1 Kɔrɛntinyɛje 6:5 - Dɔnɔn kə̂ Siki: Tar kə̂ aw arə təbbə

⁵ M-pa baann karə rɔ-kul ddase. Marə dəw kə̂ nje-kəm-karɛ kə̂ a gangə sariya horo ngakɔɛ̂nje tə̂ njaa goto wa?

1 Kɔrɛntinyɛje 6:5 Iomraidhean Croise

Kulaje 1:15

Dɔ ndɔɛ̂je tə̂ənn, Piyɛr in taar horo njê-mə-kunnje tə̂ kə̂ kɔrde asə kɔr kâra kə dɔjoo ngaâ pa nan:

Kulaje 9:13

Ananiyas le ila tə̂ nan: «Əbbəmje, dəwje nya paje tar nɛ̂nje kə̂ maji ang tɔyn kə̂ dəw nəənn dda kə dəwje ləi Jerujalɛm.

1 Kɔrɛntinyɛje 11:14

Nɛ̂nje kə̂ Lubba dda njaa kara tɔjuse to, bbo biin-dɔ dingaw ngal a, to nɛ̂n-rɔ-kul laa.

1 Kɔrɛntinyɛje 15:34

Maji karə ə-təlje uwaje dɔse kə majɛ̂, inyaje nɛ̂n-ddaje kə̂ maji ang. Mba marə dəwje horose tə̂ gərəje Lubba ang. M-pa baann karə rɔ-kul ddase.

1 Kɔrɛntinyɛje 3:18

Maji karə dəw kâra ərə rɔɛ̂ ang. Bbo marə dəw horose tə̂ oo rɔɛ̂ to nje-kəm-karɛ ddəw nɛ̂nje tə̂ kə̂ dɔ nangə tə̂ nəənn a, maji karə noo rɔɛ̂ to mbə bba nâ ddee to nje-kəm-karɛ kə̂ tɔkɔrɔ.

1 Kɔrɛntinyɛje 4:10

Jeje n-to mbəje ɔju dɔ Kristə, a sese ə-toje to njê-kəm-karɛje ddəw tə̂ lə Kristə. Jeje, jubba singa ang, a sese ubbaje singa. Dəwje aw ɔsuje gajise, a jeje dooje to nɛ̂n ang.

1 Kɔrɛntinyɛje 4:14

M-dda nɛ̂nje nəənn makəturu tə̂ mba ndəjə nɛ̂n se tokə lə ngannəm kə̂ m-ndikide, bbo m-dda mba kila nɛ̂n rɔ-kul kəmse tə̂ ang.

1 Kɔrɛntinyɛje 6:1

Bbo marə dəw horose tə̂ inga tar kə ngokɔɛ̂n a, ninya njê-mə-kunnje, a dəwje kə̂ gərəje Lubba ang â narə gangə sariya laa wa?

1 Kɔrɛntinyɛje 6:4

Bbo tarje kə̂ tokə baann to horose tə̂ a, dəwje kə̂ Egilisi oode to nɛ̂n ang â unnjede to njê-gangəje sariyaje ləse mba ddi wa?

Jakə 1:5

Bbo kəm-karɛ du marə dəw horose tə̂ a, maji karə n̂-duju Lubba. Lubba a karɛ̂ kəm-karɛ le. Mba Lubba aw arə nɛ̂n dəw kə mə-maji laa bbo kɔl kə dəw bba arɛ̂ nɛ̂n ang.