1 Timɔte 1:17 - Dɔnɔn kə̂ Siki: Tar kə̂ aw arə təbbə

¹⁷ Asə karə dəwje tɔyn ndɔyje ri tɔkə mbay kə̂ nje-kisi kə ndɔ kə ndɔ ngaâ piteje, ne kə̂ noy ang, ne kə̂ kəm dəw ooe ang, Lubba kə̂ kâra baa, Amɛnn.

Maketuru le Lubba ke tar kabba

¹⁷ Ase kare dewje tɔyn ndɔyje ri Lubba ngaa ɔsuje gaji Lubba ke bbal ke bbal! Lubba ke nje-kisi ke ndɔ ke ndɔ, Lubba ke kem dew ooe ang, Lubba ke kara baa, Amem.

1 Timɔte 1:17 Iomraidhean Croise

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Tar kə̂ Maji kə̂ Jan dda makəturu tə̂ 1:18

Dəw kâra oo Lubba ang. A Ngonn-kâra kə̂ to Lubba kə̂ isi mbɔr Bɔɛ̂je tə̂ le dda arə dəwje gəreje.

Tar kə̂ Maji kə̂ Jan dda makəturu tə̂ 5:44

Sese aw pitije naan horose tə̂. A ə-sangəje piti kə̂ in rɔ Lubba tə̂ njaa ang. Yeenn a, â kasəje ta koo məse tə̂ tokə baânn wa?

Rɔmɛnje 1:20

Marə nɛ̂nje lə Lubba kə̂ dəw oo ang toje. Nɛ̂nje tokə singa-mɔngu laa kə̂ to kə ndɔ kə ndɔ kə kisi laa kə̂ nisi to Lubba le dəwje aw ooje ləw baa, kunn-kute tə̂ kə̂ Lubba dda duninya. Nɛ̂njeenn, dəwje aw ooje ddəw nɛ̂nje tə̂ kə̂ n̂-dda ngaâ n̂-gərəje kə majɛ̂. Mba yeenn bba, Lubba a kɔru tar dɔ dəwje tə̂ ang.

Rɔmɛnje 1:23

Dinyaje ta polo Lubba kə̂ asə piti kə ndɔ kə ndɔ, a kɔrje kə̂ n̂-dda darə unn da-rɔ dəwje kə̂ a toje kə ndɔ kə ndɔ ang kə əəlje kə daje kə̂ gɔlde sɔ kə nɛ̂nje kə̂ aw akəje â n̂-polojede.

Rɔmɛnje 11:36

Tɔkɔrɔ, nɛ̂nje tɔyn inje rɔɛ̂ tə̂, nɛ̂nje tɔyn toje to laa ngaâ nɛ̂nje tɔyn toje ddəw tə̂ laa. Maji karə piti to laa kə ndɔ kə ndɔ Amɛnn!

Rɔmɛnje 16:27

Lubba kâra baa â to nje-kəm-karɛ, piti to laa ddəw tə̂ lə Jeju-Kristə kə ndɔ kə ndɔ! Amɛnn!

Rɔmɛnje 2:10

A dəwje tɔyn kə̂ aw ddaje maji, Lubba a kɔsu gajide, nâ walde, nâ karə məde wul lɔm, a kunn-kute dɔ Jiipije tə̂ dɔngɔr bba a tee dɔ Gɛrɛkəje tə̂.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Kolosinyɛje 1:15

Dəw kâra oo Lubba ang. A Kristə le dəw kə̂ ooe a, oo Lubba. N̂-to Ngonn-dərə kə̂ uta nɛ̂nje tɔyn kə̂ Lubba dda.

Ebərəje 11:27

Ddəw mə-kunn tə̂ â Mɔyijə ɔtu Ejipitə tə̂ kə ddang a bbəəl wungu le tɔkə mbay ang. Nuwa narə ngəng tokə nɛ̂n kə̂ noo Lubba kə̂ dəw ooe ang le.

Ebərəje 2:7

Mba ə-dda arə n̂-ddee to dəw kə̂ ta-gɔl anjəje tə̂ mba gɔju kar, ə-dda arə ninga piti kə kɔsu gaji,

1 Piyɛr 5:11

Maji karə singa-mɔngu to laa kə ndɔ kə ndɔ Amɛnn!

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!

1 Jan 4:12

Dəw oo Lubba ndɔ kâra ang. Bbo n-ndikije naan horoje tə̂ a, Lubba dda kə je mə-kâra ngaâ ndiki laa to məje tə̂ kə majɛ̂.

Apokalisi 15:3

Daw dɔsuje pa lə Mɔyijə kə̂ to nje-kula lə Lubba ddəm pa lə Ngonn batə ddəm nan: «Əbbə-dəwje Lubba kə̂ Nje-singa-mɔngu, nɛ̂nje kə̂ ə-dda bo nya ddəm kura ləde dum dɔ dəwje ddəm! Tɔkə mbay lə gəl-dəwje, nɛ̂n kə̂ aw dda to gatə gatə ddəm to nɛ̂n kə̂ tɔkɔrɔ ddəm.

Apokalisi 17:14

Dâ dda ddɔ kə Ngonn batə le, a Ngonn batə le a tətəde kə ddɔ, mba n̂-to Əbbə-əbbə-dəwjeje ddəm n̂-to Mbay-dɔ-mbayje ddəm. Njê kə̂ Lubba bbarde kə njê kə̂ n̂-mbərəde kə dəwje laa kə̂ eeje saa a tətəjede kə ddɔ tɔ.»

Apokalisi 19:1

Goe tə̂ a, moo marə ndu bbar bo tokə ndu dəwje kə̂ banya mə dara tə̂ nan: «Aleluya! Kaji, piti kə singa-mɔngu toje to lə Lubba ləje.

Apokalisi 19:16

N̂-dda marə ri kubbu tə̂ laa kə̂ ngal le ddəm binge tə̂ ddəm nan: «Mbay-dɔ-mbayje kə Əbbə-əbbə-dəwjeje.»

Apokalisi 19:6

Moo marə ndu tokə ndu dəwje kə̂ banya ddəm tokə kɔru tɔkə maann ddəm tokə kɔru ndi kə̂ ndangə kə singa ddəm. Ndu le pa nan: «Aleluya! Mba Əbbə-dəwje Lubba, Nje-singa-mɔngu aw ɔn bbe ngaa.

Apokalisi 7:12

N̂-paje nan: «Amɛnn! Piti, kɔsu gaji, kəm-karɛ, wooyo, ndɔy-ri, singa-mɔngu kə singa toje to lə Lubba ləje kə ndɔ kə ndɔ. Amɛnn!»