1 Kɔrɛntinyɛje 9:5 - Dɔnɔn kə̂ Siki: Tar kə̂ aw arə təbbə

⁵ Jee kə ddəw ta ddee kə marə ngokɔnje kə̂ dɛnɛ̂n to dɛnɛ̂n ləje tokə kəsə njê-kaw-kulaje kə ngakɔn Əbbə-dəwje kə Piyɛr daw ddajeenn ang wa?

1 Kɔrɛntinyɛje 9:5 Iomraidhean Croise

Matiye 13:55

Ngonn lə nje-dda kula kakə le â nəənn ang wa? Kɔɛ̂nje â to Mari ngaâ ngakɔɛ̂nje â toje to Jakə, Jojɛpə, Simɔn kə Judə ang wa?

Matiye 8:14

Jeju andə kə̂y lə Piyɛr a, noo mum Piyɛrje kə̂ dɛnɛ̂n kə̂ to kə̂y kə rɔ-to. Rɔɛ̂ tunga nya.

Marke 1:30

Mum Simɔnje kə̂ dɛnɛ̂n to tuwa rɔ-to tə̂, rɔɛ̂ tunga nya. A tee kə̂ Jeju tee be a, n̂-pa tarɛ̂ darɛ̂.

Marke 6:3

Nje-dda kula kakə le â nəənn ang wa? N̂-to ngonn lə Mari ang wa? Ngakɔɛ̂nje â toje to Jakə kə Joje kə Judə kə Simɔn ang wa? Ngakɔn-nannɛ̂ â isije kə̂ je nəənn ang wa?» Nɛ̂ɛnn le dda arə n̂-mbətəje ta kunn məde karɛ̂.

Luku 6:15

Matiye, Toma, Jakə ngonn lə Alpe, Simɔn kə̂ daw bbarɛ̂ nan dəw kə̂ tar bbe laa ɔɛ̂n nya,

Luku 8:20

Dəwje paje arə Jeju nan: «Kɔinje kə ngakɔinje arje ddaka. N̂-ndikije ta kooi.»

Tar kə̂ Maji kə̂ Jan dda makəturu tə̂ 1:42

Naw kə Simɔn le rɔ Jeju tə̂. Jeju aa Simɔn le ddekeke ngaâ pa arɛ̂ nan: «Ə-to Simɔn, ngonn lə Jan. Dâ bbari nan Sepas ngaa.» Gəl Sepas le nan: «Piyɛr.»

Tar kə̂ Maji kə̂ Jan dda makəturu tə̂ 2:12

Goe tə̂ a, naw Kapɛrnawum, ne kə kɔɛ̂nje kə ngakɔɛ̂nje kə njê-njaje goe tə̂. A n̂-naynje tə̂ənn ndɔ banya ang.

Kulaje 1:14

Dede tɔyn njaa daw dooje ta naan daw dujuje Lubba kə ndɔ tɔyn. Marə dɛnɛ̂nje kə Mari kɔn Jejuje kə ngakɔn Jeju eeje horode tə̂ tɔ.

Rɔmɛnje 16:1

M-dujuse karə ə-taaje kɔn-nannje Poebe kə rɔse tə̂, mba naw dda kula Egilisi tə̂ kə̂ Sankere.

1 Kɔrɛntinyɛje 1:12

Nɛ̂n kə̂ mâ ta pa karəse â nəənn. Horose tə̂, marɛ̂ pa nan: «Əman m-to dəw lə Pɔl», marɛ̂ pa nan: «Əman m-to dəw lə Apolos», marɛ̂ pa nan: «Əman m-to dəw lə Piyɛr», marɛ̂ pa bbay nan: «Əman m-to dəw lə Kristə.»

