi ngaâ to nje-mə-kunn, a bɔɛ̂je to Gɛrɛkə.

1 Kɔrɛntinyɛje 4:17

Mba yeenn bba mula nɛ̂n Timɔte marəse. N̂-to ngonn kə̂ m-ndike, ngonn kə̂ to gatə gatə ddəw kula tə̂ lə Əbbə-dəwje. Nâ kole məse dɔ ddəw tə̂ kə̂ maw nja nɛ̂n go Jeju-Kristə tə̂, tokə ye kə̂ maw tɔju loje tə̂ tɔyn kə Egilisije tə̂ tɔyn le.

1 Kɔrɛntinyɛje 9:7

Ndɔ kâra dəw andə mbamba tə̂ a, narɛ laa njaa uka nɛ̂n rɔɛ̂ wa? Nân bba ndɔɔ binyə a, usa kandɛ̂ ang wa? Wase nân bba uul nɛ̂n a, ay mba nɛ̂n-kuul le ang wa?

Pilipinyɛje 2:22

A ne Timɔte le ə-gərəje pa-nja laa kə majɛ̂. Nunn rɔɛ̂ nila kula tɔju Tar kə̂ Maji tə̂ səm tokə lə ngonn kə̂ aw uman bɔɛ̂je.

1 Timɔte 1:2

M-dda makəturu nəənn mula nɛ̂n mari, əi Timɔte kə̂ ə-to ngonnəm kə̂ tɔkɔrɔ, ddəw mə-kunn tə̂. Maji karə Lubba kə̂ Bɔ kə Jeju-Kristə kə̂ to Əbbəjeje n̂-ddaje səi mə-maji, dooje kəm-to-ndoo ləi ngaâ darəje məi wul lɔm.

1 Timɔte 1:5

Nɛ̂n kə̂ maw sangə ddəw ndu tə̂ kə̂ munn nəənn to karə ə-ndikije naan kə mə kə̂ nda, karə eeje kə kəjə kə̂ maji, karə ooje məse tə̂ tɔkɔrɔ kə Lubba.

1 Timɔte 4:14

Ndil-mə-nda ari gusu. Ə-dda ngar kə gusu le ang. Inga gusu le go tarje tə̂ kə̂ njê-kilaje mbər tar lə Lubba paje ngaâ dəwje kə̂ dɔ Egilisi tə̂ mbɔnje naan ilaje jide dɔi tə̂.

1 Timɔte 4:4

Mba nɛ̂nje tɔyn kə̂ Lubba dda maji to maji dɔrɔ. Nɛ̂n kə̂ ta mbətə goto, a maji ta karə wooyo Lubba mban a, kusa.

1 Timɔte 6:20

Timɔte, maji karə ə-ngəm nɛ̂n kə̂ Lubba inya mə jii tə̂ le kə majɛ̂. Ə-mbətə bulaje kə̂ baa baa kə̂ aw tila kəm tar lə Lubba. Nɛ̂njeenn le inje ddəw nɛ̂n-gərə tə̂ kə̂ dəwje ooje to nɛ̂n-gərə kə̂ tɔkɔrɔ.

2 Timɔte 1:2

M-dda makəturu nəənn mula nɛ̂n mari, əi ngonnəm Timɔte kə̂ m-ndikii nya. Maji karə Lubba kə̂ Bɔ, de kə Jeju-Kristə kə̂ to Əbbəjeje n̂-ddaje səi mə-maji, dooje kəm-to-ndoo ləi ngaâ darəje məi wul lɔm.

2 Timɔte 4:7

M-dda ddɔ kə̂ maji, mayn ngɔru m-tee mban, m-ngəm mə-kunn ləm.

Titə 1:4

Mula kə makəturu nəənn mari, əi Titə le kə̂ ə-to ngonnəm kə̂ tɔkɔrɔ ddəw mə-kunn tə̂ kə̂ mbɔnje naan tə̂. Maji karə Lubba kə̂ Bɔ kə Nje-kajije Jeju-Kristə, n̂-ddaje səi mə-maji ngaâ darəje məi wul lɔm.

Pilemɔn 1:10

M-wali nya mba Onejim. N̂-ddee to ngonnəm mə kəy-kula tə̂ nəənn.