1 Kɔrɛntinyɛje 8:10 - Dɔnɔn kə̂ Siki: Tar kə̂ aw arə təbbə

¹⁰ Mba bbo əi kə̂ ə-gərə tar kə̂ tɔkɔrɔ isi mə kəy-polo kɔr tə̂ aw usa nɛ̂n kəm dəw tə̂ kə̂ sangə ang bbay a, kəjə lə dəw le a kaw saa karə nusa daje kə̂ n̂-polo nɛ̂n kɔrje ang wa?

1 Kɔrɛntinyɛje 8:10 Iomraidhean Croise

Kulaje 15:20

Maji karə n-ddaje makəturu julaje jarəde karə dusaje nɛ̂n kə̂ n̂-polo nɛ̂n kɔr ang, mba to nɛ̂n-yərəw, n̂-ddaje kaya ang, dɔnje da kə̂ dute kəwn bba n̂-tɔlɛ̂ ang, dusaje məsə ang.

Rɔmɛnje 14:14

Ddəw mə-kâra tə̂ kə̂ m-dda kə Əbbə-dəwje Jeju le m-gərə kə majɛ̂ to marə nɛ̂n kə̂ to nɛ̂n-yərəw kâra goto. A bbo dəw əjə to marə nɛ̂n to nɛ̂n-yərəw a, nɛ̂n le ddee to nɛ̂n-yərəw mba tar laa njaa.

Rɔmɛnje 14:23

A dəw kə̂ aw əjə tar mba nɛ̂n kə̂ nusa, sariya to dɔɛ̂ tə̂ mban. Mba n̂-dda nɛ̂n le ddəw mə-kunn tə̂ laa ang. Mba nɛ̂n tɔyn kə̂ dəw dda ddəw mə-kunn tə̂ ang to majang.

1 Kɔrɛntinyɛje 10:32

Maji karə ə-ddaje marə nɛ̂n kə̂ a dda karə Jiipije wase Gɛrɛkəje wase Egilisi lə Lubba osoje ang.

1 Kɔrɛntinyɛje 8:4

Yeenn a, ja kasəje ta kusa daje kə̂ n̂-polo nɛ̂n kɔrje wa? N-gərəje kə majɛ̂ to kɔr goto dɔ nangə tə̂ ngaâ Lubba kâra baa bbo marə lubba dang to ang.

1 Kɔrɛntinyɛje 8:7

A dəwje tɔyn â gərəje nɛ̂n nəənn ang. Marə dəwje unnje go kɔrje kete bba inyaje gode bbasinɛn nəənn bbay, yeenn â bbo daw dusaje daje kə̂ darə to nɛ̂n-polo a, dəjəje to daje le to nɛ̂n kə̂ darə kɔrje njaa tɔkɔrɔ. Nɛ̂ɛnn le dda arə kəjə ləde kə̂ sangə ang jɔkude.

1 Kɔrɛntinyɛje 8:9

Aaje kə majɛ̂ nan â karəje nɛ̂n kə̂ aw ddaje kə mə-ndiki ləse njaa le dda arə dəwje kə̂ sangəje ang bbay osoje.