1 Kɔrɛntinyɛje 8:6 - Dɔnɔn kə̂ Siki: Tar kə̂ aw arə təbbə

⁶ A əngaje, Lubba to kâra baa, Lubba kə̂ bɔ kə̂ dda nɛ̂nje tɔyn arə jisije kə təbbə mba tar laa. Ngaâ Əbbə-dəwje kâra baa. To Jeju-Kristə kə̂ dda nɛ̂nje tɔyn arə jisije kə təbbə ddəw tə̂ laa.

1 Kɔrɛntinyɛje 8:6 Iomraidhean Croise

Matiye 11:27

«Bɔy inya nɛ̂nje tɔyn jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Matiye 28:18

Jeju ddee ngɔsi kə de, pa arəde nan: «Lubba arəm singa tɔyn darâ ddəm nangə̂ ddəm.

Tar kə̂ Maji kə̂ Jan dda makəturu tə̂ 1:10

Tar le to duninya tə̂ nəənn. Ngaâ duninya to ddəw tə̂ laa. A duninya le gəre ang.

Tar kə̂ Maji kə̂ Jan dda makəturu tə̂ 1:3

Lubba dda nɛ̂n tɔyn ddəw tə̂ laa. Nɛ̂n kâra kə̂ Lubba inyɛ̂ a dda kə karɛ̂ baa goto.

Tar kə̂ Maji kə̂ Jan dda makəturu tə̂ 10:30

Əman kə Bɔmje, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 13:13

Aw bbarəmje Nje-nɛ̂n-tɔju ddəm Əbbə-dəwje ddəm. Yeenn to kə dɔgɔlɛ̂, mba m-to Nje-nɛ̂n-tɔju ddəm Əbbə-dəwje ddəm njaa.

Tar kə̂ Maji kə̂ Jan dda makəturu tə̂ 14:20

Ndɔɛ̂ tə̂ənn le â gərəje to mee mə Bɔ tə̂, sese kara eeje məm tə̂ ngaâ əman mee məse tə̂.

Tar kə̂ Maji kə̂ Jan dda makəturu tə̂ 17:3

Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Tar kə̂ Maji kə̂ Jan dda makəturu tə̂ 20:17

Jeju pa arɛ̂ nan: «Ɔrum kə jii ang, mba m-nayn maw rɔ Bɔy tə̂ ang bbay. A aw pa arə ngakɔnʼmje ə-pa nan maw maw kə rɔ Bɔy tə̂ kə rɔ Bɔmje tə̂ kə̂ to Bɔsese ddəm rɔ Lubba tə̂ ləm kə̂ to Lubba ləse ddəm.»

Kulaje 17:28

Mba ddəw tə̂ laa bba jaw jisije nɛ̂n kəm baa, jaw yəkəje nɛ̂n rɔje ngaâ da-rɔje to nɛ̂n. To ddəw kâra baa kə tar kə̂ marə njê-nɔn-paje ləje paje nan: ‹N-toje to ngann lə Lubba.›

Kulaje 2:36

«Maji karə dəwje tɔyn kə̂ Ijarayɛl gərəje kə majɛ̂: Jeju kə̂ ə-tɔlɛ̂je kakə-dəsə tə̂ le, Lubba arə n̂-to Kristə ddəm Əbbə-dəwje ddəm.»

Kulaje 5:31

Lubba le unnɛ̂ undɛ̂ dɔ ji-kɔlɛ̂ tə̂ to mbay ddəm Nje-kaji-dəwje ddəm. Baann bba karə ngann Ijarayɛlje ingaje ddəw ta turu məde ddəm karə tar majang ləde ɔru dɔde tə̂ ddəm.

Rɔmɛnje 11:36

Tɔkɔrɔ, nɛ̂nje tɔyn inje rɔɛ̂ tə̂, nɛ̂nje tɔyn toje to laa ngaâ nɛ̂nje tɔyn toje ddəw tə̂ laa. Maji karə piti to laa kə ndɔ kə ndɔ Amɛnn!

1 Kɔrɛntinyɛje 1:2

jula kə makəturu nəənn jarə njê-mə-kunnje kə̂ mə Egilisi tə̂ lə Lubba kə̂ bbe tə̂ kə̂ Kɔrɛntə ddəm jarə dəwje kə̂ Lubba bbarde ddəw tə̂ lə Jeju-Kristə ngaâ undade dang arə n̂-toje to njê-mə-ndaje ddəm. Jula kə makəturu nəənn jarə dəwje tɔyn kə̂ aw bbarje ri Əbbəjeje Jeju-Kristə loje tə̂ tɔyn. Jeju-Kristə kə̂ to Əbbədede ddəm Əbbəjeje ddəm.

1 Kɔrɛntinyɛje 12:3

Yeenn bba, m-ndiki ta pa karəse, dəw kə̂ pa nan: «Ndu-ndɔɔl to dɔ Jeju tə̂» a, dəw le aw pa tar ddəw Ndil tə̂ lə Lubba ang. A dəw kə̂ aw pa tar ddəw Ndil tə̂ lə Lubba bba a kasə pa nan: «Jeju to Əbbə-dəwje.»

1 Kɔrɛntinyɛje 6:13

Ə-paje nan: «Nɛ̂n-kusa to mba mə dəw ngaâ mə dəw to mba nɛ̂n-kusa.» Tɔkɔrɔ njaa, a Lubba a tujude joo kəm. A da-rɔ dəw to mba kaya ang. Da-rɔ dəw to mba Əbbə-dəwje ngaâ Əbbə-dəwje to mba da-rɔ dəw.

1 Kɔrɛntinyɛje 8:4

Yeenn a, ja kasəje ta kusa daje kə̂ n̂-polo nɛ̂n kɔrje wa? N-gərəje kə majɛ̂ to kɔr goto dɔ nangə tə̂ ngaâ Lubba kâra baa bbo marə lubba dang to ang.

Epɛjinyɛje 1:3

Jɔsuje gaji Lubba kə̂ to Bɔ Əbbəjeje Jeju-Kristə. Mba narəje gusuje lə Ndil kə̂ in darâ ddee ddəw mə-kâra tə̂ kə̂ n-ddaje kə Kristə.

Epɛjinyɛje 3:14

Mba yeenn bba, mungu məkəjə-gɔləm nangə̂ nɔn Bɔy Lubba tə̂.

Kolosinyɛje 1:6

Tar kə̂ Maji nəənn le aw andə kandə aw nɛ̂n kə kete kete dɔ nangə tə̂ tɔyn. Kar kə̂ Tar le tee bbeê ləse le to tokə baann tɔ, unn kute ndɔ tə̂ kə̂ ooje nɛ̂n tar mə-maji kə̂ tɔkɔrɔ kə̂ Lubba dda kə se le.

1 Piyɛr 1:21

Ddəw tə̂ laa â unnje məse arəje Lubba kə̂ noy a, ndole ngaâ arɛ̂ piti, mba karə mə-kunn ləse kə mə-kunda ləse to kə dɔ Lubba tə̂.

Apokalisi 1:18

M-to nje-kisi kəm baa. Ləw moy, a bbasinɛn misi kəm baa kə ndɔ kə ndɔ. Mee kə singa dɔ yo tə̂ ddəm dɔ lo tə̂ lə dəwje kə̂ oyje ddəm.