1 Kɔrɛntinyɛje 4:12 - Dɔnɔn kə̂ Siki: Tar kə̂ aw arə təbbə

¹² jaw joo ndoo ddəw kula tə̂ kə̂ jaw dda kə jije njaa. Dəwje tajijeje, a n-bbar tar kə̂ maji dɔde tə̂, n̂-ddaje kə je singa, a n-tɔ wurje,

1 Kɔrɛntinyɛje 4:12 Iomraidhean Croise

Matiye 5:11

Maji arəse, sese kə̂ dəwje aw tajise, daw dulaje kəmse ndoo tə̂, daw paje tarje kə̂ maji ang dang dang, kə̂ to tar ngəmje baa dɔse tə̂ mbam.

Matiye 5:44

A əman, m-pa marəse: Ə-ndikije njê-baanje ləse ngaâ ə-dujuje Lubba mba dəwje kə̂ aw ulaje kəmse ndoo.

Luku 23:34

Jeju pa nan: «Bɔy, ɔru tar dɔde tə̂, mba n̂-gərəje nɛ̂n kə̂ daw ddaje ang.» N̂-ddɔje mbari n̂-kaynje nɛ̂n naan kubbuje laa.

Luku 6:28

Ə-bbarje tar kə̂ maji dɔ dəwje tə̂ kə̂ aw bbarje tar kə̂ maji ang dɔse tə̂, ə-dujuje Lubba mba njê kə̂ aw paje tar ləse maji ang.

Tar kə̂ Maji kə̂ Jan dda makəturu tə̂ 15:20

Oleje məse dɔ tar tə̂ kə̂ m-pa marəse: Nje-kula uta əbbeeje ang. Dəwje a kulaje kəmse ndoo tə̂ ddəw kâra baa tokə dula kəmʼm ndoo tə̂. Dəwje a ddaje nɛ̂n kə turu ndum ang, dâ ddaje nɛ̂n kə turu nduse ang tɔ.

Kulaje 18:3

A kula laa kə kula lə Pɔl kə̂ aw dda to kâra baa. Kula le to kula dda tande. Yeenn bba, Pɔl le nayn rɔde tə̂ ngaâ daw ddaje kula le.

Kulaje 20:34

Sese njaa kara ə-gərəje kə majɛ̂, əman njaa m-dda kula kə jim bba minga nɛ̂n nɛ̂n kə̂ məm ndiki kə nɛ̂n kə̂ a kuman njê-buwa-njaje ləm.

Kulaje 7:60

Goe tə̂ a, Etiyɛnn le ungu məkəjə-gɔlɛ̂ nangə̂ ngaâ uru əkii kə taar nan: «Əbbəmje, unda tar majang nəənn dɔde tə̂ ang.» Go tar tə̂ənn njaa a, noy.

Rɔmɛnje 12:14

Maji karə ə-bbarje tar kə̂ maji dɔ dəwje tə̂ kə̂ aw ulaje kəmse ndoo tə̂. Ə-bbarje tar kə̂ maji dɔ dəwje tə̂, bbo ə-ndɔɔljede ang.

Rɔmɛnje 12:20

N̂-pa tɔ nan: «Bbo nje-baan ləi bbo ddɛɛ̂ a, arɛ̂ nɛ̂n nusa, kunda ɔɛ̂n a, arɛ̂ maann nay. Bbo ə-dda baann a, nayn tokə lə yəl-puru â aw ungu dɔɛ̂ tə̂.»

Rɔmɛnje 8:35

Nân bba a tinje kə ndiki lə Kristə wa? Nɛ̂n-wungu wase kəjə-tar, nɛ̂n-singa kə̂ dəwje aw ddaje kə je, bbo, ndoo, nɛ̂n-bbəəl wase yo wa?

1 Kɔrɛntinyɛje 9:6

Wase to tar ləje, əman kə Barnabas joo baa ta dda kula bba ta kinga nɛ̂n nɛ̂n-kusa taje wa?

2 Kɔrɛntinyɛje 11:8

M-taa nɛ̂n lə marə Egilisije tɔyn jide tə̂, mba dukamje bba karə m-dda nɛ̂n kula horose tə̂.

Epɛjinyɛje 4:28

Maji karə nje-bboko inya bboko laa, a unn rɔɛ̂ dda kula kə jia mba kinga nɛ̂n kə ddəwe. Baann bba nâ kinga nɛ̂n mba kuman nɛ̂n njê kə̂ nɛ̂n dude.

1 Tesalonisinyɛje 2:9

Ngakɔnje, oleje məse dɔ kulaje tə̂ ləje kə dɔ ndoo tə̂ kə̂ joo. Til kə kar, n-dda kula bba ta ddee to nɛ̂n-koto dɔ dəw tə̂ kâra horose tə̂ ang. Baann â jila nɛ̂n mbər Tar kə̂ Maji lə Lubba jarəse.

2 Tesalonisinyɛje 3:8

N-duju dəw jarə arəje nɛ̂n-kusa baa ang. N-dda kula jarə ngəng, joo ndoo til kə kar, bba karə n-ddee to nɛ̂n-koto dɔ marə dəw tə̂ kâra horose tə̂ ang.

1 Timɔte 4:10

Jaw jooje ndoo wase jaw ddaje ddɔ mba məje kə̂ jundaje dɔ Lubba tə̂ kə̂ Nje-kisi kəm baa. Lubba kə̂ to Nje-kaji-dəwje tɔyn, uta tɔyn, n̂-to Nje-kaji njê-mə-kunnje.

1 Piyɛr 2:23

Dəwje tajɛ̂je, a nila tə̂ ang. Dula kəmɛ̂ ndoo tə̂, a n̂-pa tar dingaw ang, ninya rɔɛ̂ tɔyn mə ji Lubba tə̂ kə̂ aw gangə sariya kə̂ gatə gatə.

1 Piyɛr 3:14

Uta tɔyn bbo ooje ndoo mba nɛ̂n-dda kə̂ gatə gatə kə̂ ə-ddaje a, maji arəse. Maji karə nɛ̂n kə̂ dəwje aw bbəəlje a, ə-bbəəlje ang, arəje məse unda dɔ binya ang.

1 Piyɛr 3:9

Dəw ddase maji ang a, ilaje barɛ̂ ang, dəw tajise a, ə-tajɛ̂je ang. Tar kə̂ Maji â ə-bbarje dɔ dəwje tə̂. Yeenn njaa â Lubba bbarse mbɛɛ̂. Baann bba Lubba a bbar tar kə̂ maji dɔse tə̂.

1 Piyɛr 4:19

Yeenn a, maji karə dəwje kə̂ aw ooje ndoo mba nɛ̂n kə̂ Lubba ndiki kə̂ daw ddaje le inyaje rɔde mə ji Nje-dda nɛ̂nje tə̂ tɔyn, kə̂ asə karə dəw unda məɛ̂ dɔɛ̂ tə̂ ngaâ ta n̂-ddaje nɛ̂n kə̂ maji kə ndɔ tɔyn.

Judə 1:9

Misɛl kə̂ to tɔkə mbay lə anjəje njaa kara, kar tə̂ kə̂ naw nar nɛ̂n niinn Mɔyijə kə Əsu le, nila ta-bbar ngaji dɔɛ̂ tə̂ ang. Bbay tar kə̂ n̂-pa narɛ̂ â nan: «Maji karə Əbbə-dəwje ndangi.»