1 Kɔrɛntinyɛje 9:1 - Dɔnɔn kə̂ Siki: Tar kə̂ aw arə təbbə

¹ Masə dda ta nɛ̂n kə̂ məm ndiki ang wa? M-to nje-kaw-kula ang wa? Moo Əbbəjeje Jeju ang wa? Sese â ə-toje to kandə kula kə̂ m-dda nɔn gɔl Əbbə-dəwje tə̂ le ang wa?

1 Kɔrɛntinyɛje 9:1 Iomraidhean Croise

Kulaje 13:2

Marə ndɔ n̂-mbɔnje naan mba polo Əbbə-dəwje ngaâ dɔkuje rɔde nɛ̂n-kusa a, Ndil-mə-nda pa nan: «Undaje Barnabas de kə Sɔl dang mba kula kə̂ m-bbarde mbɛɛ̂.»

Kulaje 14:14

Pɔl de kə Barnabas kə̂ n̂-toje to njê-kaw-kulaje le dooje tarɛ̂ a, n̂-tirje kubbuje kə̂ rɔde tə̂, dɔtuje kə ngɔru dawje rɔ dəwje tə̂ kə̂ banya le duruje əkii nan:

Kulaje 14:4

Dəwje kə̂ bbe tə̂ le horode tin joo: Marɛ̂je unnje go Jiipije, a marɛ̂je unnje go njê-kaw-kulaje le.

Kulaje 23:11

Lo ndul a, Əbbə-dəwje tee inga Pɔl ngaâ pa arɛ̂ nan: «Uwa arə ngəng, ə-pa tar-naji ləm Jerujalɛm mban, a maji karə ə-dda tokə baann Rɔm tɔ.»

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

Kulaje 9:17

Yeenn bba Ananiyas le aw ngaâ andə kəy le aw ila jia dɔɛ̂ tə̂ ngaâ pa nan: «Sɔl, ngokɔnʼm, Əbbə-dəwje Jeju kə̂ ingai kə ddəw ddee tə̂ ləi le ulam rɔi tə̂ karə ə-təl oo lo ddəm karə Ndil-mə-nda ddusi ddəm.»

Kulaje 9:3

Sɔl unn ddəw aw kə Damas ngaâ tee ngɔsi kə bbe le a, kəm naan tə̂ nəənn njaa lo ndoko darâ uru dɔɛ̂ tə̂ guke tɔyn.

Kulaje 9:5

Sɔl le ilɛ̂ tə̂ nan: «Əbbə-dəwje, əi nân wa?» Ndu dəw le ilɛ̂ tə̂ nan: «Əman Jeju, əman â aw dda səm singa nəənn.

Rɔmɛnje 1:1

Əman Pɔl kə̂ m-to bbərə-kula lə Jeju-Kristə, Lubba bbarəm undam dang to nje-kaw-kula karə mila mbər Tar kə̂ Maji laa marə dəwje.

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 11:13

Tar kə̂ mâ ta pa karəse nəənn to mba sese kə̂ ə-toje to Jiipije ang. Mba əman le njaa m-to nje-kaw-kula lə dəwje kə̂ toje to Jiipije ang. Mba yeenn bba mɔsu gaji kula ləm le nya,

1 Kɔrɛntinyɛje 1:1

Əman Pɔl kə̂ Lubba bbarəm kə mə-ndiki laa karə m-to nje-kaw-kula lə Jeju-Kristə, əman kə ngokɔnʼm Sostɛnn,

1 Kɔrɛntinyɛje 10:29

Maw pa tar nəənn mba kəjə lə dəw le kə̂ a jɔkɛ̂ bbo maw pa mba kəjə ləse ang. A mba ddi bba kəjə lə dəw a gangə sariya dɔ nɛ̂n tə̂ kə̂ ddəw ɔru arəm karə m-dda wa?

1 Kɔrɛntinyɛje 10:30

Bbo marə wooyo Lubba bba musa nɛ̂n a, dâ tuju rim mba nɛ̂n kə̂ marə wooyo Lubba mbɛɛ̂ le mba ddi wa?

1 Kɔrɛntinyɛje 11:16

Bbo marə dəw ndiki mayn tar dɔ tar tə̂ nəənn bbay a, jeje kə Egilisije lə Lubba tɔyn joo marə ddəw kə̂ dang kə̂ jaw dda nɛ̂n lo mbɔn-naan tə̂ ang.

1 Kɔrɛntinyɛje 3:6

Əman Pɔl, m-dubbu nɛ̂n, Apolos ungu maann dɔɛ tə̂, a Lubba â dda arə nɛ̂n le tee.

1 Kɔrɛntinyɛje 9:19

Tɔkɔrɔ, dəw kâra asə ta kuwam kə singa karə m-dda marə nɛ̂n ang. M-to bbərə lə dəw kâra ang, a əman njaa m-ndiki ta dda rɔm to bbərə ləse tɔyn, mba kinga nɛ̂n dəwje tokə banya karə Kristə.

2 Kɔrɛntinyɛje 10:7

Maji karə aaje nɛ̂n kə̂ to kəmse tə̂ ddaka baa nəənn ooje: Bbo dəw əjə to n̂-to dəw lə Kristə a, maji karə n̂-gərə kə majɛ̂ to, jeje kara n-to dəwje lə Kristə tɔ.

2 Kɔrɛntinyɛje 11:5

Məjə to njê-kaw-kulaje kə̂ ooje rɔde bo nya nəənn le utamje kə marə nɛ̂n kâra ang.

2 Kɔrɛntinyɛje 6:1

Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.

Galatəje 1:1

Əman Pɔl, m-to nje-kaw-kula. To dəwje â bbarəmje karə m-ddee to nje-kaw-kula le ang ddəm ddəw tə̂ lə marə dəw ang ddəm. Jeju-Kristə kə Lubba kə̂ Bɔ kə̂ ndol Jeju kə̂ oy â n̂-bbarəmje.

Galatəje 5:1

Kristə ɔruje kɔ bbərə tə̂ karə jisi to bbərəje ang ngaa. Yeenn a, uwaje arə ngəng bbo arəje n̂-təl kə se kɔ bbərə tə̂ ang.

1 Tesalonisinyɛje 2:6

Jaw sangə ddəw ta kinga piti ta dəwje tə̂ ang ddəm tase tə̂ ang ddəm ta marə dəwje tə̂ ang ddəm.

1 Timɔte 2:7

Mba yeenn bba, Lubba undam to nje-tɔju tar kə nje-kaw-kula karə m-tɔju dəwje kə̂ toje to Jiipije ang, tar mə-kunn kə tar kə̂ tɔkɔrɔ. Tar kə̂ tɔkɔrɔ â maw pa nəənn bbo maw mərə ngəm ang.

2 Timɔte 1:11

Mba yeenn bba Lubba unnum to Nje-nɛ̂n-tɔju ddəm to nje-kaw-kula ddəm karə mila mbər Tar kə̂ Maji le.