1 Kɔrɛntinyɛje 8:9 - Dɔnɔn kə̂ Siki: Tar kə̂ aw arə təbbə

⁹ Aaje kə majɛ̂ nan â karəje nɛ̂n kə̂ aw ddaje kə mə-ndiki ləse njaa le dda arə dəwje kə̂ sangəje ang bbay osoje.

1 Kɔrɛntinyɛje 8:9 Iomraidhean Croise

Matiye 18:10

«Aaje kə majɛ̂! Dang bba ə-yabbəje marə dəw kâra horo dəwje tə̂ kə̂ tɛn nəənn ang. M-pa marəse, anjəje ləde aw arje kə ndɔ tɔyn nɔn Bɔmje tə̂ darâ. [

Rɔmɛnje 15:1

Jeje kə̂ jubbaje singa, maji karə n-gərəje tar yɔɔ lə dəwje kə̂ ubbaje singa ang bba ta nɛ̂n kə̂ nəəlje jeje dɔrɔ â n-sangəje ang.

1 Kɔrɛntinyɛje 10:24

Maji karə dəw sangə kisi maji laa kə karɛ̂ baa njaa ang. Maji karə n̂-sangə kisi maji lə nje-marɛ̂ tɔ bba.

1 Kɔrɛntinyɛje 10:28

 bbo marə dəw pa arəse nan: «Da kə̂ darə ndilje kə̂ maji ang to nɛ̂n-polo â nəənn» a, maji karə usaje ang mba dəw kə̂ pa tar arəse le ddəm mba kəjə laa kə a jɔkɛ̂ ddəm.

1 Kɔrɛntinyɛje 10:29

Maw pa tar nəənn mba kəjə lə dəw le kə̂ a jɔkɛ̂ bbo maw pa mba kəjə ləse ang. A mba ddi bba kəjə lə dəw a gangə sariya dɔ nɛ̂n tə̂ kə̂ ddəw ɔru arəm karə m-dda wa?

1 Kɔrɛntinyɛje 10:32

Maji karə ə-ddaje marə nɛ̂n kə̂ a dda karə Jiipije wase Gɛrɛkəje wase Egilisi lə Lubba osoje ang.

1 Kɔrɛntinyɛje 8:10

Mba bbo əi kə̂ ə-gərə tar kə̂ tɔkɔrɔ isi mə kəy-polo kɔr tə̂ aw usa nɛ̂n kəm dəw tə̂ kə̂ sangə ang bbay a, kəjə lə dəw le a kaw saa karə nusa daje kə̂ n̂-polo nɛ̂n kɔrje ang wa?

1 Kɔrɛntinyɛje 8:12

Bbo aw ddaje maji ang kə̂ baann kə ngakɔnseje ngaâ aw tujuje kəjə ləde kə̂ sangə ang bbay le a, to Kristə njaa aw ddaje majang ta mbəte nɛ̂n.

1 Kɔrɛntinyɛje 9:22

Bbo misi kə dəwje kə̂ mə-kunn ləde sangə ang a, m-dda tokə dəw kə̂ mə-kunn laa sangə ang, mba kinga nɛ̂n de. M-dda rɔm tokə lə dəwje tɔyn marə dəwje tɔyn karə bbo ddəw to a, marɛ̂je kâra kâra ingaje kaji.

2 Kɔrɛntinyɛje 11:21

To rɔ-kul ləm ta pa: Moo a, tokə nɛ̂n kə̂ n-toje to njê-yɔɔje njaa nyɔm. M-pa tar tokə nje-wooy, m-pa nan: Bbo dəw tay unda gue mba marə nɛ̂n a, əman kara, mâ tay kunda gum tɔ.

2 Kɔrɛntinyɛje 11:29

Bbo marə dəw singɛ̂ goto a, əman kara moo rɔm to mee kə singa ang tɔ. Bbo mə-kunn lə marə dəw oso a, tarɛ̂ sanʼm nya.

2 Kɔrɛntinyɛje 6:3

N-dda marə nɛ̂n jarə dəw tuka gɔlɛ̂ tə̂ oso kâra ang, bba karə dəw inga marə tar kə̂ maji ang ta pa dɔ kula tə̂ ləje le ang.

Galatəje 5:13

See ngakɔnʼmje, Lubba bbarse karə ə-teeje kɔ bbərə tə̂ kə ddang. A maji karə tee ləse kɔ bbərə tə̂ le to ddəw â ɔru arəse karə ə-ddaje nɛ̂n nɛ̂n ddəw bboje tə̂ kə̂ da-rɔ tə̂ ang. Maji karə ə-ndikije naan ta ə-ddaje kula arəje

Kolosinyɛje 2:8

Ə-ngəmje rɔse kə majɛ̂ arəje dəw ərəse ddəw kəjəje tə̂ laa ang, mba to ngəmje ddəm to kəjəje lə dəwje baa ddəm. To kəjəje kə̂ inje mə nɛ̂n-ji-bbeje tə̂ lə dəwje ddəm to kəjəje kə̂ dɔ nangə tə̂ nəənn ddəm. To kəjəje kə̂ inje ddəw tə̂ lə Kristə ang.

1 Piyɛr 2:16

Maji karə ə-ddaje nɛ̂n tokə dəwje kə̂ teeje kɔ bbərə tə̂ mban, a maji karə tee kə̂ ə-teeje kɔ bbərə tə̂ le təl to marə nɛ̂n kə̂ ta kɔnn nɛ̂n dɔ majang ang. Maji karə ə-ddaje nɛ̂n tokə bbərəje lə Lubba ngaa.

2 Piyɛr 2:19

ngaâ dunnje ndude darə dəwje le nan, dâ kɔrujede kɔ bbərə tə̂. A dede njaa kara n̂-toje to bbərəje lə bboje kə̂ da-rɔ tə̂ kə̂ aw tuju dəwje. Mba dəw kâra kâra to bbərə lə nɛ̂n kə̂ bboe uta dɔɛ̂.

Apokalisi 2:14

A marə nɛ̂nje kə̂ m-mbətə səi â nəənn: Marə dəwje kə̂ unnje go nɛ̂n-tɔju lə Balaam eeje rɔi tə̂ənn. Ləw, Balaam le tula Balak karə nərə ngann Ijarayɛlje narə usaje da kə̂ n̂-polo nɛ̂n kɔrje ngaâ karə n̂-ddaje nɛ̂n-kayaje.