1 Kɔrɛntinyɛje 7:15

Bbo dəw kə̂ to nje-mə-kunn ang ndiki ta mbətə dɛnɛ̂n laa wase ngawɛ̂je kə̂ to nje-mə-kunn a, tar goto. Mba lo tə̂ənn, marə nɛ̂n kə̂ tɔɛ̂ naan tə̂ kə ngokɔnje kə̂ dingaw wase ngokɔnje kə̂ dɛnɛ̂n le goto. Lubba bbarje karə jisi kə mə-wul-lɔm.

1 Kɔrɛntinyɛje 7:39

Bbo dɛnɛ̂n taa ngaw mban a, maji karə n̂-nayn kə ngawɛ̂je ndərəng ndɔ yo lə ngawɛ̂je le. Bbo ngawɛ̂je le oy a, ddəw ɔru arɛ̂ ta karə n̂-təl n̂-taa ngaw kə̂ məɛ̂ ndiki. A maji karə dəw kə̂ nje-mə-kunn bba n̂-tɛɛ̂.

1 Kɔrɛntinyɛje 7:7

M-ndiki karə dəwje tɔyn toje tokə əman. A dəwje kâra kâra tɔyn ingaje gusu dang dang ji Lubba tə̂. Narə marə dəwje gusu kə̂ be, a narə marɛ̂je gusu kə̂ be.

1 Kɔrɛntinyɛje 7:8

M-pa marə dingawje kə̂ taaje dɛnɛ̂n ang bbay wase dɛnɛ̂nje kə̂ taaje ngaw ang bbay kə dɛnɛ̂n-ndubbaje karə n̂-naynje baann tokə əman.

Galatəje 1:19

Karɛ̂ tə̂ənn, moo marə nje-kaw-kula dang ang. Bbayɛ̂ njaa to Jakə ngokɔn Əbbə-dəwje â mooe.

1 Timɔte 3:2

Baann a, maji karə dəw kə̂ dɔ Egilisi tə̂ le tar to dɔɛ̂ tə̂ ang, n̂-to nje-dɛnɛ̂n kə̂ kâra, n̂-to dəw kə̂ sangə rɔɛ̂, n̂-to dəw kə̂ gərə dɔ jia, n̂-to dəw kə̂ dda nɛ̂n kə ddəwe, dəw kə̂ gərə ngəm njê-mbaje, dəw kə̂ gərə ta tɔju nɛ̂n.

1 Timɔte 4:3

Njê-ngəmje le tɔjuje nɛ̂n nan: Taa-naan lə dɛnɛ̂n de kə dingaw to nɛ̂n kə̂ maji ang wase kusa marə nɛ̂n-kusaje to nɛ̂n kə̂ maji ang. A Lubba dda nɛ̂n-kusajeenn mba njê-mə-kunnje kə̂ gərəje nɛ̂n-tɔju kə̂ tɔkɔrɔ. Maji karə darəje wooyo Lubba mban a, dusaje.

1 Timɔte 5:2

Maji karə ə-ndəjə kɔn dɛnɛ̂nje tokə lə kɔinjedede. Ə-ndəjə dɛnɛ̂nje kə̂ naynje kə singade bbay kə mə-nda kayn tokə ngakɔn-nanni.

Titə 1:6

Maji karə ansinyɛ to dəw kə̂ tar to dɔɛ̂ tə̂ kâra ang, n̂-to nje-dɛnɛ̂n kə̂ kâra, maji karə ngannɛ̂ ooje məde tə̂ ngaâ pa-nja ləde to pa-nja kə̂ dəwje a kundaje nɛ̂n tar dɔde tə̂ ang wase dəwje a kundaje tar dɔde tə̂ mba dɔ-ngəng ləde ang.

Ebərəje 13:4

Maji karə dingawje kə dɛnɛ̂nje tɔyn bbəəlje go taa-naan ləde ngaâ dəwje kə̂ taaje naan ngəmje rɔde arə naan. Mba Lubba a gangə sariya dɔ njê-kayaje tə̂ kə njê-ddaje lo-to-majang ang tə̂.