1 Kɔrɛntinyɛje 5:10 - Dɔnɔn kə̂ Siki: Tar kə̂ aw arə təbbə

¹⁰ Dəwje tɔyn kə̂ dɔ nangə tə̂ nəənn kə̂ toje to njê-kayaje â maw pa tar le mbade ang ddəm njê kə̂ aw undaje kəm-nda wase njê-bbokoje kə njê-poloje kɔrje ang ddəm. Bbo tokə baann a, a to maji karə ɔruje rɔse rɔ dəwje tə̂ kə̂ nangə̂ nəənn.

1 Kɔrɛntinyɛje 5:10 Iomraidhean Croise

Luku 18:11

Parijinyɛ le ar taar ngaâ duju Lubba mba tar dɔɛ̂ njaa nan: ‹Lubba, mari wooyo mba m-to tokə kəsə dəwje ang. Kəseje toje to njê-bbokoje, njê-nɛ̂n-ddaje kə̂ gatə gatə ang, njê-ddaje lo-to-majang. M-to tokə nje-taa narɛ lambo nəənn ang tɔ.

Tar kə̂ Maji kə̂ Jan dda makəturu tə̂ 15:19

Bbo ə-toje to dəwje kə̂ duninya tə̂ a, dəwje kə̂ duninya tə̂ a ndikijese, mba ə-toje to ləde. A ə-toje to dəwje kə̂ duninya tə̂ ang ngaâ m-mbərəse horo dəwje tə̂ kə̂ duninya tə̂ nəənn. Mba yeenn bba, dəwje kə̂ duninya tə̂ mbətəjese.

Tar kə̂ Maji kə̂ Jan dda makəturu tə̂ 17:6

M-dda marə dəwje kə̂ ə-mbərəde horo marɛ̂je tə̂ duninya tə̂ ungude mə jim tə̂ le gərije. N̂-toje to dəwje ləi â ungude mə jim tə̂ ngaâ n̂-ddaje nɛ̂n kə turu ndui.

Tar kə̂ Maji kə̂ Jan dda makəturu tə̂ 17:9

«Dede â maw duji mbade. Maw duji mba dəwje kə̂ duninya tə̂ nəənn ang, a maw duji mba dəwje kə̂ ungude mə jim tə̂, mba n̂-toje to dəwje ləi.

Tar kə̂ Maji kə̂ Jan dda makəturu tə̂ 8:23

Jeju ilade tə̂ nan: «Sese, ə-toje to dəwje kə̂ nangə̂ nəənn, a əman m-to dəw kə̂ darâ. Ə-toje to dəwje kə̂ duninya tə̂ nəənn, a əman, m-to dəw kə̂ duninya tə̂ nəənn ang.

1 Kɔrɛntinyɛje 1:20

Nje-kəm-karɛ to dda wa? Nje-gərə-Ndu to dda wa? Nje-nɛ̂n-gərə kə̂ bbasinɛn nəənn to dda wa? Lubba dda arə kəm-karɛ kə̂ duninya tə̂ nəənn təl to nɛ̂n-mbə.

1 Kɔrɛntinyɛje 10:27

Bbo dəw kə̂ to nje-mə-kunn ang bbarse kə nɛ̂n-kusa, â bbo ə-ndikije tə̂ ngaâ awje mban a, maji karə usaje nɛ̂n tɔyn kə̂ narəse bbo ə-dujuje tar dɔɛ tə̂ mba kəjə ləse kə̂ aw jɔkuse le ang.

1 Kɔrɛntinyɛje 5:11

Baann ang. M-dda makəturu le marəse karə ta bbo marə dəw oo rɔɛ̂ to ngokɔnje ddəw mə-kunn tə̂ mban bba aw dda kaya, aw unda kəm-nda, aw polo kɔr, aw nanɛn kə dəw, ddee to bbərə lə koto, ddee to nje-bboko a, maji karə nɛ̂n kara usaje saa ang.

1 Kɔrɛntinyɛje 5:9

M-dda marə makəturu tə̂ marəse m-pa nan: «Ə-ddaje mə-kâra kə njê-kayaje ang.»

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

Epɛjinyɛje 2:2

Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

Pilipinyɛje 2:15

Yeenn bba â toje to dəwje kə̂ tar a to dɔde tə̂ ang, dəwje kə̂ nɛ̂n-yərəw ɔrude ang. A toje to ngannje lə Lubba kə̂ majang ɔrude ang, horo dəwje tə̂ kə̂ bbasinɛn nəənn kə̂ toje gatə gatə ang ddəm majije ang ddəm. Maji karə ə-ndokoje horode tə̂ tokə lə puru-ngeel dɔ nangə tə̂,

1 Jan 4:5

Dede, n̂-toje to dəwje kə̂ dɔ nangə tə̂ nəənn ngaâ n̂-paje tar tokə dəwje kə̂ nangə̂ nəənn, mba yeenn le bba dəwje kə̂ nangə̂ nəənn ooje tar ləde.

1 Jan 4:7

Ngakɔnʼmje kə̂ m-ndikise, maji karə n-ndikije naan horoje tə̂, mba ndiki in rɔ Lubba tə̂. Dəw kə̂ ndiki nje-marɛ̂ to dəw kə̂ Lubba uje ngaâ n̂-gərə Lubba.

1 Jan 5:19

Jeje, n-gərəje to n-toje to dəwje lə Lubba, a duninya nəənn tɔyn to mə ji Nje-mə-majang tə̂.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.