1 Kɔrɛntinyɛje 4:8 - Dɔnɔn kə̂ Siki: Tar kə̂ aw arə təbbə

⁸ A kə̂ ingaje nɛ̂n tɔyn asəse mban le! A kə̂ ə-toje to njê-nɛ̂n-kingaje mban le! A kə̂ aw ɔnje mbay mban, a jeje jɔn mbay ang le! Bbo le to ɔnje mbay le tokə tɔkɔrɔ a, jeje kara ja kɔn kə se mbay tɔ!

1 Kɔrɛntinyɛje 4:8 Iomraidhean Croise

Matiye 5:1

Jeju oo dəwje kə̂ banya le a, aal dɔ marə ddingiri isi tə̂ ngaâ njê-njaje goe tə̂ awje rɔɛ̂ tə̂ tɔ.

Luku 6:25

To ndoo nya arəse, see dəwje kə̂ məse ndann bbokənɛn, mba bbo a ddase! To ndoo nya arəse, sese kə̂ aw kokoje bbokənɛn, mba nɛ̂n-mə-kɔn a ddase ngaâ maann-nɔn a ndəəyse!

Kulaje 26:29

Pɔl pa arɛ̂ nan: «Kə̂ bbasinɛn nəənn wase marə ndɔ tə̂ kâra, mâ duju Lubba karə əi ddəm see dəwje tɔyn kə̂ aw ooje tar ləm bbokənɛn nəənn ddəm ə-ddeeje tokə əman. A m-ndiki ta karə n̂-tɔse kə kula njamji tokə əman nəənn ang.»

Rɔmɛnje 12:3

Lubba dda səm mə-maji nya. Mba yeenn bba, m-ndəjəse kâra kâra tɔyn karə ooje rɔse bo uta dɔɛ̂ ang. A, maji karə dəw oo rɔɛ̂ ngaji baa asə kəm mə-kunn kə̂ Lubba arə dəw kâra kâra.

1 Kɔrɛntinyɛje 1:5

Mba, ddəw tə̂ lə Jeju-Kristə le bba ingaje nɛ̂n nɛ̂n-kingaje tɔyn, narəse gusu pa-tar kə gusu nɛ̂n-gərə.

1 Kɔrɛntinyɛje 4:18

Marə dəwje horose tə̂ ooje rɔde bo mba dəjəje to mâ tee horose tə̂ ang.

1 Kɔrɛntinyɛje 5:6

Kɔsu gaji rɔ ləse le maji ang. Ə-gərəje to wum kə̂ tɛn baa dda arə nduju kə̂ n̂-bɔkɔlɔ in ang wa?

2 Kɔrɛntinyɛje 11:1

Ddəw to a, ə-tɔje wurse arəmje, mba mâ pa tar tokə nje-wooy ngaji. Tɔkɔrɔ, ə-tɔje wurse arəmje.

2 Kɔrɛntinyɛje 13:9

Kar tɔyn kə̂ jeje jee kə singa ang, â bbo sese eeje nɛ̂n a, rɔje nəəlje. Nɛ̂n kə̂ jaw duju Lubba to, karə ə-ddeeje to dəwje kə̂ maji tɔyn.

Galatəje 6:3

Bbo dəw kə̂ to marə nɛ̂n ang oo rɔɛ̂ bo nya a, ne njaa naw nərə rɔɛ̂.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Pilipinyɛje 2:12

Yeenn a, ngakɔnʼmje kə̂ m-dikise nya, ooje ta Lubba kə majɛ̂ njaa, kar tə̂ kə̂ mee nɛ̂n horose tə̂. A maji karə ooje tɛɛ̂ uta nya bbay, kar tə̂ kə̂ bbasinɛn nəənn kə̂ m-goto horose tə̂ le. Maji karə ə-ddaje kula kaji kə̂ ingaje le kə bbəəl ddəm rɔ-kisa ddəm.

Apokalisi 3:17

Ə-pa nan: ‹M-to nje-nɛ̂n-kinga, minga nɛ̂n nya, marə nɛ̂n kâra dum ang.› A ə-gərə ang. Ə-to ndoo ddəm marə nɛ̂n kâra to jii tə̂ ang ddəm. Ə-to nje-ndoo ddəm nje-kəm-tɔ ddəm ngaâ kubbu goto rɔi tə̂.

Apokalisi 5:10

Ə-ddade to dəwje kə̂ mə Bbe-kɔn tə̂ lə Lubba ddəm njê-poloje Lubba ddəm karə n̂-ddaje kula laa. Dâ kɔn-mbay dɔ nangə tə̂.»