1 Kɔrɛntinyɛje 7:34 - Dɔnɔn kə̂ Siki: Tar kə̂ aw arə təbbə

³⁴ Yeenn a, kəjə laa to joo. Ddəw kâra baa, dɛnɛ̂n kə̂ taa ngaw ang kə ngonn mandə, dundaje kəjə ləde kə dɔ kula tə̂ lə Əbbə-dəwje. Baann bba dâ ngəmje rɔde kə kəjə ləde karə maji tɔyn. Dɛnɛ̂n kə̂ taa ngaw unda kəjə laa kə dɔ nɛ̂nje tə̂ kə̂ duninya tə̂. Naw sangə ddəw ta nəəl kəm ngawɛ̂je tə̂.

1 Kɔrɛntinyɛje 7:34 Iomraidhean Croise

Tar kə̂ Maji kə̂ Jan dda makəturu tə̂ 10:13

Dəw kə̂ aw dda to kula-narɛ le, tar lə batəje le ɔɛ̂n ang.

Rɔmɛnje 6:13

Unnje dəbbə rɔse kâra ilaje majang tə̂ ang ngaa, mba a təl to nɛ̂n-dda kula kə̂ gatə gatə ang. A unnje rɔse arəje Lubba tokə dəwje kə̂ oyje bba ndolje. Unnje rɔse tɔyn ilaje kula tə̂ lə Lubba karə rɔse le təl to nɛ̂n kə̂ ta dda nɛ̂n kula kə̂ gatə gatə.

1 Kɔrɛntinyɛje 6:20

Lubba uka dɔse kə gatə kə̂ ngəng nya. Yeenn a, unnje da-rɔse le ɔsuje nɛ̂n gaji Lubba.

1 Kɔrɛntinyɛje 7:33

A dingaw kə̂ taa dɛnɛ̂n aw unda kəjə laa kə dɔ nɛ̂n tə̂ kə̂ duninya tə̂. Naw sangə ddəw ta nəəl kəm dɛnɛ̂n tə̂ laa.

1 Kɔrɛntinyɛje 7:35

M-pa tar nəənn marəse mba kisi maji ləse bbo to buwa â muru karə osoje tə̂ ang. A m-ndiki ta karə nɛ̂n kə̂ maji â ta ə-ddaje ngaâ karə ə-naynje ddəw kula tə̂ lə Əbbə-dəwje kə kəjə kə̂ kâra baa.

2 Kɔrɛntinyɛje 11:28

Mâ pa kəsə nɛ̂nje ang. A tar kə̂ uwa wurum nya to tar lə Egilisije tɔyn.

2 Kɔrɛntinyɛje 8:16

Jarə wooyo Lubba kə̂ ila bbo kumanse mə Titə tə̂ tokə ləje le tɔ.

Pilipinyɛje 1:20

Nɛ̂n kə̂ maw ngəbbə kə̂ munda məm dɔɛ̂ tə̂ nya dda arə rɔm a wul ang. A unn kute bbokənɛn nyɔm kə ləw, bbo misi kəm baa wase moy kara, pa-nja ləm a tɔju to Kristə le to nje-tɔkə-mbangə.

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

1 Timɔte 3:5

A bbo dəw gərə ta kɔn dɔ njê kə̂ mə kəy tə̂ laa ang a, nâ ngəm Egilisi lə Lubba tokə baânn wa?

1 Timɔte 5:5

Dɛnɛ̂n-ndubba kə̂ isi kə karɛ̂ baa ngaâ nje-kaa lo kə dɔɛ̂ tə̂ goto, unda məɛ̂ kə̂ dɔ Lubba tə̂. Nəw ta dda rɔɛ̂ to ndoo rɔ Lubba tə̂ ang, naw duju Lubba, til kə kar.

Titə 3:8

Tar nəənn to tar kə̂ asə karə dəw unda məɛ̂ dɔɛ tə̂. M-ndiki ta karə ar dɔɛ tə̂ nya, mba karə dəwje tɔyn kə̂ undaje məde dɔ Lubba tə̂ unnje rɔde mba dda kulaje kə̂ maji uta. Yeenn to nɛ̂n kə̂ kura ngaâ aw dda maji kə dəwje.