1 Kɔrɛntinyɛje 4:6 - Dɔnɔn kə̂ Siki: Tar kə̂ aw arə təbbə

⁶ Ngakɔnʼmje, mba tar ləse â munn nɛ̂n nɛ̂n-kɔju-marɛ̂ dɔm tə̂ kə dɔ Apolos tə̂, ta karə ə-gərəje nɛ̂n gəl kɔn-tar nəənn: «Nɛ̂n kə̂ n̂-dda makəturu tə̂ njaa maji ta nayn dɔɛ tə̂». Baann bba karə dəw kâra horose tə̂ unda gue ngaâ unn go marə dəw mbətə nɛ̂n marɛ̂ ang.

1 Kɔrɛntinyɛje 4:6 Iomraidhean Croise

Kulaje 18:24

Marə Jiipi kə̂ ria nan Apolos kə̂ duje Alɛkəjandiri ddee Epɛjə le. N̂-to dəw kə̂ gərə pa tar ddəm gərə makəturu lə Lubba nya ddəm.

Kulaje 19:1

Kar tə̂ kə̂ Apolos nayn Kɔrɛntə a, Pɔl nday kə ddəw kə̂ Aji kə̂ to ddingirije ngaâ tee Epɛjə. Ninga marə njê-njaje go Əbbə-dəwje tə̂ lo tə̂ənn,

Rɔmɛnje 12:3

Lubba dda səm mə-maji nya. Mba yeenn bba, m-ndəjəse kâra kâra tɔyn karə ooje rɔse bo uta dɔɛ̂ ang. A, maji karə dəw oo rɔɛ̂ ngaji baa asə kəm mə-kunn kə̂ Lubba arə dəw kâra kâra.

1 Kɔrɛntinyɛje 1:12

Nɛ̂n kə̂ mâ ta pa karəse â nəənn. Horose tə̂, marɛ̂ pa nan: «Əman m-to dəw lə Pɔl», marɛ̂ pa nan: «Əman m-to dəw lə Apolos», marɛ̂ pa nan: «Əman m-to dəw lə Piyɛr», marɛ̂ pa bbay nan: «Əman m-to dəw lə Kristə.»

1 Kɔrɛntinyɛje 1:19

Mba Makəturu lə Lubba pa nan: «Mâ tuju kəm-karɛ lə njê-kəm-karɛje, mâ dda karə nɛ̂n-gərə lə njê-nɛ̂n-gərəje təl to nɛ̂n kə̂ baa.»

1 Kɔrɛntinyɛje 1:31

Yeenn bba tokə makəturu lə Lubba pa le: «Bbo marə dəw ndiki ta kunda gue a, unda gue kə kula kə̂ Əbbə-dəwje dda.»

1 Kɔrɛntinyɛje 13:4

Ndiki to kore-wur, ndiki to dda maji, mə ddɛɛ̂ ang. Naw nunda gue ang ddəm noo rɔɛ̂ bo ang ddəm.

1 Kɔrɛntinyɛje 3:19

Mba kəm-karɛ kə̂ duninya tə̂ nəənn to nɛ̂n-mbə kəm Lubba tə̂. Mba Makəturu lə Lubba pa nan: «Njê-kəm-karɛje aw osoje mə ji Lubba tə̂ ddəw tar ngəm tə̂ ləde njaa.»

1 Kɔrɛntinyɛje 3:21

Yeenn a, maji karə dəw unda gue mba marə dəw ang. Mba nɛ̂nje tɔyn to nɛ̂nje ləse.

1 Kɔrɛntinyɛje 5:2

Ngaâ koo-rɔ-bo uta dɔse. Â kasəje ta karə nɛ̂ɛnn le jɔkuse ang wa? To tar ləse ta kɔru dəw kə̂ dda nɛ̂ɛnn le horose tə̂ kə ddang ang wa?

1 Kɔrɛntinyɛje 5:6

Kɔsu gaji rɔ ləse le maji ang. Ə-gərəje to wum kə̂ tɛn baa dda arə nduju kə̂ n̂-bɔkɔlɔ in ang wa?

1 Kɔrɛntinyɛje 8:1

Bbasinɛn nəənn, jooje nɛ̂n kə̂ ɔju dɔ daje kə̂ darə kɔrje to nɛ̂n-polo. Tɔkɔrɔ, jeje tɔyn n-gərəje nɛ̂n. Nɛ̂n-gərə dda arə dəw oo rɔɛ̂ bo, a ndiki dda arə mbɔn-naan lə njê-mə-kunnje inga singa.

