1 Kɔrɛntinyɛje 6:9 - Dɔnɔn kə̂ Siki: Tar kə̂ aw arə təbbə

⁹ Ə-gərəje ang wa? Dəwje kə̂ toje gatə gatə ang, lo ləde goto Bbe-kɔn tə̂ lə Lubba. Ərəje rɔse ang! Njê-kayaje wase njê-poloje kɔrje, njê-ddaje lo-to-majang wase dingawje kə̂ aw toje kə dingaw marədeje,

1 Kɔrɛntinyɛje 6:9 Iomraidhean Croise

Matiye 19:29

A dəwje tɔyn kə̂ inyaje kəy ləde, ngakɔnde kə̂ dingaw kə ngakɔnde kə̂ dɛnɛ̂n, bɔdede kə kɔndede, ngannde wase ndɔɔje ləde mbam, dâ kinga nɛ̂n gɔl dɔdɔku uta yeje kə̂ kete ddəm dâ kinga təbbə kə̂ to kə ndɔ kə ndɔ ddəm.

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Luku 21:8

Jeju ila tə̂ nan: «Aaje rɔse, arəje dəw ərəse ang, mba dəwje nya a ddeeje kə rim ngaâ dâ paje nan: ‹Əman â m-to Kristə le.› Marɛ̂je a paje nan: ‹Ndɔ nayn ngɔsi baa ngaa.› Unnje gode ang.

Kulaje 20:32

«A bbasinɛn minyase ji Lubba tə̂ kə tar mə-maji tə̂ laa kə̂ asə ta dda karə ə-sangəje ddəm karə ingaje nɛ̂nje kə̂ maji kə̂ n̂-gɔl mba dəwje laa ddəm.

Kulaje 24:25

Kar tə̂ kə̂ Pɔl aw pa tar kula-dda kə̂ to gatə gatə, tar tɔ-bbo kə̂ da-rɔ tə̂ kə tar sariya kə̂ aw ddee a, Peliksə le bbəəl ngaâ pa nan: «Asə baann, ɔtu ngaa. Marə ndɔ bba mâ bbari.»

Rɔmɛnje 1:18

Wungu ɔn Lubba darâ nu dɔ dəwje tə̂ mba majangje ləde tɔyn kə nɛ̂n-ddaje ləde kə̂ gatə gatə ang kə̂ ore dɔ tar kə̂ tɔkɔrɔ kə nangə̂.

1 Kɔrɛntinyɛje 15:33

Ərəje rɔse ang: «Dəw kə̂ uwa go nje-nɛ̂n-dda kə̂ maji ang, a ddee to nje-nɛ̂n-dda kə̂ maji ang tɔ.»

1 Kɔrɛntinyɛje 15:50

Ngakɔnʼmje, nɛ̂n kə̂ m-ndiki ta pa â nəənn: Da-rɔ dəw a kasə ta kandə mə Bbe-kɔn tə̂ lə Lubba ang. Nɛ̂n kə̂ aw oy a kasə ta nayn kə təbbə kə̂ to kə ndɔ kə ndɔ ang.

1 Kɔrɛntinyɛje 3:16

Ə-gərəje ang wa? Ə-toje to kəy-polo Lubba ngaâ Ndil lə Lubba isi məse tə̂.

1 Kɔrɛntinyɛje 5:1

Dəwje aw paje kə lo tɔyn nan kaya aw to horose tə̂. Dəwje kə̂ gərəje Lubba ang kara ddaje nɛ̂n baann ang. Moo nan marə dəw taa dɛnɛ̂n lə bɔɛ̂je.

1 Kɔrɛntinyɛje 5:10

Dəwje tɔyn kə̂ dɔ nangə tə̂ nəənn kə̂ toje to njê-kayaje â maw pa tar le mbade ang ddəm njê kə̂ aw undaje kəm-nda wase njê-bbokoje kə njê-poloje kɔrje ang ddəm. Bbo tokə baann a, a to maji karə ɔruje rɔse rɔ dəwje tə̂ kə̂ nangə̂ nəənn.

1 Kɔrɛntinyɛje 5:11

Baann ang. M-dda makəturu le marəse karə ta bbo marə dəw oo rɔɛ̂ to ngokɔnje ddəw mə-kunn tə̂ mban bba aw dda kaya, aw unda kəm-nda, aw polo kɔr, aw nanɛn kə dəw, ddee to bbərə lə koto, ddee to nje-bboko a, maji karə nɛ̂n kara usaje saa ang.

