1 Timɔte 1:13 - Dɔnɔn kə̂ Siki: Tar kə̂ aw arə təbbə

¹³ A əman kə̂ ləw m-to nje-tuju ria, mula kəm dəwje laa ndoo tə̂, m-tajide le, Lubba oo kəm-to-ndoo ləm, mba moo məm tə̂ saa ang arə m-gərə dɔm nɛ̂n tə̂ kə̂ m-dda le ang.

Maketuru le Lubba ke tar kabba

¹³ A ema ke lew m-to nje-tuju ria, nje-dda singa ke dewje laa, nje-dda saa ddɔ. Lubba oo kem-to-ndoo lem, mbata kete moo mem te saa ang are m-gere dɔm ne te ke m-dda le ang.

1 Timɔte 1:13 Iomraidhean Croise

Luku 12:47

«Nje-kula kə̂ gərə nɛ̂n kə̂ mə əbbeeje ndiki, a gɔl nɛ̂n ang ddəm dda nɛ̂n kə̂ əbbeeje ndiki le ang ddəm a kinga kunda nya.

Luku 23:34

Jeju pa nan: «Bɔy, ɔru tar dɔde tə̂, mba n̂-gərəje nɛ̂n kə̂ daw ddaje ang.» N̂-ddɔje mbari n̂-kaynje nɛ̂n naan kubbuje laa.

Kulaje 22:4

M-dda singa kə dəwje kə̂ unnje ‹ddəw lə Əbbə-dəwje› ndərəng marə dingaje yo. Marə duwa dingawje kə dɛnɛ̂nje n̂-tɔde dungude kəy-kula tə̂.

Kulaje 3:17

«A ngakɔnʼmje, m-gərə maji to sese kə njê-kɔn dɔseje ə-ddaje nɛ̂n baann mba to nɛ̂n kə̂ ə-gərəje ang.

Kulaje 8:3

A Sɔl unn kutu tuju Egilisi. Nandə mə kəyje tə̂, nuwa dingawje kə dɛnɛ̂nje kə singa nungude kəy-kula tə̂.

Kulaje 9:1

Kar tə̂ənn, kəjə dda singa kə kəjə tɔl njê-njaje go Əbbə-dəwje tə̂ dɔrɔ â nayn mə Sɔl tə̂ kə ndɔ tɔyn. Yeenn bba naw rɔ tɔkə nje-polo Lubba tə̂,

Kulaje 9:13

Ananiyas le ila tə̂ nan: «Əbbəmje, dəwje nya paje tar nɛ̂nje kə̂ maji ang tɔyn kə̂ dəw nəənn dda kə dəwje ləi Jerujalɛm.

Kulaje 9:5

Sɔl le ilɛ̂ tə̂ nan: «Əbbə-dəwje, əi nân wa?» Ndu dəw le ilɛ̂ tə̂ nan: «Əman Jeju, əman â aw dda səm singa nəənn.

1 Kɔrɛntinyɛje 15:9

Mba m-to tɛn baa horo njê-kaw-kulaje tə̂ tɔyn. Masə karə n̂-bbarəm to nje-kaw-kula ang, mba mula kəm Egilisi lə Lubba ndoo tə̂.

1 Kɔrɛntinyɛje 7:25

Dɛnɛ̂nje kə̂ gərəje ngaw ang kə dingawje kə̂ gərəje dɛnɛ̂n ang, Əbbə-dəwje arəm ndu mbade ang. Tar kə̂ məm tə̂ njaa maw pa nəənn, əman kə̂ ddəw maji tə̂ kə̂ Əbbə-dəwje dda səm, dəwje a kasəje ta kundaje məde dɔm tə̂.

Galatəje 1:13

Mba ooje tar nɛ̂n-ddaje ləm kə̂ dɔngɔr, kar tə̂ kə̂ m-nayn maw polo nɛ̂n Lubba tokə lə Jiipije le. Maw mula kəm Egilisi lə Lubba ndoo tə̂ nya ddəm maw tuju Egilisi le ddəm.

Pilipinyɛje 3:6

Bbo dda kula lə Lubba to məm tə̂ nya arə m-dda singa kə Egilisi nya. Tar to dɔm tə̂ ang, mba maw dda nɛ̂nje kə̂ gatə gatə ddəw ndu tə̂.

1 Timɔte 1:16

A mba yeenn â Lubba oo kəm-to-ndoo ləm, n̂-ndiki ta karə Jeju-Kristə tɔju tɔ-wur laa dɔm tə̂, əman kə̂ m-to dəw kə̂ dɔngɔr kə̂ nje-nɛ̂n-dda kə̂ maji ang le. N̂-dda baann mba karə dəwje kə̂ a ta kooje məde tə̂ saa ta kinga nɛ̂n təbbə kə̂ to kə ndɔ kə ndɔ oomje to nɛ̂n-kɔju-marɛ̂.

Ebərəje 4:16

Yeenn a, maji karə n-ddeeje ngɔsi kə ngende-mbay lə Lubba kə̂ to nje-mə-maji ta jarə məje oso pɔn. Baann bba nâ koo kəm-to-ndoo ləje ngaâ nâ dda kə je mə-maji ta nâ kumanje mə karje tə̂ kə̂ asə karə numanje.

1 Piyɛr 2:10

Ləw, ə-toje to dəwje lə Lubba ang, a bbasinɛn, ə-toje to dəwje lə Lubba ngaa. Ləw, Lubba oo kəm-to-ndoo ləse ang, a bbasinɛn, Lubba oo kəm-to-ndoo ləse ngaa.