1 Kɔrɛntinyɛje 5:8 - Dɔnɔn kə̂ Siki: Tar kə̂ aw arə təbbə

⁸ Maji karə n-ddaje kusu Pakə le kə mapa kə̂ n̂-dda kə wum kə̂ ləw ang. Mba to wum majang, wum yərəw. A n-ddaje kusu Pakə le kə mapa kə̂ wum goto tə̂ ddəw nɛ̂n tə̂ kə̂ tɔkɔrɔ ddəm ddəw nɛ̂n tə̂ kə̂ yərəw ɔru ang ddəm.

1 Kɔrɛntinyɛje 5:8 Iomraidhean Croise

Matiye 16:12

Yeenn ngaâ njê-njaje go Jeju tə̂ le gərəje to tar kə̂ Jeju aw pa le to tar nɛ̂n-tɔjuje lə Parijinyɛje kə Sadusinyɛje bbo to tar wum mapa ang.

Matiye 16:6

Jeju pa arəde nan: «Aaje rɔse wum tə̂ lə Parijinyɛje kə Sadusinyɛje.»

Marke 8:15

Jeju ndɔru mbide nan: «Ooje kə majɛ̂ bba! Aaje rɔse wum tə̂ lə Parijinyɛje kə Erodə.»

Luku 12:1

Kar tə̂ənn njaa, dəwje mbɔnje naan tokə banya ngaâ daw dubbaje gɔl naan. Jeju pa arə njê-njaje goe tə̂ dɔngɔr nan: «Aaje rɔse wum tə̂ lə Parijinyɛje kə̂ to ngəm.

Tar kə̂ Maji kə̂ Jan dda makəturu tə̂ 1:47

Jeju oo Natanayɛl kə̂ aw ddee kə rɔɛ̂ tə̂ ngaâ pa tar dɔɛ̂ tə̂ nan: «Ngonn Ijarayɛl kə̂ tɔkɔrɔ â toonn. To dəw kə̂ ngəm to rɔɛ̂ tɛɛ̂ ang.»

1 Kɔrɛntinyɛje 3:3

Tɔkɔrɔ, ə-naynje ddəw da-rɔ tə̂ baa bbay, mba kunda-mə kə naan kə kɔl-naan nayn horose tə̂. Yeenn a, ə-toje to dəwje kə̂ naynje ddəw da-rɔ tə̂ ngaâ aw ddaje kula-dda lə dəwje kə̂ baa ang wa?

1 Kɔrɛntinyɛje 5:1

Dəwje aw paje kə lo tɔyn nan kaya aw to horose tə̂. Dəwje kə̂ gərəje Lubba ang kara ddaje nɛ̂n baann ang. Moo nan marə dəw taa dɛnɛ̂n lə bɔɛ̂je.

1 Kɔrɛntinyɛje 5:6

Kɔsu gaji rɔ ləse le maji ang. Ə-gərəje to wum kə̂ tɛn baa dda arə nduju kə̂ n̂-bɔkɔlɔ in ang wa?

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 2:17

Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.

2 Kɔrɛntinyɛje 8:8

To ndu â munn marəse ang. Â bbo m-pa tar bbo dda kula kə̂ to mə marə dəwje marəse a, yeenn to ddəw â marəse karə sese kara ə-tɔjuje ndiki ləse kə̂ tɔkɔrɔ kə ddaka.

Epɛjinyɛje 6:24

Maji karə Lubba dda mə-maji kə dəwje tɔyn kə̂ ndikije Əbbəjeje Jeju-Kristə kə ndiki kə̂ a goto ndɔ kâra ang.

1 Piyɛr 4:2

Yeenn bba karə kəsə ndɔje kə̂ n̂-nayn nɛ̂n dɔ nangə tə̂ nəənn kə da-rɔɛ̂ bbay le, n̂-nja kə ddəw kə̂ mə Lubba ndiki, bbo ddəw bboje tə̂ kə̂ da-rɔ tə̂ ang ngaa.