1 Kɔrɛntinyɛje 6:10

njê-bbokoje, njê-kundaje kəm-nda, njê kə̂ toje to bbərəje lə koto, njê-nanɛnje, njê-kuwa nɛ̂n lə ngamarəde kə singa, lo ləde to Bbe-kɔn tə̂ lə Lubba ang.

1 Kɔrɛntinyɛje 6:18

Aynje kaya. Kəsə nɛ̂nje kə̂ maji ang tɔyn kə̂ dəw aw dda to ddaka bbo to da-rɔɛ̂ tə̂ ang. A dəw kə̂ dda kaya, dda maji ang kə da-rɔɛ̂ ne njaa.

1 Kɔrɛntinyɛje 6:19

Wase ə-gərəje ang wa? Da-rɔse to kəy-to Ndil-mə-nda kə̂ to rɔse tə̂. Ndil-mə-nda kə̂ in rɔ Lubba tə̂. Da-rɔse to ləse njaa ang.

1 Kɔrɛntinyɛje 9:24

Ə-gərəje kə majɛ̂ to, horo dəwje tə̂ tɔyn kə̂ aw aynje ngɔru natâ mba kuta nɛ̂n naan, dəw kâra baa â a kinga kuka. Yeenn a, aynje ngɔru kə gusu kə̂ â kingaje nɛ̂n kuka.

2 Kɔrɛntinyɛje 12:21

M-bbəəl mba kin karə maw ta koose kə̂ guku a, Lubba ləm ila rɔ-kul kəmʼm tə̂ nɔnse tə̂. Ngaâ, karə m-nɔn, mba dəwje nya horose tə̂ kə̂ naynje ddəw majang tə̂ tokə ye kə̂ ləw, ddəw nɛ̂n-yərəwje tə̂, ddəw kaya tə̂ kə ddəw lo-to-majang tə̂.

Galatəje 6:7

Ərəje rɔse ang: Dəw asə koko Lubba ang, nɛ̂n kə̂ dəw dubbu a, a kuja kandɛ̂.

Kolosinyɛje 3:5

Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

Ebərəje 12:14

Maji karə ə-sangəje ddəw kisi kə mə-wul-lɔm kə dəwje tɔyn. Ngaâ arəje nɛ̂n-yərəw ɔruse ang. Baann ang a, dəw kâra horose tə̂ a koo Əbbə-dəwje ang.

Ebərəje 12:16

Aaje kə majɛ̂ arəje marə dəw kâra horose tə̂ ddee to nje-kaya ang ddəm oo nɛ̂nje kə̂ dunda dang mba Lubba kəmɛ̂ tə̂ to nɛ̂n kə̂ baa ang ddəm tokə Ejawu kə̂ duje dɔngɔr, a unn tɔkə laa le labbə mba nɛ̂n-kusa kə̂ ka tə̂ kâra be le ang.

Ebərəje 13:4

Maji karə dingawje kə dɛnɛ̂nje tɔyn bbəəlje go taa-naan ləde ngaâ dəwje kə̂ taaje naan ngəmje rɔde arə naan. Mba Lubba a gangə sariya dɔ njê-kayaje tə̂ kə njê-ddaje lo-to-majang ang tə̂.

Jakə 1:16

Ngakɔnʼmje kə̂ m-ndikise nya, ərəje rɔse ang.

1 Jan 3:7

Ngannje, arəje dəw ərəse ang. Dəw kə̂ dda kula kə̂ gatə gatə to gatə gatə tokə Jeju-Kristə to gatə gatə le.

Apokalisi 21:8

A njê-bbəəlje, njê kə̂ tusuje mə-kunn inyaje, njê-nɛ̂n-ddaje kə̂ maji ang, njê-tɔlje dəwje, njê-ddaje lo-to-majang, njê-maalje, njê-poloje kɔr kə njê-ngəmje tɔyn, lo ləde to mə ndakə puru kə supərə tə̂. Yeenn to yo kə̂ gɔl joo laa.»

Apokalisi 22:15

See dəwje kə̂ ə-toje tokə lə bisije, njê-maalje kə njê-ddaje lo-to-majang, njê-tɔlje dəwje, njê-poloje kɔr, njê kə̂ ndikije ngəm ddəm aw ərəje ngəm ddəm ə-naynje ddaka nunn.