1 Kɔrɛntinyɛje 5:1 - Dɔnɔn kə̂ Siki: Tar kə̂ aw arə təbbə

¹ Dəwje aw paje kə lo tɔyn nan kaya aw to horose tə̂. Dəwje kə̂ gərəje Lubba ang kara ddaje nɛ̂n baann ang. Moo nan marə dəw taa dɛnɛ̂n lə bɔɛ̂je.

1 Kɔrɛntinyɛje 5:1 Iomraidhean Croise

Kulaje 15:20

Maji karə n-ddaje makəturu julaje jarəde karə dusaje nɛ̂n kə̂ n̂-polo nɛ̂n kɔr ang, mba to nɛ̂n-yərəw, n̂-ddaje kaya ang, dɔnje da kə̂ dute kəwn bba n̂-tɔlɛ̂ ang, dusaje məsə ang.

Kulaje 15:29

Maji karə usaje da kə̂ n̂-polo nɛ̂n kɔr ang, usaje məsə ang, ɔnje da kə̂ dute kəwn n̂-tɔlɛ̂ ang, ə-ddaje kaya ang. Bbo ə-ngəmje rɔse ddəw nɛ̂nje tə̂ənn tɔyn a, to nɛ̂n kə̂ maji. N-ddase lapiya nya.»

1 Kɔrɛntinyɛje 1:11

Mba, ngakɔnʼmje, njê kə̂ dɔ Kolowe tə̂ paje arəmje nan koo-ta-naan goto horose tə̂.

1 Kɔrɛntinyɛje 5:11

Baann ang. M-dda makəturu le marəse karə ta bbo marə dəw oo rɔɛ̂ to ngokɔnje ddəw mə-kunn tə̂ mban bba aw dda kaya, aw unda kəm-nda, aw polo kɔr, aw nanɛn kə dəw, ddee to bbərə lə koto, ddee to nje-bboko a, maji karə nɛ̂n kara usaje saa ang.

1 Kɔrɛntinyɛje 6:13

Ə-paje nan: «Nɛ̂n-kusa to mba mə dəw ngaâ mə dəw to mba nɛ̂n-kusa.» Tɔkɔrɔ njaa, a Lubba a tujude joo kəm. A da-rɔ dəw to mba kaya ang. Da-rɔ dəw to mba Əbbə-dəwje ngaâ Əbbə-dəwje to mba da-rɔ dəw.

1 Kɔrɛntinyɛje 6:18

Aynje kaya. Kəsə nɛ̂nje kə̂ maji ang tɔyn kə̂ dəw aw dda to ddaka bbo to da-rɔɛ̂ tə̂ ang. A dəw kə̂ dda kaya, dda maji ang kə da-rɔɛ̂ ne njaa.

1 Kɔrɛntinyɛje 6:9

Ə-gərəje ang wa? Dəwje kə̂ toje gatə gatə ang, lo ləde goto Bbe-kɔn tə̂ lə Lubba. Ərəje rɔse ang! Njê-kayaje wase njê-poloje kɔrje, njê-ddaje lo-to-majang wase dingawje kə̂ aw toje kə dingaw marədeje,

2 Kɔrɛntinyɛje 12:21

M-bbəəl mba kin karə maw ta koose kə̂ guku a, Lubba ləm ila rɔ-kul kəmʼm tə̂ nɔnse tə̂. Ngaâ, karə m-nɔn, mba dəwje nya horose tə̂ kə̂ naynje ddəw majang tə̂ tokə ye kə̂ ləw, ddəw nɛ̂n-yərəwje tə̂, ddəw kaya tə̂ kə ddəw lo-to-majang tə̂.

2 Kɔrɛntinyɛje 2:5

Bbo marə dəw dda arə rɔ nje-marɛ̂ nəəle ang a, to əman â n̂-dda səm ang. To sese tɔyn â narə rɔse nəəlse ang. A ta kɔju tar ang a, n̂-dda narə rɔ marə dəwje horose tə̂ nəəlde ang njaa.

2 Kɔrɛntinyɛje 7:12

Yeenn bba, bbo m-dda makəturu le marəse a, m-dda ɔju dɔ dəw kə̂ dda nje-marɛ̂ maji ang ddəm ɔju dɔ dəw kə̂ nje-marɛ̂ ddɛɛ̂ maji ang le ddəm. A m-dda ta tɔju kəm Lubba tə̂ to ə-toje ngɔsi ta dda nɛ̂n njangə njangə mbaje.

Galatəje 5:19

N-gərə nɛ̂nje kə̂ bboje kə̂ da-rɔ tə̂ aw dda: Kaya, nɛ̂n-yərəw, lo-to-majang ang,

Epɛjinyɛje 5:3

Ə-toje to dəwje lə Lubba. Mba yeenn bba, maji karə dəw bbar ri nɛ̂nje tokə kaya, nɛ̂n-yərəw, kunda kəm-nda horose tə̂ ang.

Kolosinyɛje 3:5

Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

1 Tesalonisinyɛje 4:7

Mba Lubba bbarje karə n-sangəje rɔje mbɛɛ̂ bbo karə jula rɔje mə nɛ̂n-yərəw tə̂ ang.

Apokalisi 2:21

Minya marə kar marɛ̂ karə n̂-turu məɛ̂. A n̂-ndiki ta kinya ddəw kaya laa le ang.

Apokalisi 21:8

A njê-bbəəlje, njê kə̂ tusuje mə-kunn inyaje, njê-nɛ̂n-ddaje kə̂ maji ang, njê-tɔlje dəwje, njê-ddaje lo-to-majang, njê-maalje, njê-poloje kɔr kə njê-ngəmje tɔyn, lo ləde to mə ndakə puru kə supərə tə̂. Yeenn to yo kə̂ gɔl joo laa.»