1 Kɔrɛntinyɛje 4:2 - Dɔnɔn kə̂ Siki: Tar kə̂ aw arə təbbə

² A nɛ̂n kə̂ daw duju ji dəwje tə̂ kə̂ dinya nɛ̂nje jide tə̂, to ta karə n̂-toje gatə gatə.

1 Kɔrɛntinyɛje 4:2 Iomraidhean Croise

Matiye 25:21

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Matiye 25:23

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Luku 12:42

Əbbə-dəwje le ilɛ̂ tə̂ nan: «Nân to nje-ngəm nɛ̂n kə̂ to gatə gatə ddəm to nje-kəm-karɛ ddəm wa? To ne kə̂ əbbeeje a kinya njê-kulaje laa jia tə̂ karə n̂-kaynde nɛ̂n-kusa kə karɛ̂ karɛ̂.

1 Kɔrɛntinyɛje 4:1

Maji karə dəwje oojeje to njê-kulaje lə Kristə, dəwje kə̂ Lubba inya nɛ̂nje kə̂ toje lo-kiyɛ̂ tə̂ jide tə̂ karə n̂-tɔjuje kə ddaka.

1 Kɔrɛntinyɛje 4:17

Mba yeenn bba mula nɛ̂n Timɔte marəse. N̂-to ngonn kə̂ m-ndike, ngonn kə̂ to gatə gatə ddəw kula tə̂ lə Əbbə-dəwje. Nâ kole məse dɔ ddəw tə̂ kə̂ maw nja nɛ̂n go Jeju-Kristə tə̂, tokə ye kə̂ maw tɔju loje tə̂ tɔyn kə Egilisije tə̂ tɔyn le.

1 Kɔrɛntinyɛje 4:3

Kə̂ kəjə tə̂ ləm, bbo sese wase njê-gangəje sariya kə̂ nangə̂ nəənn bba ə-ndikije ta gangə sariya dɔm tə̂ kara jɔkəm ang. Əman kara m-gangə sariya dɔm tə̂ ang tɔ.

1 Kɔrɛntinyɛje 7:25

Dɛnɛ̂nje kə̂ gərəje ngaw ang kə dingawje kə̂ gərəje dɛnɛ̂n ang, Əbbə-dəwje arəm ndu mbade ang. Tar kə̂ məm tə̂ njaa maw pa nəənn, əman kə̂ ddəw maji tə̂ kə̂ Əbbə-dəwje dda səm, dəwje a kasəje ta kundaje məde dɔm tə̂.

2 Kɔrɛntinyɛje 2:17

Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

Kolosinyɛje 1:7

Epaparas kə̂ to nje-kula marəje kə̂ n-ndike nya le â tɔjuse nɛ̂ɛnn. Naw dda kula mba tar le, to nje-kula lə Kristə kə̂ aw dda kula laa kə dɔgɔlɛ̂.

Kolosinyɛje 4:17

Ə-paje arəje Arəsipə ə-paje nan, maji karə nunda kəmɛ̂ dɔ kula tə̂ lə Əbbə-dəwje kə̂ darɛ̂, ta n̂-dda kə majɛ̂.

Kolosinyɛje 4:7

Ngokɔnje Tisikə kə̂ m-ndike nya â a pa tar kisi ləm kə̂ misi tɔyn karəse. N̂-to nje-kula marəm kə̂ aw dda kula lə Əbbə-dəwje kə dɔgɔlɛ̂.