1 Kɔrɛntinyɛje 8:3 - Dɔnɔn kə̂ Siki: Tar kə̂ aw arə təbbə

³ Â bbo dəw ndiki Lubba a, Lubba a gəre.

1 Kɔrɛntinyɛje 8:3 Iomraidhean Croise

Matiye 7:23

Yeenn le, mâ pa karəde nan: M-gərəse ndɔ kâra ang ta ɔtuje mbɔrəm tə̂ kə ddang. Awje ddəw əw səm, see njê-nɛ̂n-ddaje kə̂ maji ang.»

Tar kə̂ Maji kə̂ Jan dda makəturu tə̂ 10:14

Əman, m-to nje-ngəm nɛ̂n-kuul kə̂ maji, m-gərə batəje ləm ngaâ batəje ləm gərəmje,

Tar kə̂ Maji kə̂ Jan dda makəturu tə̂ 21:17

Goe tə̂ a, n̂-duje kə̂ gɔl mota laa nan: «Simɔn ngonn lə Jan, ə-ndikim wa?» Yeenn ngaâ rɔ Piyɛr le nəəle ang mba tar kə̂ n̂-duje to gɔl mota laa nan: «Ə-ndikim wa?» le. Ngaâ nilɛ̂ tə̂ nan: «Əbbə-dəwje, ə-gərə nɛ̂n tɔyn. Ə-gərə to m-ndikii.» Jeju pa arɛ̂ nan: «Ə-ngəm batəje ləm.

Rɔmɛnje 11:2

Lubba turu gire arə dəwje laa kə̂ ne njaa n̂-mbərəde ləw baa le ang. Oleje məse dɔ nɔn tə̂ kə̂ Eli nɔn rɔɛ̂ mba Ijarayɛl kə̂ n̂-dda tarɛ̂ Makəturu tə̂ lə Lubba le wa? N̂-pa nan:

1 Kɔrɛntinyɛje 13:12

Bbokənɛn jaw jooje nɛ̂n kəmje tə̂ ndoko ang tokə nɛ̂n kə̂ jaw joo nɛ̂n-koo-rɔ tə̂. A marə ndɔ a, ja kooje kəm kə kəm. Bbokənɛn m-gərə nɛ̂n tɔyn ang bbay. A bbo ndɔɛ̂ asə a, mâ gərə nɛ̂n tokə Lubba gərəm le.

1 Kɔrɛntinyɛje 2:9

Ddəw kâra baa tokə Makəturu lə Lubba pa tarɛ̂ nan: «Nɛ̂n kə̂ kəm dəw oo ang ddəm mbi dəw oo ang ddəm Nɛ̂n kə̂ dəw əjə ndɔ kâra ang, Lubba gɔl mba dəwje kə̂ ndikeje.»

Galatəje 4:9

A bbasinɛn, ə-gərəje Lubba ngaa, uta tɔyn Lubba gərəse ngaa. A, â təl bbəəlje ndilje kə̂ duninya tə̂ kə̂ singade goto ddəm ture goto ddəm tokə baânn wa?

2 Timɔte 2:19

A gɔl kəy kə̂ mɔngu kə̂ Lubba unda nangə̂ le nayn kə singɛ̂. Tar kə̂ n̂-dda gɔl kəy tə̂ le nan: «Əbbə-dəwje gərə njê kə̂ toje to dəwje laa» ngaâ «Maji karə dəw kə̂ bbar ri Əbbə-dəwje mban, mbətə majang.»

Jakə 1:12

Maji arə dəw kə̂ ore wure mə nɛ̂n-nanje tə̂ dang dang, mba bbo n̂-nɛɛ̂n doo ngaâ nasə a, nâ kinga kuka. Kuka le kə̂ to təbbə kə̂ Əbbə-dəwje unn ndue ta karə dəwje kə̂ ndikeje.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

1 Piyɛr 1:8

Ooje Jeju ang njaa, a ə-ndikeje. Bbasinɛn nəənn ooeje ang bbay njaa, a unnje məse arɛ̂je ngaâ aw ddaje rɔ-nəəl arə uta dɔɛ̂, rɔ-nəəl kə̂ asə pa ang.

1 Jan 4:19

Jeje, ndiki to məje tə̂, mba Lubba ndikije dɔngɔr.

1 Jan 4:7

Ngakɔnʼmje kə̂ m-ndikise, maji karə n-ndikije naan horoje tə̂, mba ndiki in rɔ Lubba tə̂. Dəw kə̂ ndiki nje-marɛ̂ to dəw kə̂ Lubba uje ngaâ n̂-gərə Lubba.

Apokalisi 2:13

M-gərə lo kə̂ ə-dda bbe tə̂ kə majɛ̂: Ngende-mbay lə Satan to tə̂ənn. A dɔ ndɔ tə̂ kə̂ n̂-tɔl nɛ̂n Antipas kə̂ to nje-tar-naji ləm kə̂ gatə gatə bbeê ləse kə̂ Satan dda bbe tə̂ le njaa kara ə-nayn gom tə̂ nyɔm bbo ə-tusu məi kə̂ unn arəm le inya ang.

Apokalisi 2:19

M-gərə kula-ddai, ndiki ləi, mə-kunn ləi, maji kə̂ aw dda kə dəwje kə wuri kə̂ aw tɔ. Kulaje kə̂ aw dda guku nəənn uta yeje kə̂ kete.

Apokalisi 2:9

M-gərə nɛ̂n-singaje kə̂ aw ingai kə ndoo kə̂ ə-ndoo. A kə̂ tɔkɔrɔ tə̂, ə-to nje-nɛ̂n-kinga. M-gərə tarje kə̂ maji ang kə̂ dəwje kə̂ toje to Jiipije ang, a aw ddaje rɔde to Jiipije aw paje dɔi tə̂. N̂-toje to dəwje kə̂ mə mbɔn-naan tə̂ lə Satan.