1 Kɔrɛntinyɛje 5:11 - Dɔnɔn kə̂ Siki: Tar kə̂ aw arə təbbə

¹¹ Baann ang. M-dda makəturu le marəse karə ta bbo marə dəw oo rɔɛ̂ to ngokɔnje ddəw mə-kunn tə̂ mban bba aw dda kaya, aw unda kəm-nda, aw polo kɔr, aw nanɛn kə dəw, ddee to bbərə lə koto, ddee to nje-bboko a, maji karə nɛ̂n kara usaje saa ang.

1 Kɔrɛntinyɛje 5:11 Iomraidhean Croise

Matiye 18:17

Bbo n̂-mbətə ta koo ndəjə ləde a, ə-pa tarɛ̂ arə Egilisi. Bbo n̂-mbətə ta koo ta Egilisi tɔ a, maji karə ooe to dəw kə̂ gərə Lubba ang wase tokə lə nje-taa narɛ lambo.

Matiye 23:25

«To ndoo nya arəse, see njê-gərəje-Ndu kə see Parijinyɛje kə̂ njê-ngəmje. Aw tokoje giri əngo kə giri ka. A nɛ̂n-bbokoje kə nɛ̂nje kə̂ toje kə ddəwe ang â ddusu mə əngo kə mə ka le.

Luku 18:11

Parijinyɛ le ar taar ngaâ duju Lubba mba tar dɔɛ̂ njaa nan: ‹Lubba, mari wooyo mba m-to tokə kəsə dəwje ang. Kəseje toje to njê-bbokoje, njê-nɛ̂n-ddaje kə̂ gatə gatə ang, njê-ddaje lo-to-majang. M-to tokə nje-taa narɛ lambo nəənn ang tɔ.

Luku 21:34

«Aaje rɔse! Arəje məse to kə dɔ kay koto tə̂ karə uta dɔse kə kusa nɛ̂n karə uta dɔse dɔrɔ ang, arəje kəjə-tar mba nɛ̂nje kə̂ nangə̂ nəənn uta dɔse ang. Bbo baann ang a, ndɔ nəənn le a ddee dɔse tə̂ busu

Kulaje 1:15

Dɔ ndɔɛ̂je tə̂ənn, Piyɛr in taar horo njê-mə-kunnje tə̂ kə̂ kɔrde asə kɔr kâra kə dɔjoo ngaâ pa nan:

Kulaje 9:17

Yeenn bba Ananiyas le aw ngaâ andə kəy le aw ila jia dɔɛ̂ tə̂ ngaâ pa nan: «Sɔl, ngokɔnʼm, Əbbə-dəwje Jeju kə̂ ingai kə ddəw ddee tə̂ ləi le ulam rɔi tə̂ karə ə-təl oo lo ddəm karə Ndil-mə-nda ddusi ddəm.»

Rɔmɛnje 13:13

Maji karə pa-nja ləje to gatə gatə tokə dəwje kə̂ aw njaje dann karâ. Jusaje nɛ̂n wase jayje koto jarə uta dɔɛ̂ ang. Maji karə n-ddaje kaya ang ddəm n-ddaje nɛ̂n kə ngabula ang ddəm. Jinyaje kɔl-naan ddəm jundaje mə kə naan ang ddəm.

Rɔmɛnje 16:17

Ngakɔnʼmje, nɛ̂n kə̂ mâ dujuse â nəənn: Aaje rɔse rɔ dəwje tə̂ kə̂ aw ddaje arə njê-mə-kunnje aw tinje naan. Dâ paje tar kə̂ to dang kə nɛ̂n-tɔju kə̂ n-tɔjuse ngaâ dâ ddaje karə njê-mə-kunnje osoje mə majang tə̂. Aynjede,

1 Kɔrɛntinyɛje 10:14

Mba yeenn bba, ngakɔnʼmje kə̂ m-ndikise nya, to maji karə ə-ngəmje rɔse ddəw polo kɔr tə̂.

1 Kɔrɛntinyɛje 11:21

Mba kar nɛ̂n-kusa a, nân nân kara aw kə ngɔru mba kusa nɛ̂n laa njaa ngaâ bbo dda marɛ̂je, a koto dda marɛ̂je.

1 Kɔrɛntinyɛje 6:10

njê-bbokoje, njê-kundaje kəm-nda, njê kə̂ toje to bbərəje lə koto, njê-nanɛnje, njê-kuwa nɛ̂n lə ngamarəde kə singa, lo ləde to Bbe-kɔn tə̂ lə Lubba ang.

1 Kɔrɛntinyɛje 6:6

Marə dəw lə Kristə aw kə ngokɔɛ̂n nɔn sariya tə̂ lə dəwje kə̂ ddaka le to nɛ̂n kə̂ maji wa?

1 Kɔrɛntinyɛje 6:9

Ə-gərəje ang wa? Dəwje kə̂ toje gatə gatə ang, lo ləde goto Bbe-kɔn tə̂ lə Lubba. Ərəje rɔse ang! Njê-kayaje wase njê-poloje kɔrje, njê-ddaje lo-to-majang wase dingawje kə̂ aw toje kə dingaw marədeje,

1 Kɔrɛntinyɛje 7:12

Ənga kəseje, bbo marə ngokɔnje taa dɛnɛ̂n kə̂ to nje-mə-kunn ang ngaâ dɛnɛ̂n le ndiki ta nayn saa a, maji karə n̂-tubbɛ̂ ang. Yeenn to Əbbə-dəwje â pa ang, əman njaa m-pa.

