1 Kɔrɛntinyɛje 9:12 - Dɔnɔn kə̂ Siki: Tar kə̂ aw arə təbbə

¹² Bbo marə dəwje asəje ta duju nɛ̂n jise tə̂ a, jeje jasə ta duju nɛ̂n jise tə̂ utade ang wa? A jeje n-dda tokə baann ang. N-tɔ wurje nɛ̂n tə̂ tɔyn, mba n-ndiki ta dda marə nɛ̂n kutu nɛ̂n ddəw Tar kə̂ Maji lə Kristə ang.

1 Kɔrɛntinyɛje 9:12 Iomraidhean Croise

Luku 11:52

«To ndoo nya arəse, see Njê-gərəje-Ndu, mba uwaje kele ta-ddəw nɛ̂n-gərə ə-taaje. Sese njaa kara andəje nɛ̂n-gərə tə̂ le ang ngaâ ɔkuje ddəw dəwje kə̂ ndikije ta kandə tə̂.»

Kulaje 18:3

A kula laa kə kula lə Pɔl kə̂ aw dda to kâra baa. Kula le to kula dda tande. Yeenn bba, Pɔl le nayn rɔde tə̂ ngaâ daw ddaje kula le.

Rɔmɛnje 15:22

Nɛ̂ɛnn le njaa â ɔkum ddəw nya karə maw rɔse tə̂.

1 Kɔrɛntinyɛje 13:7

Ndiki to tɔ-wur nɛ̂nje tə̂ tɔyn, n̂-ngəm mə-kunn nɛ̂nje tə̂ tɔyn, kunda-mə dɔ nɛ̂n tə̂ tɔyn, kuwa karə ngəng mə nɛ̂nje tə̂ tɔyn.

1 Kɔrɛntinyɛje 6:7

Kə̂ tɔkɔrɔ, osoje mban, mba aw səkəje naan. Mba ddi bba bbo dəw dda nɛ̂n kə̂ to kə dɔgɔlɛ̂ ang kə se a, arəje nayn dɔse tə̂ ang wa? Mba ddi bba dəw ndiki ta taa nɛ̂n ləse kə singa a, inyaje arɛ̂je ang wa?

1 Kɔrɛntinyɛje 9:14

Ddəw kâra baa, Əbbə-dəwje unn ndu tokə baann tɔ. N̂-pa nan, dəwje kə̂ aw ilaje mbər Tar kə̂ Maji a kisije kə majɛ̂ ddəwe tə̂.

1 Kɔrɛntinyɛje 9:15

A əman, masə dujuse nɛ̂n njaa, a m-dda baann ang. M-dda makəturu nəənn mba duju nɛ̂n nɛ̂n le ang. Koy ləm maji uta karə m-duju nɛ̂n jise tə̂. Yeenn to nɛ̂n kə̂ maw mɔsu nɛ̂n gajim ngaâ dəw kə̂ asə ta kɔru nɛ̂ɛnn le kə ddang goto.

1 Kɔrɛntinyɛje 9:16

A əman, kila mbər Tar kə̂ Maji to nɛ̂n-kɔsu nɛ̂n gajim ang. Mba to kula kə̂ darəm kə singa ta karə m-dda, yeenn a bbo mila mbər Tar kə̂ Maji le ang a, a to ndoo nya karəm.

1 Kɔrɛntinyɛje 9:18

Kuka ləm to ddi wa? Kuka ləm to karə mila mbər Tar kə̂ Maji le baa bbo m-duju kuka kə̂ to ta karə minga goe tə̂ ang.

1 Kɔrɛntinyɛje 9:2

Bbo marə dəwje oomje to nje-kaw-kula ang kara, kə̂ kəmse tə̂, m-to nje-kaw-kula ləse, mba ə-toje to əndaji kula ləm kə̂ m-dda nɔn gɔl Əbbə-dəwje tə̂.

2 Kɔrɛntinyɛje 11:12

Nɛ̂n kə̂ maw dda nəənn, mâ dda bbay, bba karə njê kə̂ aw sangəje marə nɛ̂n ta kunda nɛ̂n gude, to daw ddaje kula tokə ləje le ingaje marə nɛ̂n ta kunda nɛ̂n gude ang.

2 Kɔrɛntinyɛje 11:20

Aw ə-tɔje wurse arəje daw ddase to bbərəje, daw taaje nɛ̂nje ləse baa, daw bbokose, daw doose to dəwje ang ngaâ daw tundaje kəmse!

2 Kɔrɛntinyɛje 2:12

Kar tə̂ kə̂ m-tee tɔkə bbe tə̂ kə̂ Torowas ta kila mbər Tar kə̂ Maji lə Kristə le, Əbbə-dəwje ɔru ddəw arəm kə̂ majɛ̂ njaa.

2 Kɔrɛntinyɛje 6:3

N-dda marə nɛ̂n jarə dəw tuka gɔlɛ̂ tə̂ oso kâra ang, bba karə dəw inga marə tar kə̂ maji ang ta pa dɔ kula tə̂ ləje le ang.