1 Kɔrɛntinyɛje 9:23

Maw dda nɛ̂njeenn tɔyn ɔju dɔ Tar kə̂ Maji, mba kinga nɛ̂n nɛ̂n kə̂ maji kə̂ a ddee ddəwe tə̂.

2 Kɔrɛntinyɛje 10:12

Mba marə dəwje ooje rɔde bo nya. A ja tay sangə mba kasə kə de naan ang ddəm ta kunn rɔje kɔju nɛ̂n de ang ddəm. Dede njaa dunnje nɛ̂n dɔju nɛ̂n rɔde ngaâ dede njaa dunn rɔde dɔju nɛ̂n kəsə dəwje. N̂-toje to mbəje.

2 Kɔrɛntinyɛje 10:15

Kulaje lə marə dəwje â junda nɛ̂n guje jarə nday dɔɛ̂ ang. A junda məje ta bbo mə-kunn ləse bo kə kete kete a, ja kasə ta dda karə kula ləje kara aw kə kete kete horose tə̂. A ja nday ngangə lo kə̂ n̂-tɔjuje le ang.

2 Kɔrɛntinyɛje 10:7

Maji karə aaje nɛ̂n kə̂ to kəmse tə̂ ddaka baa nəənn ooje: Bbo dəw əjə to n̂-to dəw lə Kristə a, maji karə n̂-gərə kə majɛ̂ to, jeje kara n-to dəwje lə Kristə tɔ.

2 Kɔrɛntinyɛje 11:4

Mba bbo marə dəw ddee aw ila mbər tar lə marə Jeju dang kə Jeju kə̂ n-pa tar laa jarəse le wase ə-taaje marə ndil dang kə Ndil kə̂ ingaje dɔngɔr le wase n̂-ddee kə marə tar kə̂ maji dang kə ye kə̂ ə-taaje dɔngɔr le a, aw ndikije tə̂ saa kə majɛ̂.

2 Kɔrɛntinyɛje 12:19

Aw əjəje ləw baa to jaw ko rɔje nɔnse tə̂ wa? Baann ang. Kəm Lubba tə̂, ddəw tə̂ lə Kristə â jaw pa tar nəənn. See ngakɔnje kə̂ n-ndikise nya, jaw pa tarje nəənn tɔyn jarəse bba karə mə-kunn ləse ubba singa.

2 Kɔrɛntinyɛje 12:20

M-bbəəl mba kin karə m-tee bbeê ləse a, ə-toje dang kə ye kə̂ m-ndiki ddəm əman kara m-to dang kə ye kə̂ ə-ndikije le ddəm. Ngaâ, m-bbəəl mba kin karə nɛ̂nje kə̂ maji ang to horose tə̂. Nɛ̂nje tokə: Koo-ta-naan ang, kunda-mə kə naan, dda wungu, nɛ̂n-dda kə̂ ta kuta nɛ̂n naan, nanɛn kə naan, tura tarje baa baa, koo-rɔ-bo kə nɛ̂nje kə̂ ngabula.

2 Kɔrɛntinyɛje 12:6

Bbo m-ndiki ta kunda gum a, mâ to nje-wooy ang, mba tar kə̂ tɔkɔrɔ njaa â mâ pa. A mâ dda yeenn ang, mba karə dəwje inje pitimje a inyaje kula kə̂ maw dda wase tar kə̂ maw pa.

2 Kɔrɛntinyɛje 4:15

Nɛ̂nje tɔyn kə̂ aw ingajeje, ingajeje mbase. Baann bba karə bbo Lubba aw dda mə-maji nya nya kə dəwje a, dəwje arəje wooyo Lubba nya tɔ ngaâ piteje.

Kolosinyɛje 2:18

Dang bba arəje dəwje kə̂ aw ddaje rɔde tɛn baa kəm dəwje tə̂ ngaâ aw poloje anjəje, undaje tar dɔse tə̂ ang. Dooje ninje ləde kəmde tə̂ to nɛ̂nje kə̂ ngəng nya ngaâ kəjəje ləde kə̂ toje to kəjəje lə dəwje baa ddaje arə dooje rɔde bo nya.

1 Tesalonisinyɛje 1:5

mba Tar kə̂ Maji kə̂ jila mbəre bbeê ləse le, to tarje kə̂ baa ang. Jila mbər le kə singa-mɔngu kə̂ Ndil-mə-nda arəje ngaâ n-gərə to tar kə̂ jaw pa jarəse le to tar kə̂ tɔkɔrɔ. Ə-gərəje ddəw kə̂ jisi nɛ̂n horose tə̂ le kə majɛ̂, n-dda baann mba maji ləse.

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.