1 Kɔrɛntinyɛje 7:15

Bbo dəw kə̂ to nje-mə-kunn ang ndiki ta mbətə dɛnɛ̂n laa wase ngawɛ̂je kə̂ to nje-mə-kunn a, tar goto. Mba lo tə̂ənn, marə nɛ̂n kə̂ tɔɛ̂ naan tə̂ kə ngokɔnje kə̂ dingaw wase ngokɔnje kə̂ dɛnɛ̂n le goto. Lubba bbarje karə jisi kə mə-wul-lɔm.

1 Kɔrɛntinyɛje 8:11

Yeenn a, dəw kə̂ sangə ang bbay, ne kə̂ n̂-to ngokɔnje kə̂ Kristə oy mba tar laa le, nâ kunn ddəw kə̂ maji ang ɔju dɔ nɛ̂n-gərə ləi le.

Galatəje 2:12

Kete bba karə dəwje kə̂ Jakə ulade le ddee teeje a, Piyɛr le aw usa nɛ̂n kə njê-mə-kunnje kə̂ toje to Jiipije ang. A go ddee tə̂ lə dəwje le a, nayn njê-mə-kunnje le ngaâ nusa nɛ̂n kə de ang ngaa, mba n̂-bbəəl dəwje kə̂ aw ngəmje ndu kuja ganja le.

Epɛjinyɛje 5:18

Ayje koto arə ddase ang. Mba koto aw kə dəw arə tuju. A arəje Ndil â ddususe.

Epɛjinyɛje 5:5

Mba maji karə ə-gərəje kə majɛ̂: Dəw kə̂ aw dda kaya, dəw kə̂ aw dda nɛ̂n-yərəw, dəw kə̂ aw unda kəm-nda, mba kunda kəm-nda to polo kɔr. Bbe-kɔn lə Kristə de kə Lubba a to lə dəwje kə̂ baann ang.

Kolosinyɛje 3:5

Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

2 Tesalonisinyɛje 3:14

Bbo marə dəw mbətə ta dda nɛ̂n kə turu ndu kə̂ jarəse makəturu tə̂ nəənn a, ɛɛ̂je kə majɛ̂, ə-ddaje saa mə-kâra ang arəje rɔɛ̂ wul.

2 Tesalonisinyɛje 3:6

Ngakɔnje, n-dujuse nya kə ri Əbbəjeje Jeju-Kristə karə aynje ngakɔnje kə̂ toje to njê-dabbəje, kə̂ aw ddaje nɛ̂nje kə̂ toje dang kə nɛ̂nje kə̂ n-tɔjuse.

1 Timɔte 3:3

Maji karə n̂-to bbərə lə koto ang, n̂-to nje-ddɔ kə dəwje ang, n̂-to dəw kə̂ wul pee, n̂-to dəw kə̂ ndiki kɔl ang, n̂-to dəw kə̂ ndiki narɛ nya ang.

1 Timɔte 6:5

mayn tar kə̂ kɔnyɛ̂ goto horo dəwje tə̂ kə̂ kəjə ləde to kə dɔgɔlɛ̂ ddəm tar kə̂ tɔkɔrɔ goto tade tə̂ ddəm. Dooje kunn-mə karə Lubba to ddəw nɛ̂n-kinga ləde.

2 Jan 1:10

Bbo dəw ddee rɔse tə̂ ngaâ tɔjuse marə nɛ̂n-tɔju kə̂ dang a, ə-ddɛɛ̂je lapiya ang ddəm ə-tɛɛ̂je kə kəy ləse ang ddəm.

Apokalisi 2:14

A marə nɛ̂nje kə̂ m-mbətə səi â nəənn: Marə dəwje kə̂ unnje go nɛ̂n-tɔju lə Balaam eeje rɔi tə̂ənn. Ləw, Balaam le tula Balak karə nərə ngann Ijarayɛlje narə usaje da kə̂ n̂-polo nɛ̂n kɔrje ngaâ karə n̂-ddaje nɛ̂n-kayaje.

Apokalisi 2:20

A nɛ̂n kə̂ m-mbətə səi â to kinya kə̂ inya Jejabɛl kə̂ dda rɔɛ̂ to nje-kila mbər tar lə Lubba arə tɔju ddəw kə̂ maji ang njê-kulaje ləm. Nərəde narə n̂-ddaje kaya ngaâ dusaje da kə̂ n̂-polo nɛ̂n kɔrje.

Apokalisi 21:8

A njê-bbəəlje, njê kə̂ tusuje mə-kunn inyaje, njê-nɛ̂n-ddaje kə̂ maji ang, njê-tɔlje dəwje, njê-ddaje lo-to-majang, njê-maalje, njê-poloje kɔr kə njê-ngəmje tɔyn, lo ləde to mə ndakə puru kə supərə tə̂. Yeenn to yo kə̂ gɔl joo laa.»

Apokalisi 22:15

See dəwje kə̂ ə-toje tokə lə bisije, njê-maalje kə njê-ddaje lo-to-majang, njê-tɔlje dəwje, njê-poloje kɔr, njê kə̂ ndikije ngəm ddəm aw ərəje ngəm ddəm ə-naynje ddaka nunn.