1 Kɔrɛntinyɛje 4:11 - Dɔnɔn kə̂ Siki: Tar kə̂ aw arə təbbə

¹¹ Ndərəng kar tə̂ nəənn, bbo aw ddaje, kunda aw ɔnje, kubbu aw goto rɔje tə̂, dəwje aw ddajeje maji ang, jaw nja taar jəm jəm,

1 Kɔrɛntinyɛje 4:11 Iomraidhean Croise

Matiye 8:20

Jeju ilɛ̂ tə̂ nan: «Mulaje, buwa tode to ngaâ əəlje kə̂ darâ kəy tode to, a Ngonn lə dəw, kəy dɔɛ̂ goto.»

Kulaje 14:19

Jiipije kə̂ inje Antiyos kə Ikoniyɔm ddaje arə dəwje kə̂ banya le unnje gode. N̂-tilaje Pɔl kə ər ta tɔlɛ̂ ngaâ n̂-ndɔrɛ̂je n̂-teeje saa mə bbe tə̂ kə ddang, mba dɔjuje to noy mban.

Kulaje 16:23

N̂-tundade nya, darəje dilade kəy-kula tə̂ ngaâ dunnje ndu darə nje-ngəm ta kəy-kula le karə ngəmde kə majɛ̂.

Kulaje 23:2

A Ananiyas kə̂ to tɔkə nje-polo Lubba unn ndu arə njê kə̂ arje mbɔr Pɔl tə̂ le karə dundaje tɛɛ̂.

Rɔmɛnje 8:35

Nân bba a tinje kə ndiki lə Kristə wa? Nɛ̂n-wungu wase kəjə-tar, nɛ̂n-singa kə̂ dəwje aw ddaje kə je, bbo, ndoo, nɛ̂n-bbəəl wase yo wa?

1 Kɔrɛntinyɛje 9:4

Jasə ta kusa nɛ̂n, ta kay nɛ̂n ang wa?

2 Kɔrɛntinyɛje 11:20

Aw ə-tɔje wurse arəje daw ddase to bbərəje, daw taaje nɛ̂nje ləse baa, daw bbokose, daw doose to dəwje ang ngaâ daw tundaje kəmse!

2 Kɔrɛntinyɛje 4:8

Nɛ̂n-singaje aw oreje kə yo kə nəənn, a n-nyanrɛ ang. Kəjə-tar aw tɔlje, a singaje ɔru ang.

Pilipinyɛje 4:12

M-gərə ta kisi dann ndoo tə̂ ddəm dann nɛ̂n-kinga tə̂ ddəm. Kə kar tɔyn, mə nɛ̂nje tə̂ tɔyn, bbo musa nɛ̂n məm ndann wase bbo ddam, minga nɛ̂n uta dɔm wase nɛ̂n dum njaa kara osom tə̂ ang.

2 Timɔte 3:11

Ə-gərə dda kə̂ dəwje ddamje, ndoo kə̂ moo Antiyos, Ikoniyɔm kə Listərə. Dda kə̂ dəwje oso ddamje! A Əbbə-dəwje ɔrum mə nɛ̂nje tə̂ənn tɔyn.